जे न देखे रवी...
जर्द पिवळी दुपार
Primary tabs
जर्द पिवळी दुपार
दार ठोठावत येते
आत आत कोंडलेले
झळीनेच धुमसते
घोर फुफाटा धुळीचा
अणु रेणू तापलेला
मृगजळाच्या काठाशी
निवडुंग फोफावला
गारव्याची शीळ निळी
दूर विजनी घुमते
तिथे पोचायचे कसे?
बेडी पायात काचते
लिहिते राहा.
-दिलीप बिरुटे
जर्द पिवळी दुपार ...
गारव्याची निळी शीळ ...
-- एकदम चपखल.
तिथे पोचायचे कसे?
बेडी पायात काचते
-- हे मात्र समजले नाही. 'तिथे' म्हणजे कुठे ? आणि 'बेडी' कसली ?
"तिथे" = गारव्याच्या निळ्या शिळीसारखे अंतर्बाह्य सुखावणारे आपापले श्रेयस जिथे वसते ती अप्राप्य जागा
"बेडी" = "तिथे" पोहोचण्यापासून परावृत्त करणारी अनेक बंधने
कविता आवडली!
(जर्द पिवळी विजार) विडंबनाच्या प्रतीक्षेत :P
"जर्द पिवळी दुपार"कार अनन्त्_यात्री यांची क्षमा मागून तसेच अथांग आकाश यांच्या सूचनेचा मान ठेवून "जर्द पिवळी विजार" झालेली काढून इथे धुवायला टाकली आहे!
:)