गुळाच्या पोळ्या

संक्रांतीच्या मुहुर्तावर गुळपोळी......सही आहे!

या संक्रांतीला घरची फारच आठवण येणार आहे असं दिसतयं :(

- टिंग्या

अंगात 'दम' असणं चांगलं.....पण तो सारखा लागणं वाईट!

वेलकम बॅक...
मिपाच्या अन्नपूर्णा मिपावर परत आलेल्या पाहून खूप बरं वाटलं.
आणखी जोरदार रेसिपिंची अपेक्षा आहे स्वातीताई तुझ्याकडून.
- (सर्वव्यापी)प्राजु
http://praaju.blogspot.com/

धन्यवाद,
स्वाती ताई ब-याच वर्षात गुळ पोळी न केल्याने विसरून गेले होते. आता नक्की करून बघते. (गूळ चिक्कीचा नसेल तर. ) पण चिक्कीचा गूळ नाही हे कसे बरे ओळखावे????

मिपाची अन्नापूर्णा गुळपोळीच्या पाकृसह मिपावर परतल्याचा आम्हाला अत्यंत आनंद होत आहे! :)

स्वाती राजेशचा विजय असो..! :)

पोळीचा फोटू का नाही दिला बरं?

तात्या.

गुळ गरम न करता फक्त किसुन त्यात बाकीचे साहित्य मिसळुन देखिल करता येतो ना?

वरील सर्वांचे आभार!!!!
मला माहीत नव्हते कि इतकी मि.पा.कर मला मिस करत होते...
मस्त वाटले वरील प्रतिक्रीया वाचून....:)
मी माझ्याकडून जेवढ्या रेसिपी ची माहिती देता येइल तेवढी देइनच....
मि.पा.चे सुद्धा आभार की हा प्लॅट्फॉर्म उपलब्ध करून दिला...

माझी आई डाळ-भाता बरोबर हा गुळ घट्ट झाकण्यच्या ड्ब्यात उकडुन घेते जेणेकरुन गुळ छान मऊ होतो आणि त्यात गुठळी रहात नाही.

--@-- स्नेहश्री रहाळ्कर.--@--
आनंदाचे क्षण असतातच जगण्यासाठी
दुःखाचे क्षण असतातच विसरण्यासाठी
पण खुप काही देउन जातात हे
आयुष्यात पुढे जाण्यासाठी

गुळाच्या पोळ्या.
साहित्य : २ वाटी किसलेला गुळ, पाव वाटी सुके खोबरे, अर्धी वाटी तीळाचे कुट, १ चमचा खसखस, अर्धी वाटी बेसन, १ मोठा चमचा तेल, कणिक हवी तेवढी, चिमुट भर मीठ, १ टीस्पुन वेल दोडे पुड.

कृती : बेसन तेलात फेस येईपर्यंत खमंग भाजावे, म्हणजे बेसनाच्या लाडुला भाजतो तसे. फार तपकिरी वा लाल करु नये. मग ते gas वरुन उतरवुन कढईत बेसन गरम असतानाच किसलेला गुळ घालावा अन सारखे करावे. बेसनाच्या आधीच सुके खोबर्‍याचा किस अन खसखस वेग वेगळी कोरडीच भाजुन घ्यावी. अन त्यांची पुड करावी. तीळ पण कोरडे भाजुन त्यांची पुड करावी. वेलदोड्याची खसखशी बरोबरच मिक्सरमध्ये पुड करावी.

हे सर्व पुड मिश्रण बेसन अन गुळात एकत्र करावे. अन चांगले मळावे, पाहिजे तर पुसटसर तेलाच्या हाताने मळावे. अन डब्यात भरावे. पाहिजे तर एकदा मिक्सरमध्ये फिरवुन घ्यावे.

करायच्या वेळी कणिक कडकडीत तापलेल्या तेलाचे चमचाभर मोहन अन चिमुट मीठ घालुन घट्ट भिजवावी. नंतर करताना तिच्या २ लाट्या घेऊन छोटीसी पुरी लाटावी. एका पुरीवर मिश्रणाचा थोडा गोळा घेऊन तो त्यावर ठेवुन मग दुसरी पुरी ठेवावी. मग कडेने आधी लाटुन मग मध्ये लाटावी. म्हणजे मिश्रण सगळीकडे पसरेल. अन पातळ लाटावी. मग तव्यावर खमंग भाजावी. ह्या पोळ्या बर्याच दिवस टिकतात. अन तयार मिश्रण पण फ्रिझमध्ये रहाते.

कृती. मी नक्की करून पाहीन ही पद्धत!

प्रतिक्रिया जर उशिराच!
गूळ सू़क्ष्म्लहरी भट्टीत १ मि ठेवल्यासही छान मऊ होतो