तुम्ही अशा वेळी काय करता १

होय ह्या प्रकाराशी माझी चांगलीच ओळख आहे. गाणी लावून स्वतः सुद्धा ती मोठ्याने गात राहणे ह्यामुळे झोप जाते असा अनुभव आहे. मुळांतच गाडी चालवण्याची फार आवड असल्याने झोप तेव्हडी येत नाही. इतर उपाय : १. काही तरी स्ट्रॉंग मिंट खाणे आणि त्यावर पाणी पिणे. ह्यामुळे डोक्याला झिणझिण्या येऊन झोप कंट्रोल मध्ये राहते. २. Ice कोल्ड पाणी पिणे. पाणी किंवा कोल्ड्रिंक इत्यादी आपण थोड्या थोड्या वेळाने पिऊ शकता. ३. कॉफी चांगली आहे पण ५ hour energy प्रमाणे काही स्ट्रॉंग फॉर्मुला असला तर आणखीन चांगला

इअरफोन मधे विनोदी कथाकथन इत्यादी ऐकू शकणार नाही का? ६ तासाच्या ड्राइवमधे झोप येणे मला थोडेसे पटत नाहीये. दोन दोन तासांनी ब्रेक घेऊ शकता. हे ड्रायविंग भारतात आहे की कुठे? तुम्हाला अडचण नसेल तर... हा नेमका कोणता मार्ग आहे ते सांगू शकाल काय? बाकी, साहना यांनी लिहिल्याप्रमाणे केल्यास प्रयोग बहुतांशी यशस्वी होतात.

मग जवळची ट्रीटमंट बघा.

धन्यवाद, सर्वांनाच धन्यवाद , संजय भाउ जवळची ट्रीटमेंट मिळत नाही आहे . शोधून काढून मगच हा मार्ग पत्करला आहे. रोग असाध्य असा आहे ट्रीटमेंट ही क्लिनिकल ट्रायल आहे . मिळेल तेथेच घावी लागाते आहे . शिवाय इफ्फेक्टिव्ह असल्यामुळे ट्रीटमेंट सोडणे नाही. संदीप भाऊ ड्रायविंग अमेरिकेत आहे . आपल्या बे एरिया मधून लॉस अँजेल्स ला जाणे येणे. दार ते दार ३३५ मैल अंतर आहे . सकाळी चार वाजता निघणे . व दुपारी ३ वाजता तिकडून निघणे . राम प्रहरी चार ला निघायचे म्हणजे लवकर उठावे लागते. तसा ११० मैल वार एका स्टॉप घेतो. आणि फ्रेंच व्हॅनिला चा कप भरून घेतो. मग शेवट पर्यंत थांबत नाही . ट्राफिक चा नेम नसतो त्यामुळे थांबणे टाळतो. साहना ताई तुम्ही म्हणता उपाय करून पाहतो. तसेही चेविंग गम चालू असतो. त्याचा पण उपयोग होतो. आणि हो पॉड कास्ट पण ऐकतो. पण आता नवीन कायदा आला आहे कि दोन कानात कांड्या घालायच्या नाहीत. आणि फोने पण माऊंट असलेला हवा आहे. नाहीतर तिकीट मिळते हो. आणि ते पण $६०० लागतात ते काढायला. विनोदी कथांचा साठा फार मोठा नाही आहे. मिळतात का ते पाहतो . असो. परत एकदा धन्यवाद . विदेशी वाचाळ

साहना म्हणताहेत ते कराच. अजुन एक म्हणजे कार मधल्या निदान एकाला तरी तुमच्या बरोबर गप्पा मारायला सांगा. अंताक्षरी खेळा. तुम्ही मेडिकल रीज़न साठी ही ये जा करत आहात तेव्हा मला जाणीव आहे अंताक्षरी खेळण्याची तुमची मनस्थीती नसणार. पण अंताक्षरी खेळल्याने डोक्याला जरा चालना मिळते त्याने तुमचे माइंड अलर्ट राहील. शक्य असल्यास परतीचा प्रवास सुरू करण्याच्या आधी थोडी झोप काढा. कारच्या बॅक्सीट वर थोडं आडवे झालात तरीही पुन्हा ड्राइव करायला सोपे होईल. गाडीतच एखादी उशी आणि ब्लॅंकेट ठेवा. मी हे सगळं सांगतेय कारण मी सुद्धा एकेकाळी आठवड्यातून दोन दिवस तरी असे पाचशे, साडेपाचशे कीमी ड्राइविंग दिवसाला करायचे शिक्षणाच्या कारणाने. रात्रीचे ड्राइविंग असायचे पण हे असेच उपाय करून सुरक्षितपणे घरी परत यायचे.

सलाम! आंजावरचे एक "चेतन सुभाष गुगळे" यांची आठवण झाली।( माबोवर) .नॅानस्टॅाप पुणे -दिल्ली मारुतीमधून गेलेत. तेच उत्तम सल्ला देतील.

या लाईटची वेव्हलेन्गंथ सुर्यप्रकाशाशी मिळणारी असते. त्यामुळे आपल्या मेंदुला भर दुपार असल्याचा संदेश मिळतो व झोप उडते. जेटलॅग लवकर घालवण्यासाठी अत्यंत प्रभावी उपाय आहे. तो वापरुन झोप आवरता येईल. लँप थोडा महाग आहे, पण झोपेमुळे अ‍ॅक्सिडेंट, ट्राफीक टीकीट वगैरे मुळे येउशकणार्‍या कर्चाच्या तुलनेत काहीच नाही. एक लिंक देत आहे, थोडे शोधल्यावर आपल्याला पाहीजेतसा मिळु शकेल. Edge Light Therapy Lamp

तुम्ही काही न खाता ड्राईव्ह करताय त्यानेही कंटाळल्यासारखे होत असेल. निदान फळे खाल्लीत तर जरा एनर्जी राहील असे वाटते.

उपास करणे निरर्थक आहे. उपास करणे टाळा किंवा इतर कुठल्या दिवशी करा.

पाणी भरपूर प्या.. त्यामुळे लघुशंका येवून गाडी थांबवावी लागेल.. पाय मोकळे झाल्यामुळे झोप जाईल.. चोकलेट चागाळणे इत्यादी.....

सकाळी न्याहारीनंतर आणि ड्रायविंग सुरु करण्यापुर्वी वर्टिगोची (vertin किंवा अन्य कुठलीतरी) कमीत कमी mg ची गोळी खा.

तुमच्या गाडिबद्दल माहीत नाही .. पण भारतात सर्वसाधारणपणे कारच्या एसी मध्ये आतली हवा पुन्हा आत फिरत रहावी (recirculate) किंवा बाहेरील हवा आत यावी (fresh air) याचं सेटींग असतं. साधारणपणे recirculate चा पर्याय ठेवलेला असतो. अर्थात या पर्यायातसुद्धा काही प्रमाणात बाहेरील हवा आत येत असावीच . पण तरी लांबच्या प्रवासात हे सेटिंग जास्त वेळ fresh air वर ठेवून बघा. कधी कधी ऑक्सिजनच्या कमतरतेमुळे झोप येते (मला अनेकदा बंद ए.सी खोलीत अनेक जण जमलेत की जांभया येवू लागतात)

परत एकदा सगळ्यांना धन्यवाद, उपासाचे म्हणाल तर देवा पेक्षा स्वतः करीत जास्त करतो. मध्यंतरी भरपूर वाचन करून सुटलेले पोट कमी करण्या साठी म्हणून उपास आणि पळणे सुरु केले. त्याचा भरपूर उपयोग झाला. पोट कमी आणि वजन योग्य तेवढे झाल्यावर उपास थांबवता येऊ शकले असते पण जी गोष्ट उपयोगाची ती कशी सोडायची? म्हणून चालूच ठेवले. आणि हो उपास खिचडी खाऊन आणि जूस पिऊन करत नाही . बुधवारी रात्री जेवल्यानंतर एकदम गुरुवारी रात्री जेवतो. मध्ये दोन ते तीन कप चहा होतो. लॉस अँजेल्स वरून येताना जर का ग्लानी वाटली तर उगाच थांबत नाही काहीतरी खातो. शक्यतो नट्स खायचे. २०० कॅलोरीस भरपूर होतात. सोबत फ्रेंच वॅनिला असेल तर मग ३०० कॅलोरीस होतात पण काम चालते. सध्या तरी असेच चालवतो. उपास सोडायचे मनाला भावात नाही आहे कारण परत सुटलेले पोट पाहायचे नाही आहे. माझ्यावर घर अवलंबून आहे, मला स्वतःला फिट असणे गरजेचे आहे. उपासाचा दिवस बदलणे जरूर शक्य आहे . तो एका चांगला उपाय वाटतो आहे . कर मध्ये गप्पा मारणारे आणखीन कोणीच नसते . मीच असतो आणि मग विश्रांती घेणारी रुग्ण . सो हम चा जप जरूर करता येईल. मी तो पुढच्या वेळेस करून पाहीन . शक्यतो झोप हि सरळ रस्त्यावरच येते. ग्रेप वाईन भागात येत नाही. कारण तेथे बरेच लक्ष द्यावे लागते. सरळ रस्त्यावर काहीच नसते, मग मन भरकटते, झोप येते. असो . आपण सगळ्यांनी चांगले उपाय सांगितले आहेत त्याबद्दल धन्यवाद. ज्यांनी वैयक्तिक सद्भावना दाखवल्या आहेत त्यांच्याबद्दल मी आभारी आहे. विदेशी वाचाळ

एकदा ड्राईव्ह करत असताना डुलकी आली होती, दिवसभराच्या धावपळीत असे होऊ शकते म्हणुन माझे बाबा माझ्याकडे अखंड लक्ष देवुन होते म्हणुन काही अनर्थ घडला नाहि. एक गोष्ट मी निरीक्षणात घेतली, आपण जेव्हा ड्राईव्ह करतो (खास करुन भारतात) आपल्या पुढे, मागे, डावीकडे , उजवीकडे फार कमी अंतरावर वाहने असतात (हायवेवर सुध्दा). त्यामुळे ड्राईव्ह करताना ड्राईव्हरला फार अलर्ट रहावे लागते. हायवेवर ड्राईव्ह करताना जर का मला मोकळीक मिळाली तर ( मोकळीक म्हणजे पुढे मागे डावीकडे , उजवीकडे जर सुरक्षित अंतरावर सर्व वाहने असतील तर) सुरक्षित वेगात वाहन ठेवुन मी डावीकडे व उजवीकडे हळु मान वळवुन पाहतो. यामुळे मानेला थोडा व्यायाम तर मिळतोच सतत पुढे पाहुन जो डोळ्यावर ताण येतो त्यातुन थोडी मोकळीक मिळते. अशी युक्ति कोण वापरते का ??? मत जाणुन घ्यायला आवडेल.

लिओ , मी पण तसे करतो . गाडी चालवताना दिवस असेल तर रास्ता सोडून नजर जरा दूरवर फिरवायची. त्याने झोप थोडीशी जाते . पण ते फार तर फार मध्ये एकदा करता येते. शिवाय जर हेडफोन असेल तर त्याचा त्रास वेगळाच असतो. विदेशी वाचाळ

हवाबाण हरडे टाईप्स स्ट्रॉंग खारट चवीच्या गोष्टी चघळा. झोप उडते. नॉट जोकिंग. गंभीरपणे दिलेला सल्ला आहे.