राजच्‍या अटकेमागील 'राज'कारण

या आशयाच्या बातम्या आणि विश्लेषण माझ्याही वाचनात आले आहे. शिवसेना ही सुरवातीस वसंतसेना (वसंतराव नाई़कांच्या अप्रत्यक्ष पाठींब्यावर चाललेली म्हणून)आहे असे म्हणले जायचे ते बर्‍याचदा आधीपण वाचले आहे. जरी या बातमीत आणि "वसंतसेना" गृहीतकात तथ्य असले तरी त्यात असा एक सूर येतो की जणू काही पुर्वी बाळासाहेब आणि आता राज हे त्यांचे राजकीय अस्तित्व एखाद्या बांडगुळासारखे राहून मोठे करू शकले. त्यांचे राजकारण आवडो अथवा न आवडो (आणि तेच इतरांच्या बाबतीतही लागू होऊ शकेल), जेंव्हा ते स्वतःला टिकवतात ("सस्टेन" करतात) तेंव्हा त्यांच्या स्वकर्तुत्वावर ते झालेले असते, कुणाच्या निष्क्रीय राजकारणामुळे नाही असे वाटते. वरील विश्लेषणात अजून एक गृहीत आहे की राज सर्वत्र निवडणूकीसाठी उमेदवार उभे करून सेना-भाजपाची मते फोडणार आहे किंवा किमान तसा प्रयत्न करणार आहे. आणि बाळासाहेब अथवा भाजपाचे जे कोणी सुज्ञ राजकारणी नेते असतील ते, हे निवांत ऐकत बसतील आणि राज पण स्वत:ची वाजवीपेक्षा किंमत वाढली असे समजून निवडणूकांचे राजकारण स्वतःच्या सध्याच्या कुवतीच्या बाहेर खेळेल... मला जरी राज ठाकर्‍यांची प्रत्येक "कृती" आवडली नसली (त्याच्या मागचे कारण मान्य असून) तरी त्याचे "राजकीय गुरू" बाळ ठाकरे आहेत हे जाणून घेतले, तर इतकेच म्हणावेसे वाटते की हा "बाळ"कडू मिळालेला राज काही कच्च्या गुरूचा चेला नाही...

राजला नकारात्‍मक प्रसिध्‍दीचाही फायदा हे मात्र खर आहे

आपले विश्लेषण सत्याच्या जवळ जाणारे वाटले. माझ्यामते या खेळात देश, प्रामाणिकपणा आणि उदारमतवाद हरणार आहेत. नशिब राज मुख्यमंत्री होणार असे मत बाहेर आले नाही. नाही तर किणी प्रकरण, जॅक्सन प्रकरण यांचीच पुनरावृती होत राहील असे माझ्या एका मित्राचे मत आहे.

नशिब राज मुख्यमंत्री होणार असे मत बाहेर आले नाही. का होऊ नये? मला तरी राज मुख्यमंत्री व्हावा असे मनोमन वाटते. अर्थात त्याकरिता अजून बराच वेळ आहे. कर्मण्ये वाधिकारस्ते | मां फलकेशू कदाचनं : कार्यकर्त्यांनी कर्म करीत रहावे,आपल्या नावाचे फलक लागतील अशी अपेक्षा करु नये. -इनोबा म्हणे -मराठमोळे वॉलपेपर

शिवसेनेने १००% मराठी माणासाचं (योग्य ) राज कारण केलं असतं तर आज ना उद्या स्वतःच्या ताकदीवर महाराष्ट्रात आलीही असती कदाचित. पण हिंन्दूत्वाच्या नावाखाली त्यांनी पक्ष देशपातळीवर नेण्याचा अतिशय टुकार प्रयत्न केला. देशभर तर पसरले नाहीतच महाराष्ट्रातही तोंडावर आपटलेत. शिवसेनेने मराठी माणसाला "गृहीत" धरलं. गेली अनेक वर्ष मनपा मध्ये सत्तेत असुनही, त्यांना भैय्यांचा अन्धिकॄत झोपड्या पाडताही आल्या नाहीत आणी नवीन होणार्‍या रोखताही आल्या नाहीत. ही मंडळी इथे जितकी वाढतील तितकीच आपली व्होटबँक कमी होत जाईल हे ही त्यांच्या लक्षात आलं नाही ? आज मुंबईत मराठी माणसाचं प्रमाण अमराठींच्या तुलनेने कमीच आहे. अश्यावेळी ज्या आक्रमक पद्धतीने राज ने मराठीचा मुद्दा उचलून धरला आहे, त्याबद्दल त्याला दाद द्यावीच लागेल. त्यातच "आम्ही महाराष्ट्राबाहेर जाणार नाही" हे ही स्पष्ट केले आहे. आणी ही गोष्ट महाराष्ट्रासाठी चांगलीच आहे. कारण उद्या महाराष्ट्राच्या कोणत्याही मुद्दयावर मनसेला, आपली कर्नाटकची मत , आपली ऊ.प मधली मतं, आपली बिहारची मत इ.इ ची काळजी नसेल. ह्या असल्या इतर राज्यांच्या मतांच्या चिंतेमुळेच इतर पक्ष महाराष्ट्राची बाजू मांडण्यात कमी पडतात-किंवा मांडतच नाहित. मनसेच्या बाबतीत असले काही "political compulsions" नसतील आणी ह्याचा फायदा पुढे महाराष्ट्राला नक्कीच होईल असे वाटते. अर्थात, जर का ह्यावेळीस मराठी मतं मनसे -शिवसेने मध्ये फुटलीत, तर मात्र कठीणंच आहे. मयुरेश वैद्य

कारण त्‍यामुळे दोन्‍ही सेनेतील मते विभागले जाऊन फायदा कॉंग्रेसचाच होईल, असा डाव राजकारणाच्‍या सारिपाटावर खेळला गेला आहे. -- हे मत बर्‍याच वृत्तपत्रात सुद्धा आले आहे. जर दोन्ही सेना हुशार असतील तर त्यांनी आता विवाह गाठ बांधून एकत्र येण्यात त्यांचे शहानपण आहे ... युती अथवा एकाच झेंड्याखाली. जर असे झाले तर काँगेसकडून दुखावला गेलेला मराठी माणूस सेनांच्या बाजूने जाऊ शकतो व काँग्रेसच्या बाबतीत त्यांचेच दात त्यांच्या घशात असे होऊ शकते. बघू यात कोण काय करतात ते. बाकी कलंत्री साहेब म्हणतात ते काही पटले नाही. कारण आपल्या देशात प्रामाणिकपणा आणि उदारमतवाद राजकारणात जिंकल्याची (असतील तर) खूपच तुरळक उदाहरणे आहेत. राज्यकर्त्यांनी अशा डावांची हीन पातळी केव्हाच गाठलेली आहे. जर देशाचे भले करायचे असेल तर दिल्लीवाल्यांना अगोदर हाकलले पाहिजे. आपला, (तटस्थ) भास्कर

राज सेना सोडणार हे राणेला आधि पासुन माहित होते.म्हणुन त्याने घाइघाइत सेना सोडलि.मराठिचा मुद्दा कधि आणी कसा पेटवायचा ते या दोघाच आधिच ठरले होते.याचा फायदा घेउन राणेला विलासरावाचि गोचि करायचि होति.म्हणुन तो एवध्या आरामात विलासरावाला धमकावत होता.पवारांचा यात फायदाच होता.काहि न करता काँग्रेसचि वाट लागताना बघायच सुख त्यांना मिळालं.यातुन मार्ग काढण्यासाठि देशमुखांनि उद्धवचि मदत घेतलि.

अस्मिता हा मुद्दा राज्यासाठी चांगला आहे. तुलना करता येत नाही पण काहीशा अश्याच वातावरणात 'मोदी' जन्म झाला. महाराष्ट्र कणखर करायचा असेल तर 'राज' ला पर्याय नाही. राणे यांची फजिती महाराष्ट्र पाहतोच आहे. विलासराव १० 'वर्षा' च्या जॅकपाट वर समाधानी आहेत बाळासाहेब, शरदराव निवॄत्त होताहेत ऊध्दवला भाजप साथ सोडता येणार नाही. ऊध्दव दिल्लीत राज महाराष्ट्रात असे 'मराठी'करण जमायला हवे होते.

राजचे आंदोलन हे देशमुख सरकार साठि डोकेदुखि ठरणार हे राणेंना माहित होतं.आणि राणेंच्या आजारावर एकच उतारा आहे आणि तो म्हणजे शिवसेना.यात शरद पवारांचि ** राजचि प्रसिद्धि बघुन आगिच्या भक्षस्थानि पडलि.म्हणुनच हे आजचे वि . हिं. प. च्या कार्यालयावर हल्ला प्रकरण.

आजची परिस्थिती पाहता, राज ठाकरे यांच्या अटकेमुळे सर्वसामान्य मराठी माणूस मनसेकडे वळला आहे असे वाटते. विविध संकेतस्थळांवर ज्या प्रातिनिधिक चाचण्या घेण्यात आल्या त्यात येत्या निवडणूकीत मतदान कुणाला कराल? या प्रश्नाला बहुतेकांनी मनसेला असे उत्तर दिलेले आहे. मिसळपाववर झालेल्या चाचणीतही ८४ टक्के जणांनी मनसेला पसंती दिलेली आहे . राज ठाकरे यांच्या प्रत्येक आंदोलनाला जनतेची प्रचंड सहानुभूती आहे. याचे कारण ते लोकांच्या मनातले बोलत आहेत. पुढील प्रत्येक आंदोलन आणि अटक राज ठाकरे यांना सत्तेच्या अधिकाधिक जवळ घेऊन जाईल याबद्दल आमच्या मनात काहीही शंका नाही. आमच्या त्यांना शुभेच्छा. आपला, (शुभचिंतक) धोंडोपंत आम्हाला इथे भेट द्या: http://dhondopant.blogspot.com (जय जय महाराष्ट्र माझा! गर्जा महाराष्ट्र माझा!)

राणेंवर सहारा प्रकरणात जे आरोप झाले त्यांचि माहिति देशमुखांच्या आशिर्वादाने बाहेर आलि.माणिकराव गावित नावाचे एक मिनिस्टर जेंव्हा आदिवासिंच्या भेटिला गेले त्या वेळि उद्धव तेथे आल्या नंतर अधिकार्यांनि गावितांकडे ढुंकुनहि न बघता उद्धवला सलाम ठोकले.