रानभेदी..!!

व — विशुमित,

रानभेदी वाहतो वारा
सांजवेळी सुन्न उंबरा..!!

परसात आली गाई
वासरू फोडते हंबराई
कुशीत घेते त्याला
कुशीत घेते त्याला
दूध पिण्या करते इशारा
रानभेदी वाहतो वारा
सांजवेळी सुन्न उंबरा..1

झोप लागत नाही
सल काळजात बाई
दरवळली दारी जाई
दरवळली दारी जाई
मातीचा गंध बरा
रानभेदी वाहतो वारा
सांजवेळी सुन्न उंबरा...2

दुःखाचा डोंगर
कळकटलेला पाझर
रीत-रिवाजाची वाघर
रीत-रिवाजाची वाघर
वरून नियतीचा मारा
रानभेदी वाहतो वारा
सांजवेळी सुन्न उंबरा...३
===================================

2474 वाचन
💬 प्रतिसाद (6)
प
पुंबा Fri, 04/13/2018 - 14:30 नवीन
मनाला भिडली, आवडली म्हणवत नाही.. :(
ए
एस Sat, 04/14/2018 - 07:17 नवीन
कविता आवडली.
प
पैसा Sat, 04/14/2018 - 09:22 नवीन
अर्थवाही शब्दकळा
द
दुर्गविहारी Mon, 04/16/2018 - 08:23 नवीन
खुपच खिन्न करणारी कविता आहे. तो मुड अचुक पकडलाय.
न
नाखु गुरुवार, 05/03/2018 - 04:05 नवीन
दिसांनी अस्सल मराठी शब्द वाचले, शब्दकळा अचूक मांडले आहे नितवाचक नाखु
व
विशुमित गुरुवार, 05/03/2018 - 05:14 नवीन
धन्यवाद नाखू जी...!!
↩ प्रतिसाद: नाखु