नार्को चाचणी:एक नैतिक प्रश्न.

उत्कृष्ट विषय ! माझे मत असे, की मानवी अधिकारांना मोडीत काढण्यासारखे कुठलेच संकट नसते. परंतु, ह्या चाचण्या करण्याने मानवी अधिकारांचे उल्लंघन होतेच, असे नाही. ह्या चाचण्यांचा योग्य वापर केला नाही, तर मूलभूत हक्कांचा भंग होतो. कायदे बनवण्याच्या पद्धतींत नवीन तंत्रज्ञानाला सामोरे जाण्याचे पुरेसे बळ नाही. हे बळ येणे आवश्यक आहे. नार्को चाचण्यांच्या आधीही असत्यनिदान चाचणी हा एक प्रकार होऊन गेला (लाय डिटेक्टर टेस्ट). चाचणीची विश्वासार्हता १०० टक्क्याच्या जवळ पोहोचली तरीही, कायदा त्या चाचणीला मान्यता द्यायला अनेक वर्षे तयार नव्हता. नार्को चाचण्यांचेही तसेच. -- सर्किट (जालकवींच्या कविता:http://www.misalpav.com/node/2901)

शास्त्रीबुवा, एकूणात आपले मुद्दे पटण्याजोगे आहेत... तात्या.

लेख विचार करायला लावणारा आहे. पण माझी शंका अशी आहे की समजा एखाद्या देशद्रोही अतिरेक्याकडून माहिती मिळत नसेल तर त्याला ही हाच न्याय लावणार का ? जो माणसे मारण्याचे काम करतो ,अशा अमानुष नराधमाला या मानवी अधिकाराचा फायदा का मिळावा ?

मानवी मेंदूवर संशोधन बाल्यावस्थेत आहे. नार्को टेस्ट ही तपासाला पुढची दिशा मिळण्याकरिता वापरली जाते. त्याचा पुरावा म्हणुन वापर करणे अशक्य. शिक्षेसाठी जर का तो पुरावा म्हणुन वापरला तो दिवस मानवी समाजातला सर्वात काळा दिवस असेल.

नार्को चाचणी ला किती महत्व द्यायचे हे आता ठरवायला हवे. अजुन तरी कायदा नार्को चाचणीला मान्यता देत नाही.लायडिटेक्टर चाचणी जितकी साधीसरळ आहे त्यापेक्षा नार्को मानवाला धोकादायक आहे.अजुनही त्याबद्दल संशोधान पुर्ण पणे झाले नसल्यामुळे आता त्याचा जो वापर चालु आहे तो योग्य नाही. तसेच नार्को टेस्ट कधी,कोणाची घ्यावी ह्याचे पण भान ठेवायला हवे.परवा दयानंद पांडेची नार्को टेस्ट घेताना ती त्याच्या जीवावर बेतली होती.त्याचे दुष्परिणाम खुप आहेत. आजकाल ह्या चाचण्या राजकारण्यांचे एक हत्यार झाल्या आहेत. वेताळ