कलंत्रीसाहेबांना जाहीर प्रश्न..!

तुम्ही ताकाला जाऊन भांडे का लपवताय? तुमचे प्रश्न वाचून हे प्रश्न तात्यांच्या रोखाने होते हे कोणीही मिपाकर सांगेन. अहो चलता है! तात्याला व्यक्तिगत रोख ठेऊन टारगेट करणे हा बर्‍याच मंडळींचा आवडता छंद आहे! कोलबेरला वाटलं की पान खाऊन थुंकायच्या संदर्भातले छुपे प्रश्न विचारले की तात्या अडचणीत येईल! पण झालं भलतंच! त्याच्या सर्व प्रश्नांची उत्तरं द्यायला मला अर्धा मिनिटही लागलं नाही! :) पण कलंत्रींनी मात्र याच पद्धतीने, प्रांजळपणाने माझ्या प्रश्नांची उत्तरं द्यायचं टाळलं आहे. मी केलेली कृती योग्य आहे म्हणावं तर गांधीवाद अडचणीत येऊ शकतो आणि अयोग्य आहे म्हणावं तर स्वत: कलंत्रीच अडचणीत येऊ शकतात हे त्यांना पक्के ठाऊक आहे म्हणून ते उत्तर देण्याचे टाळत आहेत..! ;) असो.. तात्या.

>>मी तात्या अभ्यंकर. मला पान खाऊन रस्त्यात थुंकायची सवय आहे. वर वर मी त्याचे समर्थनही करतो. परंतु मनापसून आणि प्रांजळपणे सांगायचे झाल्यास माझी ही सवय अत्यंत चुकीची, आणि अन्-हायजिनिक आहे! आणि त्याबाबत मला शरम वाटते. मी लौकरच ही सवय बदलायचा प्रयत्न करीन! गांधीवाद सावरकरवाद ह्यापैकी कसल्याही वादांच्याबाबतीत आमचे ज्ञान शुद्ध बैल म्हणावे इतपतच आहे. तरीही आज पहिल्यांदा हृदय परिवर्तन का काय म्हणतात ते प्रत्यक्ष बघायला मिळाल्याने आमी धन्य झालो तात्या ह्या निर्णयाबद्दल हाबीणंदन!! _/\_ बैलोबा.

हे म्हणजे यशोधरा म्हणते तसं अगदी हिंदी चित्रपटासारखंच आहे. अगदीच टोकाला जाऊन हिंदी चित्रपटात दाखवतात त्याप्रमाणे एखाद्या स्त्रीवर बलात्कार केला तर त्याची "शिक्षा" म्हणून त्या दोघांचं लग्नं लावून देणं हे ही मान्य करायचं का? ... यासाठी बहिणीचा मानभंग झाला तरी चालेल काय?? हा मानसिक पळपुटेपणाच आहे. +1 कोणी फक्त(!) काही अश्लील बोलला म्हणून स्त्रीचा मानभंग, अपमान होत नाही; शक्ती आणि हिंमत नसेल विरोध करायची तर तिथून सरळ निघून जावं, पण राखी बांधायला लावणं यासारखा तर त्या स्त्रीचा अपमान नाही.

>> मध्यमवर्गीय आणि सुखात राहणार्‍यांना गांधीवाद पेलवला नाही याचे कारण गांधीविचारांची तत्वे सांगणे अतिशय सोपे होते. << म्हणजे? असे की, गांधीविचारांची जी वैशिष्टे म्हणता येईल त्यात- 'सर्वांना सारखेच सुख व समाधान मिळणे व पोटभर अन्न मिळणे' हे सांगणे सोपे पण त्यांच्यासाठी स्वतःच्या सुखाच्या तुकड्यातून भुकेल्यांना काहीही न देता येणे. 'मानवाच्या सर्व आवश्यक गरजा पूर्ण करायच्या मात्र चैन करायची नाही' हे सुखी माणसाला जमणारे नव्हते.ग्राम सफाई, अस्पृश्यता निवारण, समाजात विषमता नसणे, या गोष्टी सुखात राहाणारा केवळ बोलू शकत होता. प्रत्यक्षात त्यावर काम करणे हे शक्य होत नव्हते. म्हणजे गांधी विचार अनेकांच्या अंगी मुरला होता पण प्रॅक्टीकली त्यातले काहीच नव्हते. खरे तर त्यांच्या याच विचाराने खळबळ उडवून दिली होती. त्यांच्या सर्वोदयाची जी काही कलमे होती त्याचा प्रभाव उमटला त्याला कारण त्यांचे विचार असतीलही, पण त्यांचे साधुशील व्यक्तित्व होते. त्यांच्या सुदैवाने टिळकांच्या मृत्युनंतर राष्ट्रीय आंदोलनाचे नेतृत्व गांधी यांच्याकडे आले. ते थोर समाजचिंतक जसे होते तसे ते अध्यात्मिकही होते त्याचाही प्रभाव जनसामान्यांवर पडला होता. त्याचबरोबर भारतीय समाजाची पुनर्चना कशी केली पाहिजे याचा विचार त्यांनी ' हरिजन' व ' यंग' या साप्ताहिकामधून मांडला हे सर्व विचार तेव्हा काहींना प्रगतीवादी,परिवर्तनशील वाटले. त्याचबरोबर...जालीयनवाला बाग हत्याकांडानंतर त्यांनी केलेले असहयोगाचे आंदोलन, मिठाचा सत्याग्रह, भारत छोडो आंदोलन, या आणि अशा काही घटनांनी गांधीविचाराबद्दल कुतूहुल निर्माण झाले आणि त्यापुढे सर्वोदयाच्या विचाराबद्दल आदर निर्माण झाला असावा असे वाटते. प्रा.डॉ.दिलीप बिरुटे