मुड

नमस्कार,
मुडी मिपाकर,
मस्त पैकी मुड मध्ये येऊन, मी "मुड" बद्दल लिहित आहे. :)

तर मुडी मिपाकरहो, या "मुड"चा महिमा अघाध आहे. जेव्हा पासुन आपल्याला आपल्या अस्तित्वाची जाणिव यायला लागते तेव्हा पासुन हा "मुड" आपल्या मध्ये शिरतो, तो आपला इहलोकी प्रवास संपल्यावरच तो जातो. :)

लहान बाळ कधी खुप छान हसुन बोलक्या डोळ्यांतुन आपल्याशी हु, हु करत असते. काही तरी बोलत असते, स्वत:च्या विश्वात हरवुन स्वारी खेळत असते. तर कधी आपण त्याच्या ओळखीचे असलो तरी आपल्याकडे काही न बोलता गप पहात बसते. आपल्या कडे फारसे लक्ष न देता स्वत:च्या विचारात गढुन गेल्या सारखा चेहरा करून बसते. उत्तर एकच बाळासाहेबांचा "मुड" दुसरे काय :)

आता "मुड" कसा बनतो आणी कसा बिघडु शकतो ह्याला काही ठराविक कारण नाही, कधी कधी सकाळी उठल्या पासुनच आपल्याला खुप प्रसन्न वाटते, आणि चेह-यावर आनंदाची छटा उमटते, आणी कधी कधी उगाच सकाळ पासुन दिवसच उदास वाटतो, काही करूच नये असे ही वाटते. :(

तर असा हा तुमचा- आमचा सर्वाचा "मुड" कळत नकळत बनणे आणि बिघडणे हे आपल्या स्वत:च्या हातात आहे का ? "मुड" म्हणजे काय तर मनाची एक अवस्था, ज्यावर आपले वागणे, बोलणे क्कचित अवलंबुन असते. तर हा मुड कधी आपल्याला अगदी जगातील आपणच सुखी जीव आहोत, तर कधी आपल्या एवढा दु:खी कोणीच नसेल असे वाटायला भाग पाडतो.

आपल्या नेहमीच्या संपर्कात येणा-या लोकांच्या वागण्या, बोलण्यावरही आपला मुड बनत किंवा बिघडत असतो असा माझा अंदाज आहे. कधी कधी खुप एकटे, उदास वाटत असताना जर आपल्या जिवा- भावाच्या मित्र मैत्रीणी बरोबर बोलणे झाले तर मनाला उभारी येऊन मुड अगदी छान होतो. तर कधी मंदिरात गेलो आणी नेमकी देवाची आरती सुरू असेल तर मनाला एक प्रकारचे समाधान मिळते, प्रवासात जर खिडकी शेजारची सीट मिळाली तरी स्वत:वरच खुश होतो, तर कधी ट्राफिक न लागता पटापट ग्रीन सिग्नल मिळाले तरी, तर कधी मुलाचे गोड गोड बोल ऐकल्यावर तर कधी टपो-या मोग-याचा फुलांचा गजरा दिसला तरी मनाला आनंद मिळतो, अशा बारिक सारिक वाटणा-या गोष्टी देखिल आपला मुड बनवितात.

नेहमी सकाळी कशीबशी अंघोळ करून, स्वत:ला शर्ट पॆन्ट मध्ये कोंबत, अग, माझा टिफिन तयार आहे का, अग माझा सेल फोन शोधायला मदत कर ना, अशा प्रश्नांची बायकोच्या कानाला सवय झाली असताना, जर ऒफिसला जायचे असताना देखिल सकाळी सकाळी नवरा मस्त पैकी स्वत:चे केस विंचरत, शीळ घालत असेल तर, बायकोच्या चेह-यावर अलगत स्मित हस्य उमटते आणि अरे वा, आज स्वारी खुश दिसत आहे, काही विशेष ? हा प्रश्न नव-याला विचारतेच . :)

उत्तरा देखत नव-या कडुनही एक प्रेमळ हास्य मिळाल्यास बायकोचा दिवसभराचा मुड बनुन जातो. :)

कधी घर ते ऒफीस असा प्रवास विनाअडथळा होतो, रिसेप्शनिस्ट ही मस्त पैकी स्माईल देते, आणि काम ही अगदी मनाप्रमाणे होत जाते,स्वारी स्वत:च स्वत:वर खुश होते, त्यात मित्र मंडळी भेटली मनसोक्त गप्पा झाल्या, आणि रात्री जेवताना ताटात आवडणारेच पदार्थ आले, दिवस कसा अगदी छान गेला असे वाटते. :)

तेच जर सकाळीच शुल्लक गोष्टीवरून वाद झाला किंवा, अगदी हवी असलेली वस्तु शोधण्यात वेळ गेला तरी बारिक सारीक गोष्टीवरून चिडचिड होते, मग ऒफिस मध्ये कामात पुर्णत: लक्ष न लागणे, स्वत:ची स्वत: वर चिडचिड असे अनेक गोष्टीची साखळीच तयार असते. कधी कधी तर एखाद्या व्यक्तीला पाहिले तरी किंवा एखाद्या व्यक्तीशी बोलल्यावर देखिल मुड इतका खराब होतो की, त्या व्यक्तीशी बोलुन झाल्या नंतर जो/जी कोणी पहिला समोर येणार तीच्यावर थोडातरी राग निघतोच. राग काढलेल्या व्यक्ती कडुन ऐकुन घ्यावे लागते" स्वत:चा मुड खराब असेल तर निदान माझा तरी करू नको. "

असे म्हणतात की अति हुशार, संशोधक, कलाकार मंडळी खुप मुडी असतात, एकदा मुड लागला की एका झोक्यात एखादे काम हाता वेगळे केल्याशिवाय त्यांना चैन पडत नाही, एखाद्या चित्रकाराने एकदा मुड लागल्यावर कुंचल्यात रंग भरत भरत दिवस - रात्र उभे राहुन मना सारखे चित्र तयार होई पर्यत ब्रश हाता वेगळा न करणे, तसेच संगितकार देखिल एका बैठकीत एखाद्या गाण्याला चाल लावुनच दम घेततात असे हे मुड छान लागला तर दिवस रात्रीची तमा न करता पुर्ण पणे त्या कामात झोकुन देतात.

मी तर म्हणेन की मुडी पणा सर्वांच्यात कमी जास्त प्रमाणात असतोच.

तर बास आता, माझा "मुड" वर लिहायचा एवढाच मुड असल्याने मी एवढेच लिहिले आहे, मुड संपला. ;)