मानवाचेच मुळ अफ्रिकेत का? भाग- २
संदर्भ: -१ “साधारण 60 लाख वर्षांपूर्वी, कुठेतरी एका मर्कट वंशीय मादीला 2 पिल्लं झाली, त्यातली एक पुढे चिंपाजी झाली आणि दुसरी, आपली खापरपणजी होती.’’ http://www.misalpav.com/node/39178
||कोहम्|| भाग 1
संदर्भ: - २ थोडक्यात म्हणजे "माकडापासून मानव उत्क्रांत झाला नाही" तर “आदिमानव, मानव आणि महामाकडे या प्रजाती एकाच पूर्वजापासून उत्क्रांत झाल्या आहेत." http://www.misalpav.com/node/25105
पृथ्वीतलावरचा सर्वात महान प्रवास : ०१ : प्रस्तावना
संदर्भ: - ३ याचा अर्थ असा की mtDNA केवळ मातेकडूनच मुलांकडे जातात आणि त्यांतील फक्त मुलीच ते mtDNA पिढी दरपिढी संक्रमीत करू शकतात. याचा अर्थ असा की जर mtDNA वरची उत्परिवर्तने आपण रेखांकीत केली तर मागे जात जात आज जिवंत असणार्या् मानवांच्या मूळ आईपर्यंत आपण पोहोचू शकतो. आणि तसेच करून शात्रज्ञ आजच्या सर्व मानवांच्या २ लाख वर्षांपूर्वी आस्तित्वात असणार्याो केवळ एकाच आईपर्यंत पोहोचले आहेत ! http://www.misalpav.com/node/25173
पृथ्वीतलावरचा सर्वात महान प्रवास : ०३ : पूर्वतयारी - आपले मार्गदर्शक
मागील भागात बरीच चर्चा केली , आता आपण ही चर्चा थोडी अजुन पुढे नेऊ या. या भागात वरील संदर्भाचा उपयोग करून मानव प्रजातीचा उगम तसेच होमो सेपियनचा उगम यावर कुशंका उपस्थित करू या . मागील भाग http://www.misalpav.com/node/39279
१. पहिला मानवः- एके दिवशी एका मर्कट वंशीय मादीला म्युटेशन चा अपघात होऊन 2 पिल्लं झाली आणि महामाकड (चिंपॉन्झी) आणि एक मानव जन्माला आले, ठीक. आता काय म्युटेशन हा अपघात आहे रोज न् होणारा शिवाय एका वेळी एखाद्याच् प्राण्याला होणारा आहे. म्युटेशन परीणामा मुळे मर्कट वंशीय मादी, महामाकड आणि मानव यांचा जेनेरा वेगळा झाला आहे. आता प्रश्न असा पडतो की यांच्यात पुढे संकर कसे झाले असेल. स्पेसिज तर सोडा पण जेनेरा सुध्दा वेगळा आहे. मग पुढे वंश कसा वाढला असेल. अता बघु मानव वंश शास्त्रज्ञ याला कसे ठीगळ लवतात.
२. होमो सेपियन (आपला ग्रुप) - दोन लाख वर्षा पुर्वी कुठल्या तरी मानव वंशीय प्राण्यात म्युटेशन चा अपघात झाला आणि आपल्या सगळ्यांची आई होमो सेपियन जन्माला आली. हुश्श्य् पण जन्मानंतर तीची आणि तिच्या आईची स्पेसीज ही वेगळी आहे. आणि त्यावेळी उपलब्ध सगळे नर हे तीच्या आईच्या स्पेसीज चे असणार मग पुढे संकर कसे झाले आणि वंश कसा वाढला. आता बघु मानव वंश शास्त्रज्ञ याला कसे ठीगळ लवतात.
३. आता मिटोकाँड्रिअल mitocondrial dna बद्द्ल थोड. -- हा mt dna प्रकार फक्त आई कडुनच मुलाला मिळतो या वरुन मागे जात जात जात शोध घेतल्यावर आपल्या सगळ्यांची एकच आई असल्याचा शोध शास्त्रज्ञांनी लावला म्हणे. ती आहे अफ्रिकेतली आद्य माता . अजुन एकच स्टेप मागे गेले असते तर कळल असत आपली आद्यमाता कोणात्या स्पेसीज मधुन आवतरली आहे. असो थकले असतील बिचारे! आई शोधली बस्स् अजुन् काय हव आहे? अस त्यांना वाटलं असेल. आता हा dna जर आई कडुन मुलाला मिळत असेल तर आद्य मातेत हा dna तीच्या आई चा असणार आहे अस जर आपण मागे मागे गेलोतर अस लक्षात येते की हा dna त्या मर्कट वंशीय मादिचा असणार, असच मागे गेलोतर अजुन कोणती आई सापडेल माहीत नाही. आई कडुन मुलाला ह्या नात्याने , जन्माच्या प्रत्येक स्टेज मध्ये एक आई असतेच, सगळ्यात आद्याआई कोण होती ते पण सांगा.
मुळात हा स्टॅटिसटिकल गोंधळ आहे, गणिताला हवे तसे वाकवुन् शक्यतेच्या आधारावर इस्पित पदरात पाडुन् घ्यायचे. इतकी स्वच्छ जर ही पध्दत असती तर मागे जात जात जात होमो सेपियन आणि संपुर्ण मानव जतीचे पुर्वज नेमके कोणते माकड होते ते पण सांगितल असत. असे शक्य नाही कारण यात ज्ञात असलेल्याच गोष्टीचा डाटा इनपुट केलेला असतो मग उत्तर त्याच्या बाहेरच कस मिळणार असो.
तस बघितल तर १०० % dna कोणत्या ही मानवाचा मॅच होत नाही, पण जर ०.१% dna वगळला तर ९९.९% dna हा सगळ्या होमो सेपियन चा सारखाच आहे असे मानववंश शास्त्रज्ञांना म्हणायच आहे. तसेच हा dna ९९% चिंपँजी सोबत match होतो. आता मला सांगा जर चीन, युरोप ई ई ठिकाणी म्युटेशन मुळे जर मानव जन्माला आले असते तर त्याचा dna किती वेगळा असायला हवा होता. हे मानव primate ग्रुप मध्ये चिंपँजी पेक्षा सरस असल्याने यांचा dna ९९% चिंपँजी सोबत match होणारच आणि राहिला फरक ०.९%, तर हा फरक आपापसातील प्रजनन मुळे नाहीसे झाले असतील. नाहीतरी मनुष्य प्राण्याच्या प्रजनन इच्छा ह्या इतर प्राण्यान पेक्षा खूप उच्च आणि तीव्र आहेत. त्यामुळे त्याचा dna मध्ये तसे बदल घडून आले असतील. जसे किटकात कीटकनाशक मुळे बदल घडून resistance तयार होतो. नाही तरी neanderthalensis व sapiens एकमेकांच्या स्त्रिया पळवायचे असा शोध मानव शास्त्रज्ञांनी लावलेलाच आहे. त्यामुळे मानवाने dna त आवश्यक बदल करून इतर कुठल्याही मानव स्त्री सोबत हवे तेंव्हा आणि हवे त्याच्याशी प्रजनन करण्याची क्षमता विकसीत केली असेल. जिराफ ने नाहीका मान विकसित केली उंच झाडावरचे पाने खायला ई. ई. म्हणून सगळे अधुनिक मानव एकाच स्पेसीज चे वाटत असतील.
हत्यारे बनवायचे आणि स्त्रिया पळवायाच्या/ नाचवायाच्या ह्या आवडी खूप जुन्या आहेत मानवाच्या. असो आता इथेच थांबतो.
तुम्हाला काय वाटतं जरुर कळवा.
अनेक म्युटेश नंतर एक नवीन स्पेसीज तयार होते. अस गृहीत धरल तरी नवीन स्पेसीज सोबत संकर कसा काय होऊ शकाला हा प्रश्न अनुत्तरीतच राहतो. पण एकच माता हा हट्ट सोडला तर शक्य आहे."म्युटेशनने जीवात कसे बदल घडतात आणि अनेक म्युटेशन्सचा परिणाम म्हणून एखादी नवी स्पेसिज कशी बनू शकते" हे केवळ कल्पनाशक्तीची भरारी वापरून "पर्सनल थियरी" मांडण्याने शास्त्रियरित्या सिद्ध होऊ शकत नाही. जेनेटिक्स, म्युटेशन्स आणि जीवांचे एव्हॉल्युशन्स यासंबंधीच्या विश्वासू मूलभूत शास्त्रिय माहिती देणार्या बर्याच बेसिक पुस्तकांत हे ज्ञान विस्ताराने मिळेल.१०-१५ वर्षा पूर्वी हीच लोक माकडाचा माणूस कसा झाला ..त्याची शेपटी कशी हळू हळू नष्ट झाली हे रंगवून सांगत होते.असे कोण्या खर्या (स्वघोषित नव्हे) शास्त्रज्ञाने म्हटलेले मला तरी माहीत नाही. मात्र, विनोदाने, अज्ञानाने आणि चेष्टेने केलेली अशी विधाने अनेकदा ऐकली-वाचली आहे. त्यांना शास्त्रिय दावे समजणार्याच्या मुद्दलात गडबड आहे हे नक्की... आणि खरा शास्त्रिय अभ्यास करायची इच्छा असलेल्याने आपली ज्ञानार्जनाची माध्यमे काळजीपूर्वक निवडण्याची जरूरी आहे.हा mt dna प्रकार फक्त आई कडुनच मुलाला मिळतो या वरुन मागे जात जात जात शोध घेतल्यावर आपल्या सगळ्यांची एकच आई असल्याचा शोध शास्त्रज्ञांनी लावला म्हणे.येथेही तुम्ही मुद्दलात गडबड केलेली आहे. मूळ मुद्दा असा आहे : mtDNA फक्त आईकडून मुलाला व मुलीला दोघांनाही मिळतो, पण फक्त मुलगीच तो पुढच्या पिढीत संक्रमीत करू शकते ! "mtDNA मुलीच का संक्रमीत करू शकतात, मुलगे तसे का करू शकत नाहीत आणि या फरकामुळे मातृवंश कसा ठरवता येतो" हे जनुकिय शास्त्राचे बेसिक ज्ञान असणार्याला कोणालाही सहज माहीत असते ! जनुकिय शास्त्राच्या बेसिक पुस्तकांत ही माहिती मिळू शकेल. किंबहुना त्याचे mtDNA हे नावच ते कारण सांगते आहे. केवळ "मला असे वाटते" किंवा "हे मला मान्य नाही" किंवा "अमुक अमुक असे म्हणत आहे/होता/असे" या प्रकारची तुमची विधाने शास्त्रिय नाहीत. मानवी किंवा एकंदरीत सर्वच जीवांच्या उत्क्रांतीबद्दल तुमच्या मनात बरेच गोंधळ आहेत, हे दु:खाने म्हणावे लागत आहे. इतकेच नव्हे तर, त्यासंबंधीच्या बर्याच शास्त्रिय संकल्पनांची मोडतोड करून सर्वसामान्य माध्यमात येत असणारी अपभ्रंशित रुपे विश्वासू पुरावा म्हणून ठासून सांगत आहात... आणि ते खोडून काढा असे सांगत आहात !!! :) शास्त्रज्ञांनी न केलेले दावे, केवळ फिक्शन असलेल्या संकल्पना किंवा वैयक्तिक लॉजिकवर आधारीत (शास्त्राधार न दिलेले) दावे शास्त्रिय प्रकारे खोडून काढण्याचा प्रयत्न किती विनोदी होईल हे सांगायला हवेच का ! अजून एक महत्वाचे असे की, माझ्या वरच्या (आणि आत्ताच्याही) प्रतिसादात जळजळीत वगैरे काहीच नाही... केवळ सत्य सांगण्याचा प्रामाणिक प्रयत्न आहे... तुम्हालाही माझ्याकडून सत्याची अपेक्षा असावी, नाही का ? किंबहुना सत्य कटू असले तरी तशीच अपेक्षा असायला हवी ! पण तरीही... जर तुम्हाला सद्या शास्त्रज्ञांत बहुमान्य असलेल्या संकल्पना मान्य नसतील तर त्यात वावगे काहीच नाही. मात्र, केवळ त्यांना चूक म्हणुन थांबणे तेवढेसे अभिमानास्पद होणार नाही. तुमच्या मते ज्या काही संकल्पना बरोबर असतील, त्यांच्या बाजूचे शास्त्रिय पुरावे देऊन त्या इतरांना पटवून देणे ही तुमची जबाबदारी आहे. ते यशस्वीरित्या केलेत तर जगभरचे शास्त्रज्ञ तुमच्या मागे उभे राहतील. असे झाले तर मलाही, एक मिपाकर म्हणून आणि या शास्त्राचा एक विद्यार्थी म्हणून, तुमचा सकारण अभिमान वाटेल... आणि मग मी माझ्या लेखमालेत एक जोडणी लेख लिहून तो व्यक्त करेन. अन्यथा हा सगळा प्रकार मिपावर १०० प्रतिसादांची बेगमी करण्याचा यशस्वी-अयशस्वी प्रयत्न आहे अशी लोकांची समजूत होईल. बघा बुवा ! सो, द बॉल इज इन युवर कोर्ट, मिस्टर दीपक११७७... तुम्हाला काय मान्य नाही हे आतापर्यंत सगळ्यांना नीट समजले आहे. आता, "सेक्रेटरी फॉर ऑब्जेक्शन" या अवतारातून बाहेर येऊन, तुम्हाला मान्य असलेल्या थिअरिज शास्त्रिय पद्धतीने इथे मांडा ! ...ते करण्याची तयारी नसल्यास, वितंडवादात रस नसल्याने, राम राम !आता मुळ मुद्दा :- आपल्या सगळ्यांची आई एकच या विचारला छेद का जातो.
१. Neanderthalensis आणि sapiens (म्हणजेच आपण) एकच ग्रुप (होमो) मध्ये आहोत म्हणजे दोघांचा Genera सारखाच झाला. २. Sapiens चे genus चिंपँझी शी 99 टक्के समान आहेत परिणामी Neanderthalensis चे genus सुद्धा चिंपँझी शी 99 टक्के समान असणारच ३. १ आणि २ चा विचार करता Neanderthalensis आणि sapiens मध्ये ०.९ % एवढी विषमता आहे. असे म्हणता येईल (०.१% वरवरच्या फारका साठी सोडून दिला आहे ) ४. Neanderthalensis चे genus १% ते ४% युरोप, एशिया, ई ई (आफ्रिका सोडून) ठिकाणच्या लोकांन मध्ये आढळतो. म्हणजेच आफ्रिका वगळून युरोप, एशिया, ई ई ठिकाणी आढळून येणारा आधुनिक मानव हा Neanderthalensis आणि sapiens यांची रस मिसळ आहे. आणि असे असेल तर आपल्या सगळ्यांची आई एकच या विचारला छेद जातो. वरील सर्व विचार हे शास्त्रीय दृष्ट्या सिद्ध आहेत नेटवर सर्च केल्यास सहज मिळेल. किंवा कोहम, पृथ्वीतलावरचा सर्वात महान प्रवास वाचू शकता, केवळ क्र २. मधला Neanderthalensis चे genus सुद्धा चिंपँझी शी 99 टक्के समान असणारच हा भाग तार्किक आहे आणि तो गैर वाजवी नाही. तरी पण केवळ क्र. ४ ह्याचा विचार केला तरी आपल्या सगळ्यांची आई एकच या विचारला छेद जातो. सध्या इथच थांबतो. ऑस्ट्रेलियातील सर्वात जुन्या होडीच्या पेंटींग बद्दल नंतर कधी तरी........