ही वाट भटकंतीची : आठवण आणि उजळणी २०१९

आज २०१९ चा शेवटचा दिवस, या वर्षातल्या घटना मागे वळून पाहताना छान वाटते आहे. लिखानाचे म्हंटला तर राजकीय आणि त्याच बरोबर सामाजिक मुद्द्यांमुळे मी पुन्हा मनातले बरोबर चुकीचे विचार शब्दात उतरवू लागलो... कविता , लेख हे जरी मी लिहित असलो तरी लिखान हा माझा मेन छंद कधीच नव्हता आणि नसेलही.
त्यामुळेच कदाचीत, माझ्या लेखांवरील विरोधी मतांना मी कधी तावातावाने, हमरी तुमरीवर उत्तरे दिली नसतील. आणि हे माझ्या स्वभावाच्या कदाचीत उलटे आहे :).
शब्दांना कदाचीत चेहरा चिकटला की ते अहंकाराचे रुप बनत असावेत ... येथे शब्द, लेख आणि लिखान हे माझे विचार असले, तरी त्यावर माझाच चेहरा उमटला आहे असे माझे मतच नाही. शुद्धलेखन पण म्हणुनच कदाचीत माझे सुधरत नसेल हे नक्की.

तर माझी खरी आवड काय आहे तर ती आहे निसर्गात फिरणे , ट्रेकिंग , हायकिंग आणि सायकलिंग... आणि मी २०१९ चा मागोवा पाहतोय त्या माझ्या या लाडक्या छंदांबद्दल ...
खरे तर ' ही वाट भटकंतीची' म्हणुन मी प्रवासवर्णन पण येथेच लिहिलेत, पण २०१४ पासुन ते लिहिणे ही बंदच झाले त्याची आज आठवण येते , मागील काही प्रवासवर्णने ही आज वाचली, खास करून हिमाचल, वेरूळ आणि गोव्याची. मस्त वाटले, आणि त्यात लिहिल्याप्रमाणे कायम राजस्थान ला जायचे ठरवून जाता येत नव्हते हे ही मी बदलले आणि राजस्थान ची १२ दिवसाची निवांत ट्रीप पण केली हे आनंदाने येथे सांगतो आहे.
येथे २०१६ ते २०१९ या काळात नव्हतो आणि नेमक्या या काळात मी खुप फिरलो, सर्व सांगत नाही, पण २०१९ चा एक भटकंतीचा थोडासा आढावा घेतो आणि प्रत्येक वेळेस चा एखादा फोटो येथे देतो.

२०१९

खरे तर २०१९ चा वेध सुरु झाला तो हरिहर फोर्ट हायकिंग आणि पुणे ते कर्दे(दापोलि) सायकलिंग या गोष्टींपासून. आणि २०१९ पासून मनात असलेले भरपुर फिरणे करायचेच हे नक्की झाले.

१. सुरुवात झाली ती आराध्याच्या ५ व्या वाढदिवशी (२० जानेवारी), अंधारबन येथुन.
खरे तर जंगलात मनसोक्त फिरणे म्हणजे पर्वणीच, अंधारबनात पावसाळ्यात पावसाचा येथेच्छ मारा सहन करत खुपदा फिरलो, तेथील असंख्य धबधब्यात मनसोक्त न्हावून निघालो पण दरवेळी ठरवत होतो येथे पुन्हा हिवाळ्यात ही येवून बघु कसे वाटते हे बघु. आणि आराध्या बरोबर मी पुन्हा या जंगलात फिरलो. विशेष म्हणजे आम्ही सोडून या जंगलात कोणीच ट्रेकर आले नव्हते, ५ जनांचा एक रेंज ट्रेक वाला गृप उलटा कोकणातून वरती येताना भेटला तितकेच..

"Teaching a child about the nature is one of the important events in their lives"

.
.
.

२. खरे तर पुणे ते कर्दे (दापोली) हा २०० किमी चा टप्पा यशस्वी पार केला होता, हे सारे स्वप्नवत होते, आणि याचे पुर्ण श्रेय आपल्या मोदक आणि सरपंच प्रशांत यांना नक्कीच द्यावे लागेल, सायकल घेण्याचा माणस या दोघांमुळेच पुर्ण झाला .. आणि २०१९ ला पहिला सायक्लो ट्रेक, पुणे (पिंपरी चिंचवड) ते पन्हाळा, २७५ किमी मी २५ जानेवारी ला पुर्ण केला.

"A Little progress each day adds up to big results"
( या नंतरच २६ जानेवारीला हुबळी येथे जावून सांघिक Guinness World Record मध्ये मी माझे नाव कोरले)

.
.
.

३. हरिश्चंद्र गड या गडावर जायचे प्रत्येक ट्रेकर्स चे स्वप्न असते. आणि हा गड गेल्या ९ वर्षात मनात असुनही मला करता आला नव्हता.आणि या फेब मध्ये हा गड करण्याचे ठरले फेब्रुवारी मध्ये स्वताचा टेंट विकत घेतला,पुण्यातुन एकटाच आणि सिन्नर चा मित्र तिकडुन एकटा असे आम्ही डायरेक्ट हरिश्चंद्रगडाच्या पायथ्यालच भेटलो. रात्र आणि ती ही स्वताच्या टेंट मध्ये म्हणजे क्या कहना.. त्यातून भारतात खुप कमी ठिकाणावरुन दिसणारे इंद्रवज्र आणि कोकणकडा म्हणजे क्या कहना... आणि या सर्वांवर कडी म्हणजे तो दिवस महाशिवरात्रीचा होता.. अनेक लोक त्यांच्याशी गप्पा मस्त वाटले एकदम.
मार्च मध्ये ही थंडी काय असते हे येथे येवून कळते, टेंट मध्ये पण अक्षरसा थंडीने मी १ वीत वर उडत होतो.. शेवटी बाहेर शेकोटी जवळ रात्र घालवली. आणि दूसर्‍या दिवशी येताना रस्त्यातच, एकाच्या शेतात दुपारी अंब्याच्या झाडाखाली मस्त झोप घेतली.

.
.
.

४. वासोटा , हा गड पण असाच केंव्हा पासुन येथे जाण्याची वाट पहात होतो. कोयना धरणात , मध्ये पाणी कमी झाले तेथे टेंट टाकुन सकाळी वासोटा एका दमात केला होता.. हिरवागार निसर्ग आणि वासोटा यांच्या प्रेमात आपण नक्कीच पडतो.

" Life isn't about the number of breaths you take. It's the movements that take our breath away"

.
.
.

५. राजा रायगड मार्च, यावेळेस भलताच चांगला ठरला हरिश्चंद्रगड, वासोटा आणि ९ व्या वेळेस पुन्हा रायगड करण्याचे भाग्य याच महिण्यात मला मिळाले. काम चालु असल्याने या वेळेस पहिल्यांदाच जुण्या राजमार्गाने आम्ही ट्रेक केला. रायगड हा माझा आवडता गड, येथे जेंव्हा जेंव्हा मी येतो तेंव्हा येथील पावन माती मस्तकाला लावून सार्थक झाल्याचेच मनात येते.
विशेष म्हणजे माझे तीनही मार्च मधील ट्रेक हे एक रात्री तेथेच थांबणारे असल्याने ते सारे अनुभव अवर्णनिय आहेत.

.
.
.

६. पुन्हा राजमाची
राजमाची ला २०१८ लाच भर जुलै च्या पावसाळ्यात जावून आलो होतो, पण यावेळेस वेगळ्या कारणासाठी तेथे गेलो. पावसाचा आरंभ म्हणजेच आमचा जन्मदिवस १० जून, त्याच्या पुर्व रात्री आम्ही आराध्या ला घेवून रात्री जंगलातील काजवे पहायला गेलो आणि नंतर दूसर्या दिवशी राजमाचीच्या दोन्ही किल्ल्यांवर जावून आलो.

.
.
.

७. मलेशिया राजमाची वरुन आलो आणि ७ दिवसातच मी कामानिमित्त मलेशिया ला गेलो असलो तरी ८०० किमि परिघात मी सुटटी असताना तेथे फिरलो. ज्या petronas tower साठी मलेशिया प्रसिद्ध आहे, त्या टॉवर मध्येच मी काम करत होतो :)
क्वालालुंपुर , मल्लाका, आणि पंग्कोर आयलँड येथे फिरुन झाल्यावर मात्र मी माझ्या मनातील लंकावी आयलँड ला भेट देण्याचे ठरवले.. त्या लंकावी आयलँड बद्दल च्या ट्रीप बद्दल येथे बोलतो फक्त.

Langkawi island

This was my first solo backpacking trip in Langkawi island, Malaysia.

Trekking in dense rain forest on Mount Mat Cincang, hiking to 7 wells waterfall, biking in heavy rain on malaysian roads..
Enjoying on cristal clear beaches , specially on tanjung rhu.
boating in the first UNESCO Kilim Geoforest Park in Southeast Asia.
Saw Eagles (after which Langkawi is named). Went in natural caves.Eating malaysian local food, and making friends with random strangers, all this ended up with me having crazy fun and enjoying utmost peace, both at the same time.
The happiness I found on this trip can never be expressed in words.
मलेशिया तील प्रसिद्ध ठिकाणांचे फोटो जे नेट वर अवेलेबल आहेत ते येथे देत नाही.

.
.
.

८. पुन्हा पावसात अंधारबन
पावसात, तिसर्‍या वेळेस मी अंधारबन ला गेलो, कोसळणारा पाऊस, धबधब्यामध्ये मनसोक्त भिजणे आणि हिरव्यागार झाडांच्या घनदाट जंगलात फिरणे हे सगळे मला येथे अनुभवता येते, त्यामुळे पावसाळ्यात येथे मी जातोच जातो.आणि हा जुलै ही त्याला अपवाद नव्हता.

.
.
.

९. तुंग फोर्ट
तुंग फोर्ट ला पुन्हा जाण्याचे कारण म्हणजे १२ वर्षापुर्वी फ्रेंडशीप ला भेटलेलो आम्ही पुन्हा याच दिवशी ट्रेक ला जात होतो आणि म्हणुन आम्ही पुन्हा मावळप्रांत निवडला.

.
.
.

१०. कर्जत (खांडस) ते भिमाशंकर ट्रेक
"Dense Forest shows us how to live, love and grow alongside each other".
खरे तर या पावसाळ्यात पाऊस अतिच झाला, त्यामुळे बरेचसे ट्रेक कॅन्सल झाले माझे, त्यात असल्या पावसात कर्जत - भिमाशंकर ट्रेक करणे म्हणजे अवघड वाटत होते.. पण पाऊस अक्षरसा जगलो आम्ही या ट्रेक मध्ये ...

.
.
.

११. रायलिंग पठार (लिंगाणा),सायक्लोट्रेक २.

सिंहगड, राजगड, तोरणा या माझ्या स्वराज्याच्या अभेद्य किल्ल्यांच्या कुशीमधुन ,दुतर्फा सोनकीच्या पिवळ्या धमक फुलांनी सजलेल्या रस्त्यामधुन सायकल ने घाट वाटा पार करत असताना, पहाटेचा अल्हाददायक सूर्य हळुच सिंहगडावर डोकावत होता. त्याचबरोबर धुक्याच्या दुलई मधुन आणि ढगांच्या सानिध्यातुन पुढे जाताना, हिरव्यागार शेतामधुन, डोंगरामधुन सायकल प्रवास म्हणजे एक पर्वणीच..

खडकवासला- पाबे घाट - वेल्हे - भट्टी - केळद घाट - सिंगापुर - मोहरी गाव - रायलिंग पठार (लिंगाणा). असा हा खडतर घाटवाटेंचा , खडकाळ अवघड रस्ता.

मिपा सदस्य आणि सायकल सायकल गृप मधले आम्ही ५ जन, बहुतेक आम्ही सायकल वर रायलिंग पठारावर जाणारे पहिलेच असू.
माझ्या आतापर्यंतच्या सायकल प्रवासातील सर्वात अवघड सायकल ट्रीप .. पहाटे ३:३० पासुन रात्रीच्या ९ वाजले तरी न संपणारा हा प्रवास खरेच हवाहवासा होता.
या बद्दल सिद्दु पाटील या मित्राचे आभार, त्यानेच हा प्लॅन आखला होता.

अति पावसामुळे दोन ट्रेक कमी झाले आणि सायकल च्या पुणे लोनावळा साध्या फेर्‍या सोडल्या , तर मोठ्या अश्या आनखिन फेर्या झाल्या नाहीत. येणारे २०२० हे वर्षे फिरण्यासाठी कसे असेल माहीत नाही. परंतु, नविन टेक्नॉलोजी मध्ये गेल्याने, आणि त्याच्या क्लास मुळे पुढचे ४ महिने शनिवार रविवार ब्लॉक असल्याने कसा वेळ काढता येइल हे पहावयास लागेल. या लावलेल्या क्लास मुळेच, या वेळेस चा मोठा प्लॅन - चादर ट्रेक, लडाख कॅन्सल केला आहे. बघु निदान ऑगस्ट मध्ये लेह लडाख करता येइल का ते.
उद्या मात्र १ तारखेला मुलीला घेवून लोहगड करतो आहे.. नविन वर्षे नविन सुरुवात...