मराठीतील चालू असलेली व बंद पडलेली संकेतस्थळे

marathiliha.com marathibola.com असा देखील प्रयोग झाला होता. ही संकेतस्थळे प्रसिद्ध होण्याची प्रसिद्धी केली गेली नाही, पण एक संकेतस्थळ कसे ऑपरेट होते, मराठी लिहीण्यात काय अडचणी येतात, लोकांची मानसिकता कशी असते, लोकं का लिहीत नाही, संकेतस्थळ सुरू होण्याअधीच मानपान, अपमान, रुसवे, फुगवे याबाबत सगळा अभ्यास झाला. मराठी संस्थळ अन त्याच्या अनुषंगांच्या विषयांचा पद्धतशीर अभ्यास होवू शकतो इतका अभ्यास झाला. टेक्नॉलॉजी मध्ये आपण कोठे कमी पडतो, अन नक्की काय आवश्यकता असायला हवी याबाबतही काही मते ठाम झाली. सदर दोन्ही संकेतस्थळांमध्ये फोरमला आवश्यक असणारे अनेक नवी तंत्रे जोडली गेली होती. बरेचशी संस्थळे स्पर्धेतून तयार झाली, पण वरील दोन्ही संस्थळे हे एक प्रयोग म्हणून सिद्ध केले गेले होते. टेक्नॉलॉजी काय असते ते अभ्यासले गेल अन त्यात ती यशस्वी झाली, अन बंद केली. उपक्रम, मिपा, माबो, मीमराठी.नेट, लोकायत, मराठीलिहा.कॉम, मराठीबोला.कॉम, दर्जेदार.कॉम इत्यादी संस्थळाच्या जन्माच्या कहाण्या, विकास, लय, लोप इत्यादी प्रक्रिया अगदी जवळून अभ्यासता आली. अनेक जण आपले दिवसाचे अनुभवाचे लेखन म्हणजेच साहित्य आहे असा समज करून घेतल्याने अन लगेचच लाईक्स मिळणे या कारणामुळे फोरम्सला कालबाह्य समजू लागले आहेत. काळाच्या शरण जाणे वेगळे अन काळाला वश करणे वेगळे. मराठी लिहीणे वेगळे अन मराठी साहित्य लिहीणे अन ते प्रसारीत करणे या देखील भिन्न प्रक्रिया आहेत. एखादा विद्यार्थी या विषयावर पीएचडी करू शकेल इतका अभ्यास केला गेला तर यातून पुढे काही निष्पन्न निघेल.

याबाबत मला वाटते की 1. ज्या प्रकारे इथे तू तू मै मै चालते त्यामुळे बरेच जण नाउमेद होत असावेत. काही जण उगीचच स्पॅम करतात आणि मग काही जण त्याला रिप्लाय देतात. ते कधी तरी ठीक आहे, पण तेवढंच असणे इरिटेटिंग आहे. 2. मिपा चा फॉरमॅट ट्री स्ट्रक्चर पेक्षा sequential करता येईल का? एक दुसऱ्याला उगीचच प्रत्युत्तर देणे त्यामुळे कमी होईल. जे आपल्याला वाटते ते लिहिणे वेगळे. या पद्धतीने अनावश्यक प्रत्युत्तर कमी होण्यास मदत होईल आणि मोबाईल वरून वाचनीयता वाढेल.

@रावसाहेब, फोरम्स चा उद्देश खरे तर चर्चेसाठी आहे. अन मिपाचे किंवा मराठी संस्थळाचे बलस्थान चर्चा, रिप्लाय, प्रतिसाद, प्रतिवाद उपलेख आदी आहे. अन्यथा अशा संस्थळाला ब्लॉगचे स्वरूप प्राप्त होईल. बाकी तांत्रिक बदल करणे न करणे हे सर्वस्वी त्या त्या फॉर्मॅट्च्या अधीन असते.

मराठी संस्थालामध्ये असे संस्थळ आहे का जे विज्ञानकथा,भयकथा, गूढकथा, विचित्रकथा अश्या प्रकारांना वाहिलेले आहे?

म्हणजे संध्यानंद. आजचे विनोदाचे पान विशेष सूचना - उद्या सुटी आहे.

https://www.kolaj.in हे एक आहे लेख असतात. चर्चा असतात का कल्पना नाही

ही एक नविन पाहण्यात आली. सर्वसाधारणच दिसते http://www.linkmarathi.com