||तुलसी विवाह ||

आजपासून सुरू झालेल्या तुलसी विवाहासाठी मी खालील कविता लिहिली आहे... ||तुलसी विवाह || चला चला रे आता होऊया सोहळ्यात रे मग्न वाद्ये वाजवू नाचू गाऊ असे हे तुळशीचे लग्न ||धृ || जालंदर दैत्य मातला सुरगण करिती त्यासवे युद्ध वृंदा भार्या त्याची असे ही पतिव्रता अन् शरीरशुद्ध ||१ || जालंधर रूप घेऊनी श्रीहरी नष्ट करी तिच्या पातिव्रत्यासी दैत्य संहारी हरी वदे वृंदे होशील तू पृथ्वीवरी तुळशी ||२ || अर्पिती भक्त मज विविध पुष्पे तरी तुळशी आवडे मज सर्वांहूनी कार्तिक मासे लग्न होई आपुले अजून काय हवे तुला याहूनी ||३ || अन्न शुद्ध होई तुझा स्पर्श होता प्राणवायू सदा देसी जीवांसी अंगणी वृंदावनी स्थापिती तुजला करिती तुझिया पूजनासी ||४|| आयुर्वेदामध्ये अग्रस्थान तुझे तुलसी सेवने रोग नष्ट होती देसी आरोग्य 'वैभव' मानवा 'तुलसी विवाह' साजरा करिती ||५|| --शब्दांकित (वैभव दातार ) कार्तिक शुद्ध द्वादशी तुलसी विवाह