यारहो ...

व — विशाल कुलकर्णी,
दुष्मनांचा जोर आहे वाढलेला यारहो जीव माझा आरशावर भाळलेला यारहो बोर जिथल्या गावची तिथलीच बाभळ अंगणी संग काट्यांचा मलाही भावलेला यारहो पिंड कुठल्या वासनांचा राहिला मागे इथे? कावळ्यांनी दंभ माझा टाळलेला यारहो ती म्हणाली सोड तू जमणार नाही आपले मी दुरावा मस्तकावर माळलेला यारहो कोण तो वेडा भिकारी रोज हाका मारतो प्राक्तनाने आरसा मज दावलेला यारहो एकदा केसात वेडे वीज तू माळून बघ बोल मग श्रृंगार मीही टाळलेला यारहो ! हंस कुठला? कोण कागा? वाद भलते वाढले मी पुरावा सुज्ञतेचा जाळलेला यारहो एकट्याने झुंजताना कैफ चढतो आगळा दोर परतीचा तसाही कापलेला यारहो © विशाल वि. कुलकर्णी
11006 वाचन
💬 प्रतिसाद (19)
ज
ज्ञानोबाचे पैजार गुरुवार, 03/15/2018 - 08:31 नवीन
आवडली पैजारबुवा,
अ
अत्रुप्त आत्मा गुरुवार, 03/15/2018 - 10:24 नवीन
व्वाह,पढते पढते कव्वाली लगने लगी। मजा आया।
म
माहितगार गुरुवार, 03/15/2018 - 11:51 नवीन
व्वा व्वा , आवडली
प
पुंबा गुरुवार, 03/15/2018 - 14:58 नवीन
जबरदस्त!! बहोत खूब!!
व
विशाल कुलकर्णी Fri, 03/16/2018 - 07:21 नवीन
धन्यवाद मंडळी !
म
मदनबाण Sat, 03/17/2018 - 09:16 नवीन
अप्रतिम...

मदनबाण.....

आजची स्वाक्षरी :- Counting Stars [Lyrics] :- OneRepublic
व
विशाल कुलकर्णी Wed, 03/21/2018 - 05:45 नवीन
धन्यवाद मंडळी .
म
मिसळलेला काव्यप्रेमी Wed, 03/21/2018 - 11:32 नवीन
एकट्याने झुंजताना कैफ चढतो आगळा दोर परतीचा तसाही कापलेला यारहो
वि कु.. क्या बात!!
ग
गवि गुरुवार, 03/22/2018 - 06:09 नवीन
विकुशेठ, मस्त ग़ज़ल. इथे पहा:
एकट्याने झुंजताना कैफ चढतो आगळा दोर परतीचा तसाही कापलेला यारहो
एकट्याने झुंजताना कैफ चढतो आगळा दोर परतीचा तसाही मी कापलेला यारहो हा "मी" घातल्यास मीटरपूरक वाटेल का? आगाव सूचनेबद्दल क्षमस्व..
↩ प्रतिसाद: मिसळलेला काव्यप्रेमी
ग
गवि गुरुवार, 03/22/2018 - 06:13 नवीन
नाही. वेटेज बदलल्यास मूळ रचनेतही मीटर मेंटेन करता येतोय. उगीच वाटलं.
↩ प्रतिसाद: गवि
प
प्रचेतस गुरुवार, 03/22/2018 - 06:13 नवीन
मीटर म्हणजे काय? ते कसे मोजतात?
↩ प्रतिसाद: गवि
ग
गवि गुरुवार, 03/22/2018 - 06:16 नवीन
ओ तुम्ही लेणी पहायला जा पाहू..
↩ प्रतिसाद: प्रचेतस
प
प्रचेतस गुरुवार, 03/22/2018 - 06:25 नवीन
:(
↩ प्रतिसाद: गवि
ग
गवि गुरुवार, 03/22/2018 - 06:34 नवीन
जाहीर माफी मागत आहे. माझ्या म्हणण्याचा प्रसारमाध्यमांनी विपर्यास केला आहे. माझ्या म्हणण्याचा उद्देश असा होता की नवनवीन लेण्याना भेटी देऊन अधिकाधिक नवनवे अभ्यासपूर्ण लेख वाचकांस मिळत राहावेत. आय अपोलोगाईझ. -ग.वि. केजरीवाल
↩ प्रतिसाद: प्रचेतस
प
प्रसाद गोडबोले गुरुवार, 03/22/2018 - 13:30 नवीन
मीटर म्हणजे वृत्त रे ! इथे गालगागा गालगागा गालगागा गालगा हा मीटर आहे !
↩ प्रतिसाद: प्रचेतस
व
विशाल कुलकर्णी Fri, 03/23/2018 - 03:39 नवीन
धन्यवाद गवि ! तुम्ही सांगितलेला बदल केलास वृतभंग होइल, कारण मग दोन मात्रा वाढतील आणि अक्षरगणाची रचना बदलेल> एकट्याने झुंजताना कैफ चढतो आगळा दोर परतीचा तसाही कापलेला यारहो गालगागा गालगागा गालगागा गालगा यात अजुन एक मी जोडायचा म्हणजे 'गालगागा गालगागागा गालगागा गालगा' असे होइल, त्यामुळे वृत्तभंग होतो, लयही चुकते कारण मात्रा चुकताहेत. हवे तर असे करता येइल.. एकट्याने झुंजताना कैफ चढतो आगळा दोर परतीचा स्वतः मी कापलेला यारहो मनःपूर्वक आभार !
↩ प्रतिसाद: गवि
न
नाखु Wed, 03/21/2018 - 18:27 नवीन
जबराट दोरायनी नाखु
प
पिवळा डांबिस Wed, 03/21/2018 - 18:59 नवीन
अतिशय आवडली. सगळीच कडवी (शेर) मस्त आहेत त्यामुळे कुणा एकाचा उल्लेख करत नाही. सौ साल जियो!
व
विशाल कुलकर्णी Fri, 03/23/2018 - 03:41 नवीन
धन्यवाद नाखुशेठ आणि पिडांकाका _/|\_