तुझ्या ऊन्हाचं कौतुक..

प — प्राची अश्विनी,
तुझ्या ऊन्हाचं कौतुक किती करावं करावं माप पदरी सुखाचं किती भरावं भरावं बघ तुळशीला आल्या मखमालीच्या मंजिर्या चिऊताईच्या दातांनी किती खुडावं खुडावं खिडकीच्या गजावर झुले डांगराचा वेल बोटभर आधारानं वर चढावं चढावं नंदी बसलेला दारी गळी लेणं घुंगराचं येताजाता भक्तीभावे तिथं नमावं नमावं झुल्यावर लेकरांची किलबिल चारीठाव सांज सरता सयेने पाय वळावं वळावं पुण्य कुठल्या जन्माचं आज फळुनिया आलं भरलेल्या गोकुळात दिस सरावं सरावं
11406 वाचन
💬 प्रतिसाद (37)
प
पैसा Sun, 02/26/2017 - 08:08 नवीन
अप्रतिम सुरेख रचना!
ए
एस Sun, 02/26/2017 - 12:10 नवीन
छान आहे कविता. आवडली.
म
माहितगार Sun, 02/26/2017 - 12:47 नवीन
कविता आवडली मस्तच आहे, तुमच्या बनलेही असते राधा, मज कृष्ण भेटला नाही .. अतूट काही... आणि आताची हि कविता स्त्रीत्वातील भारतीयता दाखवते. नको वाटते.. या कवितेतील स्त्री मागत असलेला 'खुला पैलतीर' कवितेची पार्श्वभूमी नाही सांगितली तर स्त्री मुक्ततावादी वाटेल पण कवितेतील 'खुला पैलतीर' अर्थ पारंपारीक भारतीय संकल्पनेतील मुक्ति मागणारा वाटतो. प्राची अश्विनी यांच्या कविता स्त्रीयांच्या नवीन पिढी पेक्षा एखाद पिढी आधीच्या स्त्रीची भावना रेखाटतात की भारतीय स्त्रीयांची नवी पिढीही या कवितांप्रमाणे विचार करते असा एक प्रश्न सहजच मनात येऊन गेला.
म
माहितगार Sun, 02/26/2017 - 12:51 नवीन
किंवा नवीन पिढीतील स्त्रीला या कवितेतील भावनांशी नाळ जुळवणे कितपत जमू शकेल ?
↩ प्रतिसाद: माहितगार
प
प्राची अश्विनी Mon, 02/27/2017 - 02:48 नवीन
धन्यवाद. पण बापरे , असा विचार केला नव्हता. कदाचित तुमचं म्हणणं बरोबरही असेल.
↩ प्रतिसाद: माहितगार
अ
अनन्त्_यात्री Mon, 02/27/2017 - 05:28 नवीन
सुन्दर रचना ! फक्त " किलबिल" च्या जोडीला "चारीठाव" हा शब्द (जो चौरस व पोटभर जेवणाच्या सन्दर्भात वापरतात) थोडा खटकला.
प
प्राची अश्विनी Mon, 02/27/2017 - 05:39 नवीन
ओह्! बरं झालं सांगितलंत ते. मी सतत असं समजत होते. आता बदलते.:)
↩ प्रतिसाद: अनन्त्_यात्री
श
श्वेता व्यास Tue, 02/28/2017 - 12:25 नवीन
अप्रतिम कविता आहे, मी चारीठाव म्हणजे सगळीकडे, चार दिशांना असं समजत होते.
↩ प्रतिसाद: प्राची अश्विनी
म
माहितगार Wed, 03/01/2017 - 04:22 नवीन
चारीठाव सर्वसाधारण पणे आहाराच्या संदर्भाने वापरला जात असला तरी 'चारीठाव' म्हणजे दिवसातून चार वेळा खाणे अशा अर्थाने येतो का ? म्हणजे चारीठाव या शब्दाचा मूळ अर्थ दिवसाच्या चार वेळा असा असावा असे आता पर्यंत समजत आलो होतो. ऑनलाईन डिक्शनर्‍यांमध्ये हा शब्द मिळाला नाही कुणि छापील शब्दकोशातून सांगू शकेल का ?
↩ प्रतिसाद: अनन्त्_यात्री
म
माहितगार Wed, 03/01/2017 - 04:38 नवीन
गूगलले असता चारीठाव हा शब्द चारवेळा, चार दिशा, चौरस आहार, असाही वापरात येऊ लागल्याचे दिसते आहे. मोल्सवर्थातली नोंद मात्र 'चार ही ठाव' (Even the four, the very four, the main or preeminent four, dishes,--भात, भाजी, वरण, पोळी) A term for a decent, comfortable, or respectably-furnished feast or meal:--as disting. from घड्याळ टिपरूं &c. A poor meal--mere bread and a chili. अशी मिळाली संदर्भ
↩ प्रतिसाद: माहितगार
च
चांदणे संदीप Mon, 02/27/2017 - 06:09 नवीन
भरलेल्या गोकुळाचे सुरेख वर्णन, आवडले! Sandy
अ
अॅस्ट्रोनाट विनय Mon, 02/27/2017 - 11:13 नवीन
कविता आवडल्या गेली आहे
अ
अत्रुप्त आत्मा Tue, 02/28/2017 - 14:12 नवीन
मससससससस्त!
अ
अंजू१९७८ Tue, 02/28/2017 - 18:23 नवीन
छान आहे खूप.
न
निशांत_खाडे Tue, 02/28/2017 - 20:19 नवीन
छान. कविता आवडली.
D
dhananjay.khadilkar Wed, 03/01/2017 - 11:33 नवीन
फार उत्तम
D
dhananjay.khadilkar Wed, 03/01/2017 - 11:33 नवीन
फार उत्तम
प
प्राची अश्विनी Wed, 03/01/2017 - 11:45 नवीन
सर्वांना धन्यवाद!!
प
पिशी अबोली Wed, 03/01/2017 - 16:48 नवीन
किती सुंदर! डांगराचा वेल म्हणजे काय?
प
प्राची अश्विनी गुरुवार, 03/02/2017 - 03:36 नवीन
अग, डांगर म्हणजे भोपळा.
↩ प्रतिसाद: पिशी अबोली
र
राघव गुरुवार, 03/02/2017 - 11:09 नवीन
साधी, सरळ, सोपी पण तितकीच आशयगर्भ! अतिशय सुंदर! :-)
प
प्राची अश्विनी Fri, 03/03/2017 - 03:12 नवीन
__/\__
↩ प्रतिसाद: राघव
अ
अजया Fri, 03/03/2017 - 04:40 नवीन
फार सुंदर कविता प्राची!
व
वटवट Fri, 03/03/2017 - 06:34 नवीन
सुंदर
म
मितान Fri, 03/03/2017 - 07:54 नवीन
सुंदर कविता !!!
श
शिव कन्या गुरुवार, 06/01/2017 - 18:33 नवीन
फार सुंदर आहे सगळं. पण हे कुठेतरी हरवत चाललय हे ही खरे. बाकी माहितगार - होय, लिहिताना नव्याची उत्सुकता उमटते, पण जुने लोभसवाणे खुणावत राहते.
र
रुपी गुरुवार, 06/01/2017 - 20:01 नवीन
सुंदर कविता!
ज
जयंत कुलकर्णी Sat, 06/03/2017 - 04:07 नवीन
मस्तच.....!
प
प्राची अश्विनी Sun, 06/04/2017 - 04:24 नवीन
__/\__
प
पद्मावति Sun, 06/04/2017 - 10:14 नवीन
अतिशय सुरेख चित्रदर्शी कविता.
स
सानझरी Sun, 06/04/2017 - 10:55 नवीन
+१.. असंच म्हणते.. सुरेख कविता!!
↩ प्रतिसाद: पद्मावति
स
संजय क्षीरसागर Sun, 06/04/2017 - 10:55 नवीन
बहिणाबाईंच्या ओव्या आठवतात. सुरेख !
स
संजय क्षीरसागर Sun, 06/04/2017 - 10:59 नवीन
हे एकदम बरोबर आहे झुल्यावर लेकरांची किलबिल चारीठाव सांज सरता सयेने पाय वळावं वळावं चारीठाव म्हणजे सतत असा अर्थ होतो.
↩ प्रतिसाद: संजय क्षीरसागर
स
सांजसंध्या Sun, 06/04/2017 - 14:33 नवीन
मस्त मस्त मस्त. बहिणाईंची आठवण झाली. असं काही वाचल्यावर मग त्यावर आणखी काही नकोच असे वाटते..
र
रातराणी Mon, 06/05/2017 - 20:17 नवीन
फार सुरेख!
इ
इरामयी Sun, 05/19/2019 - 14:43 नवीन
प्रत्येक स्त्रीचं स्वप्न ... कदाचित पुरुषांचंही.
प
प्राची अश्विनी Mon, 05/20/2019 - 06:17 नवीन
:) धन्यवाद!
↩ प्रतिसाद: इरामयी