जे न देखे रवी...
शिल्पकार !
Primary tabs
दगडाचा जन्म देवा, कधी कुणाला नसावा..
कसे जगणे म्हणावे, चटक्यांच्या जगण्याला..
दर्याखोर्यातून कितीदा, देह घरंगळलेला..
किती युगे उलटती, फक्त वाट पाहण्याला..
कुणी लाथ घातलेली.. कुणी उशाला घेतलं..
कुठे पडतांना तुटलं.. कुठं तुटतांना फुटलं..
इतकाल्या दगडांतून, निवडक उचलतात..
अन् रुक्ष आकारातूंन एखादाच घणतात..
छिन्नी-हातोडीचे घण.. टवक्यांना अंत नाही
घाव जागजागी पडती.. त्यात घडते विठाई!
--
दगडाचा देव होतो, त्यात कर्तुत्व कुणाला?
खरा शिल्पकार म्हणतो, दगडाचा गुण झाला!
राघव
[२०२१]
छान सुंदर !
छिन्नी-हातोडीचे घण.. टवक्यांना अंत नाही
घाव जागजागी पडती.. त्यात घडते विठाई!
--
दगडाचा देव होतो, त्यात कर्तुत्व कुणाला?
खरा शिल्पकार म्हणतो, दगडाचा गुण झाला!
हे खुप आवडले !
धन्यवाद चौकोशेठ!
साधक आणि गुरु यांच्या नात्याचा विचार करता करता या ओळी आल्या आहेत.
अर्थात् सगळंच जसंच्या तसं लागू होत नाही हे खरंय. पण बरंचसं मांडता आलं यात समाधान. :-)
आवडले
व्वा छान आहे कविता!
आवडली..
सकारात्मक शेवट आवडला