भेट .....

फ — फिझा, Mon, 06/01/2020 - 02:33

भेट ..... सागर गोटे अन भातुकली आठवते का ग आता ? किनाऱ्यावर गोळा केलेले शिंपले असतील अजून पण ...... तुझ्या वहीतल्या पहिल्या पानावर माझे नाव लिहिताना किती खाडाखोड ? ...पहिल्याच ओळीत ! आणि नंतर, पान भरून लिहिलेलं ... ! जेव्हा पुन्हा भेटशील तेव्हा 'ती वही' घेऊन ये ..... पानावरची 'तारीख ' सोडली तर ... अजून काही जसंच्या तसं शिल्लक आहे का हे तपासून पाहूया ...... नसेल तर ......... तर ..... मला कसलेही प्रश्न नको विचारू ... ... ! तुझ्या मनातल्या प्रश्नांपेक्षा .... माझ्या डोळ्यांसमोर उभे असलेले प्रश्न ..... खूप मोठे असतील कदाचित ....... एवढंच समजून घे ........ नेहमीसारखेच ! अन , 'ती वही', तू अजूनही जपली आहेस , हाच दिलासा घेऊन परत निघेन मी ...... ...........नेहमीसारखीच ! ........ फिझा

5805 वाचन

💬 प्रतिसाद (12)

ग

गणेशा Mon, 06/01/2020 - 05:16 नवीन

'ती वही', तू अजूनही जपली आहेस , हाच दिलासा घेऊन परत निघेन मी ...... वा वा.. काय लिहिले आहे.. मनापासून आवडले.. ---- अजून सगळे तसेच आहे त्या वहीत... तूझी लिहिलेली फुलाची कविता हि तशीच... शेवटच्या पाणावर, तू 'आते जाते हसते गाते ' लिहिलेलं अजून वाचतो मी, तुझ्या नावासहित... तू जाणार त्यावेळी.. चित्र तुझे मी काढलेलं.. अजून तसेच आहे, तुझ्या सुगंधा सहित...

प

प्रा.डॉ.दिलीप बिरुटे Mon, 06/01/2020 - 05:57 नवीन

आवडली कविता. लिहिते राहा. -दिलीप बिरुटे

म

मदनबाण Mon, 06/01/2020 - 14:40 नवीन

छान !

मदनबाण.....

आजची स्वाक्षरी :- Jaane Do Na... :- Cheeni Kum

ख

खिलजि Mon, 06/01/2020 - 14:47 नवीन

ती वही आणि त्यातील पाने ते क्षण आणि तो इतिहास तू दिसलीस कि पहिले हात बघतो हातात ती डायरी तर नाही ना हसतो असाच आव आणून पळ काढतो शोधून बहाणा आजही मला आमची विचारते ती भेटली कि तुमची हातभर का फाटते ? मी पुन्हा हरवतो त्या इतिहासात पुन्हा मला ती डायरी दिसते

म

मन्या ऽ Mon, 06/01/2020 - 20:48 नवीन

कविता आवडली.. :)

व

वीणा३ Mon, 06/01/2020 - 22:10 नवीन

छान आहे कविता !!!

र

रातराणी Tue, 06/02/2020 - 06:51 नवीन

कविता आवडली.

श

श्रीगणेशा Tue, 06/02/2020 - 19:23 नवीन

छान लिहिलं आहे. अगदी जीव ओतून!