जे न देखे रवी...
दाटलेली हुरहूर.
Primary tabs
दाटलेली हुरहूर
मन असं सैरभैर
कुणाचे हे रंग सारे
पसरले मनभर
काय झाले असे
मन वेडेपिसे
कुणाचे हे मनावर उमटले ठसे.
रंग न्हाली सांज येई
कुणाची ही भूल पडे
गंध ओल्या वाऱ्यातून
कुठे मन दूर उडे
शोधिते कुणाला
कळेना मनाला
झाडातून पानातून कोण आता दिसे
कुणाचे हे मनावर उमटले ठसे.
उमललेल्या पहाटेस
सपनात येई कोण
बहरल्या वेलीपरी
मोहरुन जाई मन
कुणाचे हे रूप
मनभर धूप
पसरून दिसभर गंधाळते जसे
कुणाचे हे मनावर उमटले ठसे.
प्रेमाचे शब्दातून पडलेले कवडसे आवडले..
गणेशाजी मनःपूर्वक धन्यवाद.
लिहीते राहा...!
-दिलीप बिरुटे
प्रा.डॉ.दिलीप बिरुटेजी मनःपूर्वक धन्यवाद.
मस्त ... आवडली रचना !
प्रेमाची अव्यक्तअबोल अवस्था व्यक्त करते ही कविता !
चौथा कोनाडाजी मन:पूर्वक धन्यवाद.