जे न देखे रवी...
जगणे
Primary tabs
आला दिवस पुढे ढकलणे, जगणे नाही
मरणा आधी जगत राहणे, जगणे नाही.
जीवन म्हणजे ऊन सावल्यांचा खेळ सारा
सावलीसाठी उन्हात पोळणे, जगणे नाही.
करार मदार सजावट कागदावरची
जूने शब्द उगाळत बसणे, जगणे नाही.
होते ताटातूट किनारा आणि लाटांची इथे
पुळणीवरची नक्षी जपणे, जगणे नाही
हातावच्या रेघांना अर्थ नसतो प्रत्येक वेळी
नेहमी नशीबाला बोल लावणे, जगणे नाही.
----- अभय बापट
३१/१०/२०२२
आवडली रचना. सर्वच ओळी क्लास.
लिहिते राहा.
-दिलीप बिरुटे
धन्यवाद
धन्यवाद
धन्यवाद
करार मदार सजावट कागदावरची
जूने शब्द उगाळत बसणे, जगणे नाही
छानच लिहिलयं.
संदीप खरे यांची 'नामंजूर' कवीता आठवली.