हवा हवाई फलाफल

उपकरण : एअर फ्रायर

कृती :

फलाफलचे रेडीमिक्स विकत आणावे. वेष्टणावर दिलेल्या प्रमाणात रेडीमिक्स मध्ये पाणी घालून मळावे. त्याचे छोटे गोळे करून टिक्की सारखा आकार द्यावा. खरंतर फलाफल साधारणतः गोल छोट्या चेंडू सारखे असतात परंतु एअर फ्रायरच्या सोइ साठी टिक्कीचा आकार दिला.

फलाफल तेलात न तळता हवेवर तळावेत ( कि हवावेत? ). या फलाफल टिक्क्या एअर फ्रायर मध्ये ठेवून ऑलिव्ह ऑइलचा ईस्प्रे मारावा आणि २० मिनिटे एका बाजूने तर १५ ते १८ मिनिटे दुसऱ्या बाजूने तांबूस सोनेरी रंग येई पर्यंत टाळावेत. फलाफलला तळायला ( कि हवायला ? ) जास्त वेळ लागतो असा अणभव आहे.

फलाफल आतून सॉफ्ट परंतु बाहेरून अतिशय क्रिस्पी होतात.

या बरोबर त्झाटझीकी, त्झातझिकी, त्झाट्झकी, झाझीकी, सासिकी, छाचिकी, चाचीक्की - enough of it - Tzatziki सॉस असेल तर उत्तमच (आम्ही याला "झकाझकी" सॉस म्हणतो).

झकाझकी सॉस नसेल तर हमूस, हामूस, हुम्मुस, हमस, हमास, हंमास, हम्मस, हंम्मस, who-moss, hum-moose, hum-oose, homos, hamas, hoommos, hummoos, home'-os , hum-mos - enough of it again - Hummus डीप देखील चालेल (याला डीप म्हणावे, सॉस म्हणावे कि सरळ चटणी म्हणावे ??) .

मोबल्याने एक, दोन फटू खेचावेत आणि फलाफल टिक्क्यांचा गिल्ट फ्री फन्ना उडवावा.

यथावकाश फटू येथे शेअर करावेत.