चक्रव्युह

पेरणा :- तेच तेच पुन्हा पुन्हा http://misalpav.com/node/50115
शशक २०२२ मधली ही गोष्ट वाचली आणि पुन्हा एकदा विचार करू लागलो. या चक्रव्यूहातून बाहेर पडण्याचा मार्ग आपल्याला ठाऊक असूनही त्या मार्गाकडे पावले का बरे वळत नाहीत? पुन्हा पुन्हा फिरून याच पिंजर्यात अडकावेसे का बरे वाटते? असा विचार करत असतानाच कानावर अरुण दातेंचा आवाज आला आणि मग जे सुचले ते पटकन लिहून काढले

चक्रव्युह

भोग हे भोगून संपवायचे
नाहीतर चक्रात अडकायचे

स्वप्नात गुरफटून रहाणे
टाळती का बरं शहाणे?
अनुभव त्यांचे ऐकायचे

मोजून श्वासाची खोली
आवर मनास घाली
स्वत:ला आतुन बघायचे

थरारे मनाची पाती,
कंपने शरीरा वरती
मनाने स्थिर राहायचे

माझ्याया मनाच्या पाशी
करुणा दाटो जराशी
पसायदान हे मागायचे

पैजारबुवा,