हे काव्य कुणाचे आहे ?

बहुतेक ही कोण्या रागातील बंदिश असावी.

काव्य कुणाचे आहे हे माहीत नाही, पण माझ्या मते ही कविता नसून ते एक "गीत" आहे. (दूरदर्शनवर पाहिल्याचं आठवतं). ती रागातली बंदीश तर नाहीच नाही. चौकशी/मदत/माहिती या सदराखाली हे तू लिहिलं आहेस खरं; पण यासोबत त्या गाण्याबद्दल आणखी काही माहिती, त्यातलं तुला काय आवडलं हे जर लिहिलं असतंस तर वाचायला मजा आली असती. कधी कधी एखादं गाणं कोणाचं आहे हे नाही कळालं तरी त्याचा आनंद घेण्यात एक वेगळीच मजा असते.

हे "गीत" कुणी लिहिले आहे ? हे गाणे दूरदर्शनवर बघितले होते. मी (लेखी ) गाण्याचा सग्रह करतो. पुर्ण गीत देत असाल तर आभारी राहीन. (चेष्टा करा पण क्रूपया ख्ररे उत्तर द्या. ) -( सणकी )पाषाणभेद

हे गाणे आषा भोसल्यानी गायले आहे श्रीधर फडके यानी सम्गीतबद्ध केले आहे. "ऋतु हिरवा" या अल्बम मध्ये हे गाणे आहे झोंबणार्‍या थंडीने तुम्ही गारठले जात नाही याचे आश्चर्य बाळगु नका. अशा थंडीतही तुम्हा उब देणारी कोणतीतरी आठवण तुम्ही जवळ बाळगताय. त्या आठवणीला लाख सलाम

हे "गीत" कुणी लिहिले आहे ? हे काव्य कुणाचे आहे ? वंदना विटणकर की कुणी ? माफ करा पण आपण "ऋतु हिरवा ऋतु बरवा" या गीता बद्द्ल तर नाही ना बोलत ? नक्की हिरवा हिरवा ऋतु s s s हिरवा हिरवा ऋतु s s s च ना ? -( सणकी )पाषाणभेद

गीत: हिरवा हिरवा ऋतू , हिरवा हिरवा ऋतू अधिकच हें मन हिरवें, जवळीं असतां तूं ||धृ|| वरील गाणे हे वंदना विटणकरांचेच आहे. वरील संपुर्ण गाणे मी २००८ पासून शोधत होतो. तेव्हां हे गाणे मी दुरदर्शनवर अगदी शेवटले कडवे चालू असतांना पाहीले होते. त्यानंतर हे गाणे मिळवण्याकरता मी अनेक जणांना विचारले. त्यानंतर एकदा आकाशवाणीवर देखील ऐकले. आकाशवाणीला मी हे गाणे वाजल्याचे सगळे डिटेल्स तारीखवार देवून व प्रत्यक्ष फोन करूनही त्यांनी आश्वासनाशिवाय मदत केली नाही. नंतर असाच शोध घेत असतांना मला सदरच्या गाण्याचा उल्लेख http://www.marathiworld.com/gani/list_action.php?ch=H&sort=1 येथे सापडला. (येथे ते गाणे 59 क्रमांकावर आहे.) पण त्यावेळी ही लिंक उघडत नव्हती. लिंक ब्रोकन असल्याबद्दल मी तेथील अ‍ॅडमीनला इमेल पाठवला. त्यांचा काही प्रतिसाद आला नाही पण काही दिवसांनंतर ही लिंक ओपन होवू लागली व माझी या गाण्यासाठीची खुप दिवसांपासूनची शोधाशोध थांबली. गीत: हिरवा हिरवा ऋतू , हिरवा हिरवा ऋतू अधिकच हें मन हिरवें, जवळीं असतां तूं ||धृ|| (येथे ते गाणे 59 क्रमांकावर आहे.) गीत: वंदना विटणकर गायिका: शोभा जोशी संगितकार: यशवंत देव

हिरवा हिरवा ॠतू हिरवा हिरवा ॠतू, हिरवा हिरवा ॠतू, अधिकच हें मन हिरवें, जवळीं असतां तूं ॥धृ ॥ विळखा घाली वारा, फुलतो वेलीवरी शहारा लाटा येतां जवळीं होतो अधीर धुंद किनारा भ्रमर चुंबितां कळीस, माझा वसंत फुलवी तूं ॥१॥ कोसळती जलधारा, नाचे मनांत मोरपिसारा ओलेती ही धरा, देतसे हिरवा सृजन-इशारा मेघ भेटतां तिला, प्रिया, मज दे आलिंगन तूं ॥२॥ हिरवी मस्ती रानीं, प्रणयी राघू उन्मन झाले अशा निथळत्या वेळीं माझें तनमन हरपुन गेलें चिंब मातल्या बेहोषीचें उधाण सांवर तूं ॥३॥ गीत - वंदना विटणकर सं. - यशवंत देव गा. - शोभा जोशी

पार्श्वभूमी: सदर गीत साधारण २००६-०७ च्या सुमारास दुरदर्शनवर पाहिले अन तेव्हापासून हे गीत मी आंतरजालावर शोधत होतो. कुठेही हे गाणे लिखीत अथवा चित्रीत स्वरूपात मिळाले नाही. नंतर एकदा हे गीत नाशिक आकाशवाणीवर ऐकायला मिळाले. ते गाणे तेथून मिळवायचा प्रयत्न केला पण उपयोग झाला नाही. मला नक्कीच खात्री होती की हे गीत वंदना विटणकरांचे आहे. खूप प्रयत्न केले असता सदरच्या गाण्याचा उल्लेख http://www.marathiworld.com/gani/list_action.php?ch=H&sort=1 येथे सापडला. (येथे ते गाणे 59 क्रमांकावर आहे.) (आता बहूदा हि साईट चालत नाहीये.) पण त्यावेळी ही लिंक उघडत नव्हती. लिंक ब्रोकन असल्याबद्दल मी तेथील अ‍ॅडमीनला इमेल पाठवला. त्यांचा काही प्रतिसाद आला नाही पण काही दिवसांनंतर ही लिंक ओपन होवू लागली व माझी या गाण्यासाठीची खुप दिवसांपासूनची शोधाशोध थांबली. साधारण २०१२ साली हे गीत सापडले. परंतु ते ध्वनी स्वरूपात (गायलेले) आपले मिपाकर डॉक्टर इंद्रनील पाटील सरांंनी २०१९ साली दिले. खूप प्रतिक्षेअंती एका सुमधूर गीताचा शोध संपला. अर्थात या गाण्यावर चित्रीकरण असणारा विडीओ दुरदर्शनच्या लायब्ररीत असणार. पण तो मिळणे दुरापास्त आहे. पण जेव्हा तो मिळेल किंवा तो दाखवतील तेव्हा आपण जरूर पहा. अगदी छान चित्रीकरण असलेले हे गीत आहे. मनास आनंद देईल हे नक्की. एखादे चांगले गीत काळाच्या पडद्या आड जाऊ नये म्हणून हे गीत येथे देत आहे. ऑडीओ अपलोड केल्यास तो देखील देण्यात येईल.

आपल्या चिकाटीची दाद द्यायला हवी पैजारबुवा,