जे न देखे रवी...
||चाफा..||
Primary tabs
तुझी आठवण
भुइचाफा जो
आत लपवता
कंद मृण्मयी
पहिली सर अन्
रुजून येई.
तुझी आठवण
हिरवा चाफा
मोहवणारा
खुणावणारा
दृष्टीला परि
नच दिसणारा.
तुझी आठवण
पिवळा चाफा
मधुगंधाने
दरवळणारा
सुकला तरिही
जाणवणारा.
तुझी आठवण
कवठी चाफा
तिन्हिसांजेला
हळू उमलतो
रात्रि सुगंधी
सोबत करतो.
तुझी आठवण
खुरचाफ्यासम
अपर्ण होउन
मूक फुलांनी
भरून अंगण
तुलाच अर्पण.
एकाही चाफ्याला सोडले नाहीये..म्हणून चाफा बोलेनासा झाला होय?
रच्याकने :- कविता आवडली,
पैजारबुवा,
छान कविता!
दरवळत राहील अशी कविता!
नागचाफा अन् तांबडा चाफा का वगळलात?
सुरेख
लिहीते राहावे.
-दिलीप बिरुटे
आठवणीत राहील अशी सुरेख कविता.
सर्वांना धन्यवाद. ब-याच दिवसांनी मिपावर आले. म्हणून कळवायला उशीर झाला. _/\_