ओल्या नारळाची बर्फी

करायला गेले नारळाची वडी झाली नारळाची चिक्की
असो.
साहित्य:

एक फुलपात्रं ओल्या नारळाचा चव
अर्धे फुलपात्रं साखर
दोन चमचे तूप
विलायची पावडर
रोझ सिरप २-४ चमचे
मिल्क पावडर/दुधाची साय
सजावटीसाठी सुका मेवा

नानस्टिक कढईत साजूक तूप किंचित गरम करायचे.

ओल्या नारळाचा चव (काळा भाग नको शक्यता) आणि साखर एकत्रित करून कढईत परतायची.मंद आच ठेवायची.

साखर विरघळली की त्यात विलायची पूड,रोझ सिरप टाकायचा.मिश्रण परतत राहायचे.

न्यूटनचा नियमानुसार उचटन सरळ उभं राहिलं की गॅस बंद करायचा किंवा मिश्रणाचा छोटा पेढ्या एवढा गोळा झाला की बंद करायचा.

तूप लावलेल्या ताटात किंवा बटर पेपर असलेल्या केकच्या भांड्यात गरम वड्या थापायच्या.

सुकामेव्याने सजावट करायची.
गुलाबी मस्त ओल्या नारळाची बर्फी तयार.

(माझा संशय मिल्क पावडर वर आहे मी ती जास्त वापरली म्हणून चिक्की तयार झाली,पण चवीला मस्त झाली )

-भक्ती