सध्या काय पाहता?(२०२५)

B
Bhakti
🗣 78 प्रतिसाद
जसं जमेल तसं सांगत राहूया..सध्या काय पाहतो.. K-POP demon hunter 1 खर म्हणजे तिच्या बरोबर कूंफू पांडा बघायला खूप धमाल येते.तिचं ते सात मजली , खळखळून हसणं मी सुखाने पाहत राहते.लेट ईट गो असं लहानपणी ती मनापासून गाताना आनंदून जायचे.उशीच्या खोळीपासून शाळेच्या कंपास, पर्यंत सगळीकडे फ्रोजनचे एल्सा,ॲना,ओलेफ दिसू लागले.डिस्नेच्या प्रिन्सेस तिच्या बोलण्यातून तीच्या मैत्रीणी भासतात. के फॉर काईट शिकवण्याच्या पुढे जाऊन जनरेशन अल्फा असलेल्या माझ्या लेकीने मला के फॉर के-पॉप डेमॉन हंटर(K-POP demon hunter )शिकवलं. के पॉप म्हणजे कोरियन पॉप.आजच्या घडीला BTS,Blackpink,Blackswan यांच्या संगीताने,चमकदार व्हिडिओने भुरळ घातली आहे. खरंच #kpopdemonhunters हा ॲनिमेशन सिनेमा खूप सुंदर आहे. रूमी, मुख्य पात्र, K-pop आयडॉल आणि राक्षस शिकारी अशा दुहेरी भूमिकांमधून स्वतःची खरी ओळख शोधते. हे अस्तित्ववादाशी निगडित आहे, जिथे व्यक्ती स्वतःच्या उद्देशाला अर्थ देते. रूमीचा अंतर्मनातील संघर्ष आणि "What It Sounds Like" गाण्यातील भावनिक प्रवास आत्म-प्रतिबिंब आणि स्वीकार हे दिसते. या सिनेमातलं गोल्डन,सोडा पॉप,टेक अवे ही गाणी भन्नाट आहेत.लहान मुलांना ज्या वयात अनेक न्यूनगंड जडतात .तिथे हा सिनेमा केवळ मनोरंजनच नाही तर स्वतः वर प्रेम करायला खूप मदत करतो.
वर्गीकरण
मनोरंजन
12746 वाचन
💬 प्रतिसाद (78)
B
Bhakti Mon, 10/06/2025 - 04:30 नवीन
वाह,थेट कलाकाराची पोचपावती खुप आनंद देते. मी भारत पाकिस्तान यांच्यातील नातेसंबंधांवरचे कर्मशिअलच सिनेमे पाहिलेत -पिंजर, बजरंगी भाईजान,गदर.
↩ प्रतिसाद: अमरेंद्र बाहुबली
स
सोत्रि Tue, 10/07/2025 - 12:28 नवीन
आहाहा....काय आठवण करून दिलीत. पिंजर एक नितांत सुंदर सिनेमा आहे. आता शोधून बघणे आले.... - (पिंजरच्या आठवणीने अंमळ हळवा झालेला) सोकाजी
↩ प्रतिसाद: Bhakti
प
प्रा.डॉ.दिलीप बिरुटे Sun, 10/05/2025 - 17:10 नवीन
दिग्दर्शकाचं पत्र आवडलं. सिनेमा पाहतो, जरा मोकळा वेळ मिळाल्यावर. -दिलीप बिरुटे
अ
अमरेंद्र बाहुबली Sun, 10/05/2025 - 17:57 नवीन
दिग्दर्शिका आहे ती!
↩ प्रतिसाद: प्रा.डॉ.दिलीप बिरुटे
अ
अमरेंद्र बाहुबली Mon, 10/06/2025 - 16:32 नवीन
काल कार्तिक कॉलिंग कार्तिक हा २०१० चा सिनेमा पहिला, युट्यूबला आहे, थोडा धीमा वाटला, ढकलून पाहिला तरीही कळतो, सस्पेन्स चांगला आहे. त्या आधी डरना मना है पाहिला, इतका भीतीदायक नव्हता.
B
Bhakti Tue, 10/07/2025 - 16:14 नवीन
Cleopatra's Final Secret' ही एक डॉक्युमेंटरी आहे. कॅथलीन मार्टिनेझ यांनी क्लियोपेट्राच्या अंतिम स्थान(कबर) शोध घेतल्यानंतर, क्लियोपेट्राचे अंतिम रहस्य भूमध्य समुद्रावरील वाळवंट आणि पाण्याखालील मोहिमा दाखवते. क्लियोपेट्रा ही इजिप्तची एक शेवटची फेरोह होतीच पण ताकदवान स्त्री होती.अशी ताकदवान स्त्री तत्कालीन रोमन साम्राज्याला नक्कीच नको होती.तिने हे ठरवलंच होतं की कोणत्याही पुरुषाच्या हातून तिच्या अंतिम स्थानाचा शोध लागू नये.जवळपास ३००० वर्षांनी कॅथलीन या संशोधिकेने तिचे शेवटचे स्थान शोधण्याचा दावा केला आहे. ही अप्रतिम डॉक्युमेंटरी जियो हॉटस्टारवर आहे.
अ
अमरेंद्र बाहुबली गुरुवार, 10/09/2025 - 06:35 नवीन
फॉल हा २०२२ चा सर्वाईवल सिनेमा पाहिला! उत्कृष्ट होता, पूर्ण सिनेमाभर एक टेन्शन भरलेलं वातावरण तयार करण्यात यश आलय. नक्की पाहवा! अंगठीचे मालक (लॉर्ड्स ऑफ द रिंग) पाहणेही सुरू केले आहे, पहिला भाग पाहून संपला.
ज
जुइ Fri, 10/10/2025 - 22:20 नवीन
रेबेका नावाचा कादंबरी आधारीत रहस्यपट नेटफिक्सवर पाहिला. हा नव्याने परत तयार केला आहे. या सिनेमाबाबत वाचले होते. हिचकॉक यांनी देखिल हाच सिनेमा (कृष्ण धवल सरूपात) दिग्दर्शीत केला आहे. हा सिनेमा तूनळीवर पाहायला मिळेल. नक्कीच पाहण्यासारखा आहे.
श
शुभां म. Tue, 10/21/2025 - 09:01 नवीन
अलीकडेच मला महाराष्ट्र कल्चरल सेंटर आणि आशय फिल्म क्लबद्वारे आयोजित फिल्म स्टडी सेंटर अप्रतिम उपक्रमाची माहिती मिळाली. या क्लबमध्ये दर महिन्याला जागतिक कीर्तीच्या दिग्दर्शकांचा एक चित्रपट दाखवला जातो आणि आयोजक केवळ चित्रपट दाखवत नाहीत तर त्या दिग्दर्शकाच्या कामाबद्दलची माहिती आणि तांत्रिक बाबींचे विश्लेषणही करतात. ऑक्टोबर महिन्यात प्रसिद्ध कन्नड दिग्दर्शक गिरीश कासारवल्ली यांचा "कूर्मावतार" (२०११) हा चित्रपट या उपक्रमात दाखवण्यात आला. "कूर्मावतार" (२०११) या चित्रपटात जीवनाचे वेगवेगळे पैलू दाखवले आहेत आणि प्रत्येक फ्रेम, प्रत्येक दृश्य अतिशय सुंदर आणि प्रभावीपणे सादर केले गेले आहे.संवादांपेक्षा दृश्यांवर अधिक भर देणारा हा चित्रपट प्रेक्षकांना थक्क करून सोडतो आणि शेवटी प्रेक्षकांच्या मनात अनेक प्रश्न निर्माण करून जातो. गुलाबी टाकीज पहायचा आहे, आणि शक्य होईल तेव्हा इतर चित्रपटही नक्कीच पहिल. मागच्या वेळी पोलिश दिग्दर्शक आंद्रेज वायदा यांचा Man of Iron पाहिला होता.तो पण खूपच वेगळा सिनेमा होता. पुण्यामध्ये बरेच कार्यक्रम होत असतात , मागे गुरु दत्त याचे जुने सिनेमा डिजिटल redevelop करून प्रदर्शित केले होते NFAI मध्ये. OTT var पाहण्यापेक्षा अशा कार्यक्रमात पाहणे एक वेगळंच अनुभव आहे.
B
Bhakti Sun, 10/26/2025 - 16:42 नवीन
गेल्या महिनाभरात खुप सिनेमे आणि सिरीज पाहिल्या पण सगळ्यात जास्त वेळ लागला तो 'अम्ब्रेला ॲकॅडमी' सिरीज पाहायला. Sci fi सिरीज आवडतात त्यातही एकाचवेळी अनेक टाईमलाईन विषय दाखवणाऱ्या अधिक आवडतात.अशी ही Umbrella Academy सिरीज होती.अशीच अनेक टाईम लाईन दाखवणारी Dark सिरीज आहे.पण ती खुपचं किचकट वाटतं आहे त्यामुळे काहीच भाग पाहिले.
B
Bhakti Tue, 10/28/2025 - 06:27 नवीन
पलीकडे एका धाग्यावर याचा सिनेमा उल्लेख आहे.खरोखरच नक्कीच पाहिला पाहिजे असा हा सिनेमा आहे.या रीलने तर धुमाकूळ घातला आहे. https://youtube.com/shorts/zIjJcmhrbY4?si=U4XePfEklKB8bI0k .द हिडन फिगर! हा सिनेमा खऱ्या व्यक्तीरेखांवर आधारित आहे.प्रगत मानल्या जाणाऱ्या अमेरिकेत १९६१ ला वर्णद्वेष होता.गडद त्वचा रंगांच्या लोकांना खूप हीन मानले जायचे.अशा वेळी चक्क नासामध्येही हा भेदभाव होता.पण कॅथरीन जॉन्सन, डोरोथी वॉन आणि मेरी जॅक्सन, या तीन हुशार गडद त्वचा रंगांच्या संशोधक बायकांनी इतिहास घडवला . गणितज्ञ ,मून मिशन भाग घेणारी कॅथरीन,आयबीएम कम्प्युटर हेड होणारी डोरोथी आणि मेरी नासातली पहिली कृष्ण वर्णीय इंजिनिअर होती. त्यांचा लढा खरच खुप प्रेरणादायी होता .अफलातून सिनेमा आहे.
B
Bhakti Fri, 11/07/2025 - 06:50 नवीन
उदाहरणार्थ, समजा उरुग्वेतील नागरिक टिकटॉकवरून मांजराचे लक्षावधी व्हिडिओ शेअर करतात. बाइटडान्स त्यासाठी त्यांच्याकडून काही रक्कम घेत नाही किंवा त्याबदल्यात त्यांना रक्कम कथाही करत नाही.पण नंतर बाइटडान्सने इमेज-रेकग्निशन एआयला प्रशिक्षित करण्यासाठी त्या व्हिडिओचा वापर केला आणि हे एआय नंतर दक्षिण आफ्रिकी सरकारला एक कोटी यूएस डॉलर्स किमतीला विकलं. हा जो पैसा मिळाला, तो उरुग्वेतल्या मांजरांच्या व्हिडिओंचं फलित आहे हे उरुग्वेतल्या अधिकाऱ्यांना कळणार तरी कसं?आणि त्यांचा वाटा किती हे ते मोजणार तरी कसा?कॅट व्हिडिओचा कर लावला पाहिजे का? (कदाचित हे विनोदी वाटू शकेल, पण आपण हे उरुग्वेने कॅट व्हिडिओ अकराव्या प्रकरणात पाहणार आहोत. एआयमध्ये अत्यंत महत्त्वाचे पथदर्शक मार्ग सापडण्यासाठी मांजरांच्या प्रतिमा महत्त्वाच्या ठरल्या.)
हा परिच्छेद युवाल भरारी यांच्या 'नेक्सस' या पुस्तकातील आहे.अनेक सोशल मिडिया प्लॅटफॉर्म अशाच प्रकारे आपली माहिती,फोटो, व्हिडिओ चोरतात आणि AI कंपन्यांना विकत आले आहेत. ह्या AI ला व्हिडिओ,फोटो देऊन प्रशिक्षित करण्यासाठी अनेक डाटा /माहिती देण्याचे काम भारतातल्या छोट्याशा खेड्यापाड्यातही केले जात आहे. यावरील एक छोटासा पण अर्थपूर्ण सिनेमा Humans In The Loop हा पाहिला.नायिका AI ला अगदी बाळाप्रमाणे कसे उभे राहायचे,धावायचे याची माहिती पुरवत असते.आणि समांतर धावणारी तिचीही गोष्ट आहे.इकडे AI ला प्रशिक्षित करतांनाच माणूस निसर्गापासून दूर चालला आहे.डोळे भरून निसर्ग पाहायला,मन भरून निसर्गावर प्रेम करून गात्रांना समाधानी करण्याची कला तो विसरत चालला आहे.
B
Bhakti Mon, 11/10/2025 - 07:49 नवीन
Extraordinary Attorney Woo ही एक अतिशय गोड दक्षिण कोरियन सिरीज आहे, जी ऑटिझम स्पेक्ट्रमवर असलेल्या वू यंग-वू या हुशार वकिलाच्या जीवनावर आधारित आहे.मुख्य नायिकेला अप्रतिम अभिनय केला आहे.ऑटिझम व्यक्तिरेखा साकारण्यासाठी बरेच कष्ट घ्यावे लागले असणार.आता ॲटर्नी वू प्रमाणेच माझी मुलगी आणि मीएका खोलीतून दुसऱ्या खोलीत आकडे मोजत प्रवेश करतो..काही काळ गंमत ;)
स
स्वधर्म Mon, 11/10/2025 - 11:46 नवीन
काल स्थळ हा अप्रतिम सिनेमा थिएटरमध्ये जाऊन पाहिला. जी कलाकृती पाहताना तुंम्ही भान विसरून त्या प्रवाहात जाता, ती कलाकृती मी श्रेष्ठ मानतो. त्या अर्थाने 'स्थळ' हा सिनेमा तुंम्हाला इकडे तिकडे बघूच देत नाही. तुंम्ही त्या सिनेमातले एक पात्रच होऊन जाता, त्या गावात राहू लागता. सर्वात महत्वाचं म्हणजे दिग्दर्शक जयंत सोमलवार किंवा नायिका नंदिनी चिकटे यांचं नांव पूर्वी कधी ऐकलं नव्हतं पण सिनेमा कमाल बनला आहे. जे सांगायचं आहे ते अत्यंत सूचक (सटल) सांगितलं आहे आणि कुठेही बटबटीतपणा नाही. शक्य असेल तर अजिबात सोडू नका. ट्रेलरः Sthal | A Match | स्थळ | Official Trailer | Sachin Pilgaonkar | Jayant Somalkar | Nandini Chikte परिक्षणः स्थळ | Sthal Marathi Movie Review त्याआधी अशोक सराफ, विक्रम गोखले, दिलीप प्रभावळकर इ. असलेला महेश मांजरेकर यांचे दिग्दर्शन असलेला शिवाजी पार्क पाहिला होता. या प्रस्थापित लोकांची अक्षरशः कीव आली. किती तो बटबटीतपणा आणि कथानकातले, दिग्दर्शनातले कच्चे दुवे! का म्हणून यांना मोठे कलाकार म्हणायचं असा प्रश्न पडला.
B
Bhakti Tue, 11/11/2025 - 03:33 नवीन
स्थळ हा बहूचर्चित मराठी सिनेमा पाहायचे राहिलेच.संधी मिळाल्यावर नक्कीच पाहणार. महेश मांजरेकरचे सिनेमे पाहायचं मी टाळते... ;) का ते माहीत नाही.फार पूर्वी कुठेतरी सुप्त मनात काहीतरी गणितं त्यांच्या कलाकृतींच्या बाबतीत फिसकटली आहेत.
↩ प्रतिसाद: स्वधर्म
स
स्वधर्म Tue, 11/11/2025 - 11:53 नवीन
बहुतेक त्यांचा अहं सारखा जाणवतो हे कारण असावं. विशेषतः मराठी बिग बॉस मध्ये ते ज्या उर्मटपणे बोलायचे ते अगदी डोक्यात जायचे. सरकारने मराठी शाळा बंद करण्यासाठी पावले उचलली, हिंदी सक्ती आणायचा प्रयत्न केला इ.इ. वेळी हे मोठे प्रतिथयश कलाकार, जे संपूर्णपणे मराठीच्या असण्यावर पोट भरतात, एका शब्दाने तोंड उघडत नाहीत, म्हणून पण डोक्यात जातात.
↩ प्रतिसाद: Bhakti
क
कॉमी Tue, 11/11/2025 - 13:31 नवीन
पर्वा असाच "मी शिवाजीराजे... " सुरू केला. अत्यंत टुकार संवाद आणि कथा. पंधरा मिनिटे सुद्धा पहावला नाही.
↩ प्रतिसाद: Bhakti
B
Bhakti Sun, 11/16/2025 - 05:51 नवीन
खुपचं प्रभावी सिनेमा आहे.अगदी माझ्या पिढीतल्या अनेक सामान्य मुली या फेऱ्यातून गेलो आहोत.खुपच साचेबद्ध या कार्यक्रमात वरवरच्या प्रश्नांनी मन जुळवणी हे दिवास्वप्न तर आहे.पण मुलींच्या,घरच्यांच्या मनाची घालमेल या चित्रपटात खुप प्रभावी कोणत्याही मिर्ची मसाल्याशिवाय सादर झाली आहे.शेवटचे १५ -२० मि.घडणाऱ्या गोष्टी कोणत्याही संवादाशिवाय केवळ संगीतावर पुढे जात पाहतांना चर्र होते. शेवटचे दृश्य पाहून माझ्या मुलीला हुश्श झालं :) नाहीतर ती असं मुलींचे हाल होत आहे ,हे पाहून चिंता करत होते,सिनेमा बंद कर म्हणत होती .
↩ प्रतिसाद: स्वधर्म
स
स्वधर्म Mon, 11/17/2025 - 11:42 नवीन
आपल्या समाजातील एकंदर रुढीप्रियता आणि अज्ञान पाहून अगदी पहावत नाही. आणि या सिनेमात कोणतीही अतिशयोक्ती नाही. मुलगी पेटून उठते पण शेतकरी तस्साच मार खात राहतो हे पाहून मनाला वेदना होतात.
↩ प्रतिसाद: Bhakti
ध
धर्मराजमुटके Wed, 11/12/2025 - 08:30 नवीन
एम एक्स प्लेयर वर फर्स्ट कॉपी चे दोन्ही सीजन पाहिले. ऑडीयो / व्हिडीओ पायरसीबद्द्ल आहे. कॅसेट, सीडी, इंटरनेट चा प्रवास पाहिलेला असल्याने मजा आली.
B
Bhakti Sun, 11/16/2025 - 05:57 नवीन
जॉनी एल एल बी-३ पाहिला.इतर दोन सिनेमांइतका मनोरंजक नाही.पण थेट शेवटचा एक तास सिनेमा नक्कीच पाहण्यासारखा आहे.मला कोर्ट , वकील,ॲर्ग्युमेंट पाहायला मजा येते :)
B
Bhakti Sat, 11/29/2025 - 09:14 नवीन
Stranger Things याचा सध्या शेवटचा सिझन येतोय.त्यामुळे सगळीकडे खुप गाजावाजा आहे.त्यामुळे पाहायला सुरुवात केली.पहिले दोन सिझन पाहिले.चांगलच खिळवून ठेवलंय. शेवटच्या सिझनचा पहिला एपिसोड रिलीज झाला तेव्हा खुप लोकांनी नेटफ्लिक्स वापरल्याने काही ठिकाणी ते क्रॅश झाले अशी बातमी आहे.
B
Bhakti गुरुवार, 12/04/2025 - 15:24 नवीन
गुगलवर stranger things सर्च केल्यावर एक डायस येतो.तो क्लिक केला की मोबाईल उलटा होतो ;) उलटी दुनियाच जातो. झाले सगळे एपिसोड,सिरीज पाहून.आता २५ डिसेंबरची वाट पाहायची.
↩ प्रतिसाद: Bhakti
ह
हणमंतअण्णा शंक… गुरुवार, 12/04/2025 - 21:51 नवीन
मी सगळे सीझन्स जेव्हा जेव्हा आले तेव्हा सगळे एका रात्रीत पूर्ण केले. स्टोरीटेलिंगच्या तंत्रावर काय जबरदस्त हुकुमत आहे.
↩ प्रतिसाद: Bhakti
B
Bhakti Fri, 12/05/2025 - 06:10 नवीन
स्टोरीटेलिंग कमालच!४००० कोटींचे बजेट म्हणूनच नेटफ्लिक्स+इतर यांनी ठेवलंय.अशरक्ष: या सिरीजचे बजेट जुगार ठरणार होता,फायनल एपिसोड थिएटरमध्येपण रिलीज होणार आहे. सगळे एपिसोड पाहून झाले म्हणून सिरीजच्या‌ वेगवेगळ्या थिअरीज पाहतेय.इन्स्टावर तर stranger things कंटेंटचचा महापूर आलाय.एका दृश्यात जेन मिसिंग आहे,तर एक संपर्क नंबर दिलाय.लोकांनी तो नंबर डायल केला तर, अक्षरशः व्हाइस मेसेज मिळतो 'वेलकम टू हॉकिन्स,इकडे भूकंप आला होता...वगैरे वगैरे. दहा वर्षांपूर्वी चित्रित केलेल दृश्य बरोबर काही वर्षांनी योग्य त्या एपिसोडमध्ये ॲड करायचं म्हणजे दिग्दर्शकांनी काय पद्धतीने डिटेल्स रेखाटले आहेत.. Hat's off to Duffer Brother
↩ प्रतिसाद: हणमंतअण्णा शंकराप्पा रावळगुंडवाडीकर
अ
असंका Tue, 12/02/2025 - 04:14 नवीन
जर कुणाला रणगाडे संबंधी युद्धपट आवडत असतील, तर एक अगदी जबरदस्त चित्रपट आहे युट्युब वर- "व्हाइट टायगर". यात रशियन "टी - ३४" वि. जर्मन "टायगर" असा सामना दाखवला आहे. (वॉर्निंग: काही काही दॄष्ये अगदी अंगावर काटा आणणारी आहेत.)
B
Bhakti Tue, 12/16/2025 - 13:25 नवीन
Homebound भारतातल्या अनेक गावांची ही कथा आहे.स्वप्नांचा पाठलाग करणारी गावातली तरुणाई, परंतु स्वप्नांना पैशांचे वास्तव ग्रासत राहतं.त्यात जर काळाचा फेरा आला तर...चटका लावणारा सिनेमा आहे. दोन मित्रांच्या नात्यांची गहिरी कथा(सिनेमा) आहे.
B
Bhakti Mon, 12/29/2025 - 11:28 नवीन
गर्लफ्रेंड हा दक्षिण भारतीय डब्ब सिनेमा पाहिला.अर्थात रश्मिका मंदाना असल्याने पाहिला गेला,इतकी संथ कथा आहे.टिपिकल सोज्वळ मुलीला टॉक्सीक बॉयफ्रेंड मिळतो. तीच्या आयुष्याला आधीच एकाकीपणाची दु:खद किनार असते.त्यामुळे हे बळच गळ्यात पडलेलं बॉयफ्रेंडच लचांड सोडवायला खुप त्रास होतो.त्यात वडील, मित्रमैत्रिणी तुटतात.बॉयफ्रेंडच्या आईची अवस्था पाहून हे लग्न झाले तर असे कोशात जाऊ हे तिला समजते.शेवटी संशयी,तापट बॉयफ्रेंडला ती नकार देते. तर या सायको तिची बदनामी करायला लागतो.ती अजूनच घाबरते.पण शेवटी तिच्यातली दुर्गा जागी होते,मी लग्न चांगल्याच डिसेंट मुलाशी करेल.आणि असा नाही मिळाला तर एकटी सुखात जगून दाखवेल असं त्याला ,जगाला ठणकावून सांगते.आणि तशीच जगताना शेवटी ती दाखवली. टॉक्सीक रिलेशनशिप हा अजुनही ज्वलंत विषय आहे.अल्लड वयात मुला मुलींना प्रेमाचे फुलपाखरु आकर्षित करते पण आपला साथीदार फुलपाखरू ऐवजी डंख मारणारी मधमाशी तर नाही ना याची चाचपणी करत राहावी..