कॉमेंट्सचे वार्षिक कॅलेंडर

कॉमेंट्सचे वार्षिक कॅलेंडर सादर करत आहे. १५ एप्रिल ते १५ मे - काय हा भयानक उन्हाळा आहे, असा उन्हाळा आधी कधीच नव्हता! सगळेच ऋतू बदलत चालले आहेत! ३० जून च्या आसपास - पहिला पाऊस झाला आणि नंतर गुल झाला पाऊस! सगळेच ऋतू बदलत चालले आहेत! ३० जुलै - फार जास्त पाऊस झाला हो, थांबायचे नाव नाही. ३० जुलै - खांदेश-मराठवाडा-विदर्भ - पाऊस न्हयी शे औंदा! येक्दाच पल्डा मंग पाऊस गेला. आता टँकरच बोलवा लागते. सगळेच ऋतू बदलत चालले आहेत! ३० सप्टेंबर - पाऊस जास्तीच झाला थांबायचे नाव नाही! सगळेच ऋतू बदलत चालले आहेत! ऑक्टोबर - काय भयानक ऊन आहे हे. उन्हाळा बरा असे म्हणायचे वेळ आली. सगळेच ऋतू बदलत चालले आहेत! डिसेंबर सुरुवात - काय भयानक थंडी आहे! अशी थंडी आधी कधीच नव्हती! सगळेच ऋतू बदलत चालले आहेत! डिसेंबर शेवट - पाऊस? अरे हे काय पावसाचे दिवस आहेत? आता नवीन ऋतु हिवसाळा वगैरे. सगळेच ऋतू बदलत चालले आहेत! जानेवारी - काय दाट धुके होते हो? असे धुके कधीच नाही पाहिले. सगळेच ऋतू बदलत चालले आहेत! मार्च - काय ऊन पडले आहे भयंकर! असे ऊन इतक्या लवकर कधीच नाही पाहिले. सगळेच ऋतू बदलत चालले आहेत! १५ एप्रिल ते १५ मे - काय हा भयानक उन्हाळा आहे, असा उन्हाळा आधी कधीच नव्हता! सगळेच ऋतू बदलत चालले आहेत! घाला भर!

💬 प्रतिसाद (10)

ह

हेमंतकुमार Mon, 05/09/2022 - 07:32 नवीन

वर्षभरात कधीही आणि कायमच :

हल्लीच्या पिढीचं काय खरं नाही हो! आमच्या वेळेला असं नव्हतं........

हेमंतकुमार Mon, 05/09/2022 - 07:34 नवीन

या वाक्याचे पुरावे इसवी सन 1000 पासून मिळाल्याच्या नोंदी आहेत असे मागे एका लेखात वाचले होते.

न

निनाद Mon, 05/09/2022 - 07:38 नवीन

नोव्हेंबर - थंडीच नाही हो यंदा! आमच्या वेळी दिवाळीत अशी थंडी पडायची की विचारू नका. सगळेच ऋतू बदलत चालले आहेत!

अ

अर्जुन Mon, 05/09/2022 - 08:30 नवीन

वर्षभरात कधीही आणि कायमच : मिसळ्पाववर आता आधीसारखे दर्जेदार वाचायलाच नसते, केवळ वादविवाद!! आधी असे नव्हते

क

कर्नलतपस्वी Mon, 05/09/2022 - 13:40 नवीन

एक चारोळी, पुण्यात पिकणार भात अन कोकणात पिकणार गहू कधी येईल, किती येईल पावसाचा नेम नाय रे भौ

अमरेंद्र बाहुबली Mon, 05/09/2022 - 14:48 नवीन

भारी, लहाणपनापासून हेच ऐकतोय. आणखी एक बारमाही कमेंट, “दुष्काळ आहे, धंदे नाहीत.”

कंजूस Mon, 05/09/2022 - 16:42 नवीन

डिसैंबरात पाऊस झाला. मावा पडला मोहरावर. जळाला. या वेळचे सीएचे पेपर्स कठीण होते. पूर्वीचे मिपा राहिले नाही.

म

मित्रहो गुरुवार, 05/12/2022 - 07:39 नवीन

मस्त आहे आवडले ८ जून कवाच गेली, मिरग संपतबी आला पण पावसाचा पत्ता नाय, सारे नक्षत्र बदलले. आबे दिवाळीच्या तोंडावर पाऊस येऊन रायला ना, . हा काय बरसादीचा टाइम हाय. काहीबी होते आजकाल आधी उन्हाऱ्यात लग्न होत नव्हती का. हे उन व्हय का व्हय, आजकाल काही खर नाही भाऊ

च

चौथा कोनाडा Fri, 05/13/2022 - 14:24 नवीन

लोक काहीही धागे पाडतात.

😆

पूर्वीचे मिपा राहिले नाही. आमच्या वेळेला असं नव्हतं....... +१
मस्त खुसखुशीत लेखन आवडलं !

ज

जेपी Fri, 05/13/2022 - 14:40 नवीन

समंद हायब्रीड हाय आताची पिढी.