हिरव्या/ कच्च्या टोमॅटोची चटणी

साहित्य-
2 चमचे तेल
7-8 छोटे हिरवे टोमॅटो
4 चमचे तीळ भाजून
3 चमचे शेंगदाणे भाजून
2 लसूण पाकळ्या
1 चमचा मीठ
2 चमचे गुळ पावडर
2-3 तिखट हिरव्या मिरच्या
फोडणीसाठी 2-3 चमचे तेल, मोहरी,जिरे,हिंग

कृती-
2-3 चमचे तेलामध्ये हिरव्या मिरच्या व लसूण घाला. मग टोमॅटोच्या फोडी घालून एक वाफ आणा.

आता त्यात गूळ व मीठ घालून मध्यम आचेवर शिजवत ठेवा.

पाणी घालण्याची गरज नाही. टोमॅटोच्या पाण्यात टोमॅटो शिजतो. 3-4 मिनिटात टोमॅटो मऊ होईल. गॅस बंद करून मिश्रण गार करत ठेवा. मिश्रण गार झाल्यावर मिक्सर मध्ये तीळ फिरवून घ्या.

मग शेंगदाणे व मिश्रण घालून फिरवून घ्या.

आता तेल गरम करून त्यात फोडणीचे साहित्य घालून खमंग फोडणी करून घ्या आणि चटणीवर ओता.

नीट कालवून घ्या.
हि चटणी अत्यंत चविष्ट लागते. चपाती, पराठयासोबत खाता येईल किंवा याचे सँडविच सुद्धा बनवता येतील.