जे न देखे रवी...
तू जाताना...
Primary tabs
अश्रू जरा ओघळले तू जाताना
ना शब्द ओठी फुटले तू जाताना...
जलप्रलय यावा तैसा पूर नदीला
आभाळ ही कोसळले तू जाताना...
ती रात होती पुनवेची तेव्हा ही
का चांदणे ना पडले तू जाताना...?
हे वेदनेचे काटे रस्त्यातूनी
ना फूल कोठे फुलले तू जाताना...
उधळून जीवन गेले तेव्हा माझे
वादळ जरासे उठले तू जाताना...
ही वेस ओलांडूनी गेलीस तसे
आधार सारे तुटले तू जाताना...
दीपक पवार.
आवडली कविता.
लिहिते राहा.
-दिलीप बिरुटे
प्रा.डॉ.दिलीप बिरुटे सर मनःपूर्वक धन्यवाद.
दीपक भाऊ
जबरदस्त !
शेवटी काय ....जाने भी दो यारों ........ जा मुली जा, दिल्या घरी तू सुखी रहा....असं बोलून आपापल्या रस्त्याला लागायचं ...हाकानाका.
आलो आलो सर मनःपूर्वक धन्यवाद
गाव दुर राहीले.
"तू नही तो और सही",मुसाफिर हूं, दिल कभी नही लगाता. किंवा "गुंत्यात गुंतूनी" असेच जगलो.
रचना आवडली.
कर्नलतपस्वी सर मनःपूर्वक धन्यवाद