कोणीतरी असावे.......

कोणीतरी असावे....... ओठात नाव ज्याचे श्वासासमान यावे । नात्यामधे असेही कोणीतरी असावे ।। रेखाटल्या चित्रांचे रंग फिकेच भासावे । अधुऱ्या स्वप्नांनी आता कुंपणांतच रहावे ।। एकरूप या मनांचे, वचन वेगळे नसावे। जीवघेणे प्रश्न तरी, उत्तराने हसत असावे ।। आयुष्यांचे नकाशे, दूर देशांत दिसावे । भाग्यांमधल्या रेषांनी, क्षितिजांवरी जुळावे ।। घाव हे जखमांचे, त्याच्या फुंकरीने मिटावे । निखारे ओले वाहती, कुणा न ते दिसावे ।। सौद्यात स्वप्नांच्या त्याच्या, अजून काय हरावे । गहाण ठेवले श्वासही , काय उधार मागावे ।। ----फिझा