जे न देखे रवी...

शहरातले गाव

By पाषाणभेद  · 

रस्त्याने जातांना अचानक
उंच इमारती डोंगर होतात
त्यावरील काचेची तावदाने
डोंगरावरील हिरवळ होते
रस्त्यांच्या नद्या होतात
त्यातून रहदारीचे पाणी वाहते
जाणारी वाहने होड्या होतात
बाजूची घरे शेतातली झाडे होतात

त्यावेळी मात्र मी
शहरातल्या गर्दीपासून दूर गावात पोहोचतो

- पाभे
२१/१०/२०२२

कर्नलतपस्वी

पाऊस जर असाच पडत राहीला तर घरांवर शेवाळ साचून शेतातल्या झाडाचं रूप नक्कीच येईल.

बाकी कल्पना मस्त.

चित्रगुप्त

कोणताही अनुभव टोकाला गेला की कधीकधी असे काहीतरी झाल्याचे अनुभवाला येते, असे अनुभवी लोक सांगतात, तसे मलाही काही अनुभव आलेले आहेत, ते इथे लिहीण्याचा अनुभवही घ्यायला हवा, पण सध्या टंकाळा अनुभवत आहे.

शानबा५१२

आपण वेगात चालणा-या गाडीत होतात का? ही कल्पना अशा सिनारियोमध्ये खुप सुट होते. जेव्हा आपण खुप दीवसांनी गावाला जातो. :-)