होय, मी वाट पाहतोय त्या दिवसाची.

होय, मी वाट पाहतोय त्या दिवसाची. लहानपणी शाळेत ६वी 7वी इयत्तेत असताना (१९९६-९७) आम्हाला भूगोल विषय शिकवावयास एक बाई होत्या (त्याकाळी आम्ही बाईच म्हणायचो). शिकवताना नैसर्गिक साधन-संपत्ति याचा उल्लेख कुठे आला तर त्यांची काही ठरलेली वाक्य असायची ती वाक्य त्या आमच्या बधिर मडक्यात सोडली जायची. त्यांची दूरदृष्टि खरेच कौतुकास्पद होती. ती वाक्य अशी " नैसर्गिक साधन-संपत्ति (तेल, गैस आणि इतर खानिजे) ही मर्यादित आहे. तुमच्या पिढीने कितीही काळजीपूर्वक ती वापरली तरी नक्कीच एक दिवस ती संपणार आणि पुन्हा मानव जात आपल्या पारंपारिक शेतिकडे वळणार, कारण जगण्यासाठी दूसरा पर्यायच नसणार. पेट्रोलियम साठे व खानिजे संपले की मशीनरी ला तेल मिळणार नाही. उद्योग (धंदे नाही) बंद पडणार. गाड्या बंद पडणार, दळण-वळण साधने बिनकामी होणार. विज उत्पादन बंद होणार. बघा पुढील २०-३० वर्षत हळूहळू याचा 'प्रत्यय' तुम्हाला येइलच. पुन्हा एकदा या पृथ्वी वर सोन्याचे (सोनियाचे नाही) दिवस येतील" इत्यादी इत्यादी..... लहान असल्या कारणाने यातले गाम्भीर्य तेव्हा उमजत नव्हते. (असे सर्व ऐकल्यानंतर आम्हा बालमनाला प्रश्न पडायचा की जर पुढे जावून आपणास शेतीच करायची आहे तर मग आपण शिकतोय कशासाठी?:)) जसजसे मोठे होत गेलो तसे या विषयीचे (मर्यादित साधन-संपत्ति) गाम्भीर्य समजत गेले आणि मग कधी कधी विचार करू लागलो की खरेच ही साधन-संपत्ति संपलीे तर येणारे दिवस कसे असतील? तर हे सर्व आठवून लिहायचा मुळ उद्देश असा की हल्लीच बहरीन या ठिकाणी प्रचंड मोठ्या प्रमाणात ऑइल आणि गैस चे साठे सापडले. Link https://m.economictimes.com/news/international/business/bahrain-announces-discovery-of-80-bn-barrels-of-oil/articleshow/63613297.सिम्स तेथे पत्रकार परिषद घेवुन तशी घोषणाच करण्यात आली. आणि पुन्हा एकदा त्या बाई आणि त्यांची वाक्य डोक्यात घोंगावु लागली. खरेच ही साधन सम्पप्ती मर्यादित आहे का? आणि असेल तर मग ती नक्की कधी संपणार? अजुन किती काळ-वेळ लागेल ती संपावयास? कोणी सांगेल का मला? मिपा सदस्य, जाणकार यावर काही सांगू शकतील का? (अगदी भविष्य पाहणारे सुद्धा यावर आपले मत मांडू शकतात. हे चेष्टने नाही म्हणत आहे मी). योगायोगाने ऑइल, गैस आणि पॉवर याच क्षेत्रात चाकरी करत असल्याने या विषयी कायम मनात द्विधा मनस्तिथि असते. कारण या जगात लहान मोठ्या अश्या हजारो कंपन्या आहेत की ज्या या क्षेत्रात कायम काम करत असतात. वर्ष्यातिल काही दिवस सोडले तर नेहमी नवनवीन प्रोजेक्ट्स वर तेथे काम केले जाते. क्लाइंट कमीतकमी वेळेत आपला कारखाना उभा राहून उत्पादन कसे चालू करता येइल यावर भर देत असतात आणि ऑइल, गैस चे उत्पादन कसे जास्तीत जास्त घेता येइल याचे प्रयत्न केले जातात. इतके सर्व असुनही अजुन तरी काही मला तो 'प्रत्यय' आलेला नाही. म्हणूनच होय, मी वाट पाहतोय त्या दिवसाची.