"ती काही उमेद हारत नाही ".....समस्यापुर्ती अथवा काव्यस्पर्धा ...!!!

धोत-याला कधी गुलाब येत नाही
कव्यस्पर्धा घेउन समस्यापुर्ती होत नाही

अजुन सुचेल तस.. वेळ मिळाल्यावर टाकू

"मी तिला सा॑गीतले की मी
झोपेत घोरतो "
"ती म्हणाली तु जाउन डॉक्टरला
का विचारत नाही "
या उपायांनी काही होत नाही,
ती काही उमेद हारत नाही ...!

सुहास..

मला"पिऊन्"घरी जाण्याची भिती वाटत नाही,भिती वाटते ती "घरी जाण्याची"

पूर्वीची स्थिती -

वाढदिवस विसरलो तिचा
केली इतर मुलींशी सलगी
म्हणाली मनमिळाऊ तू
त्या तर तुझ्या बहिणी

व्हॅलेंटाईनला दिले फूल पिवळे
आणि चॉकलेट डेला किटकॅट
म्हणाली चल मारु गप्पा
कॉलेजच्या फाटकात

समजून चुकलो मी आता
ती काही बधत नाही
या उपायांनी काही होत नाही,
ती काही उमेद हारत नाही ...!

सध्याची काल्पनिक स्थिती :)

बराच विचार केला
अन लिहिले मिपावरती
आताच पाहिले आली ती
घेऊन नवा आयडी

उपायाबद्दल विचार चालू आहे....
-- लिखाळ.

डाणराव बंगलोरी,
फक्त आणि फक्त तुमच्यासाठी ह्या ओळी खरडतोय. आस्वाद घ्यावा.

१
घेऊन ये तिला आपल्या ढोसरीला,
पाय लाऊन पळेल तिच्या पाठीला.

२
तुझ्या डोळ्यांची नशा लय मस्त आहे,
पण त्याहून शिवास रिगलची रंगत लय जास्त आहे.

३
कोण तू तुझं नाव आठवत नाही,
किती डोकं खाजवलं काही सुचत नाही,
काल पासून प्यायलो नाही,
बहुदा म्हणूनच काही स्मरत नाही.

४
मी आहे छोटा डॉन,
मोठी आहे माझी मान,
जास्त मागे लागून नकोस,
गरम करीन तुझा कान.

५
किती आल्या किती गेल्या,
त्यात आता तुझी भर पडली,
तुला पाहून असं वाटतं,
का ही आयुष्यात कडमडली.

६
जाऊ दे गं मला, नको मागे लागुस,
दारू पितान चकणा संपल्यासारखी नको वागूस.

आता तुझ्या ओळी घेऊन

या उपायांनी काही होत नाही, ती काही उमेद हारत नाही ....!
दारूचं पण असंच असतं, किती आणली तरी पुरत नाही.

या उपायांनी काही होत नाही, ती काही उमेद हारत नाही ....!
आज काल डाण्याला झालंय काय? देशी सुद्धा चढत नाही...

या उपायांनी काही होत नाही, ती काही उमेद हारत नाही ....!
तरी तुला सांगत होतो, लफडं करणं दारू पिण्याइतकं सोप्प नाही.

आपल्या सौम्याचं काय झालं रे?????????????

या उपायांनी काही होत नाही, ती काही उमेद हारत नाही ....!
तरी तुला सांगत होतो, लफडं करणं दारू पिण्याइतकं सोप्प नाही.

स॑ प लो...

सुहास..

मला"पिऊन्"घरी जाण्याची भिती वाटत नाही,भिती वाटते ती "घरी जाण्याची"

माझा ७ वेळेचा अनुभव असा आहे की, काही प्रश्न/ई. विचारावे लागतात-
१. तुला बहीण आहे का असे विचारणे
२. सतत तिला अवघड जाणाऱ्या विषयांबद्दल बोलत राहणे व त्याबद्दल प्रॉब्लेम विचारत बसणे
३. पर्स विकत घेउन तिला विचारणे, तुला आवडली का ग? आज किनै एका माणसाचा बर्थ्डे आहे
४. खूप जोरात चालणे- बरोबर असल्यास आणि सतत सांगणे, किती हळू चालतेस
५. तिच्या कपड्यांवर सतत टिका करणे
६. तुला आयुष्यात काहीही मदत लागली मला सांग बरका, मी धाऊन येईन, असे म्हणणे
७. मला सैन्यात भरती व्हायचे आहे असे सांगणे
८. मी अजुन ४ वर्षे तरी शिकणार आहे, नोकरी-बिकरीचा विचार नाही असे सांगणे
९. ढासळत्या समाजव्यवस्थेबद्दल, संकुचित राजकारणावर, क्रिकेट्वर सतत चर्चा करणे
१०. सुहागरात्री मांजर मारणे ही कथा माहीत असल्यास त्यास्वरुपाची कथा सांगणे
११. ई

या उपायांनी काही होत नाही, ती काही उमेद हारत नाही ....!
अगं नेतेसुद्धा खुर्ची उबवायची इतकी जिद्द धरत नाहीत.....

या उपायांनी काही होत नाही, ती काही उमेद हारत नाही ....!
बॉलीवूडवाले बघ दररोज घेऊन फिरतात नवीन बाई......

या उपायांनी काही होत नाही, ती काही उमेद हारत नाही ....!
तुज्या मायला तुला एकदा सांगितलेलं कळत नाही........

आसिन्धुसिन्धुपर्यंता यस्य भारतभूमिका |
पित्रुभू: पुण्यभू:श्चैव सः हिन्दु इति एव स्मृतः ||

या उपायांनी काही होत नाही,
ती काही उमेद हारत नाही ...!
(पण मला समजत नाही)
तिला नाकारण्याची तूच उमेद का हरत नाहीस?
एकदाची तिला आपली (म्हणजे तूझी होऽऽ!) का म्हणत नाहीस?

अंगे भिजली जलधारांनी,
ऐशा ललना स्वये येऊनी,
देती आलींगन चुंबुनी,
तेच पुरूष भाग्याचे.
(बाकी सर्व दुर्भाग्याचे)

दारूने प्रश्न सुटत नाहीत, पण दुधाने तरी कुठे सुटतात?

डॉन्याचे मनोगत खालच्या (ट ला ट जोडून केलेल्या) कवितेत मांडायचा प्रयत्न केला आहे.......

******************************
ऐक मित्रा सांगतो, तुले माही गोष्टं
पोट्टी लागली मागे, पण हाये लई खाष्ट

काय म्हणतो? सांगू तुला ति हाय कशी...
रंग्याची कविता वाच, वाटंल म्हैसचं जशी

म्हणली मला ति, तिचा माह्यावर जडला जीव
ऐकुन तिचे शब्द, माही मलाच आली किव

आता जवा तवा मला ति करत र्‍हायते फोन
सारकं वाट्टे लावाव्या तिच्या कानाखाली दोन

रागात येवून मी तिला येकदा सांगीतलं तसं
पण माहा हात वाट्टे तिला जशी मोराची पिसं

ति दिसली की आजकाल मी बदलतो वाट माही
पर ति येतेच माह्या मागं कारण काढून काही

येकदा तिच्यादेखत तिच्या बहिणीला मारला डोळा
तर म्हणते कशी मला 'तू येडा की खुळा'

म्हणलं नको मागे लागू माह्या, मी न्हाई सोम्यागोम्या
पर तिला मात्र वाटे, ति माझी सौम्या मी तिचा गोम्या

कंटाळलो तिला सांगून 'बाई माहा पिच्छा सोड'
पर मेल्याशिवाय जित्याची कधी जाते का खोड?

म्हणे मला ति... जल्मभर देईल माही साथ
राहु सोबत आपण दोघं जसे चुन्ना आणि काथ

हा इचार करुन माह्या काळजात होते धस्सं
आता उरलेलं आयुष्य मी जगुतरी कसं?

काय काय न्हाई केलं, पर ति दुर काई जाईना
माह्यासाठचा आनंद तिच्या मनात काई माईना

लै केलेत उपाय, या उपायांनी काही होत न्हाई,
खरं हाय तिचं प्रेम, ती काही उमेद हारत न्हाई ...!

******************************

-अनामिक

हे तू नीट समजुन का घेत नाही
कसं तुला काहीच समजत नाही !
साधी,सरळ आणी सोपी गोष्ट आहे,
तुझ्याबरोबर मला राहवत नाही !
या उपायांनी काही होत नाही,
ती काही उमेद हारत नाही ...!

अगदी सहज आवडते का विचारतेस,
भावना माझ्या तुला का जाणवत नाही !
साधी,सरळ आणी सोपी गोष्ट आहे,
तुझ्याबरोबर मला करमत नाही !
या उपायांनी काही होत नाही,
ती काही उमेद हारत नाही ...!

तू जवळ असलीस की खायला उठतं,
कशातच लक्ष माझं लागत नाही !
एवढही तुला कसं कळत नाही,
तुझ्यामुळे माझ्या जगण्याला अर्थ नाही !
या उपायांनी काही होत नाही,
ती काही उमेद हारत नाही ...!

मात्र कधी कधी असं वाटतं ,
तू दाखवतेस तुला समजत नाही !
भावना माझ्या चांगल्या तु जाणतेस,
पण मुद्दामच तू मला सोडत नाही
या उपायांनी काही होत नाही,
ती काही उमेद हारत नाही ...!

भेटण्याने आता काही होणार नाही,
मी तुझ्याबरोबर क्षणही जगणार नाही !
व्हावा वियोग ही तर देवाचीच इच्छा,
त्याला तू किंवा मी टाळु शकणार नाही !!
या उपायांनी काही होत नाही,
ती काही उमेद हारत नाही ...!

तुझं नि माझं विळाभोपळ्याच नातं,
हा काही आज उद्याचा खेळ नाही !
तुझाच मी आणी माझीच तू,
असं स्वप्नातही शक्य होणार नाही !
या उपायांनी काही होत नाही,
ती काही उमेद हारत नाही ...!

किती साधी,सरळ आणी सोपी गोष्ट आहे,
तू हे समजुन का घेत नाही...
या उपायांनी काही होत नाही,
ती काही उमेद हारत नाही ...!

--अवलिया

भेटण्यासाठी तुला तैयार होतो
पण तुझे फर्मान आले, साद नाही

अरे वा! धागा अंमळ मजेशीर! :)

आमचं तत्व -

आली अंगावर, घेतली शंगावर! :)

आपला,
(सांड) तात्या.

बाय द वे डॉन्या, भानगड काय आहे? सांभाळ रे बाबा..!

:)

तात्या.

रोडरोमियो च्या ध्याग्यावर हिरिरीने मते देणारे कुठे आहेत?

काय च्यायला कवटी चालते एकेकाची!!
भले बहाद्दर रे :)

बाकी, आ.का.का.क.ना.हे.ज.जा.आ.हे.वे.सां.न.ल. पण तरीही तुमच्यासाठी एखादा प्रयत्न करुन पाहतो ;)

तिचा मला वीट येतो हे तिला कळत नाही,
फटकन तोडणं मला काही जमत नाही...

मग मी करतो फोन बंद,
उपसुन टाकतो मोडेमच्याही तारा ...
रिती बाटली उशाशी, झोपतो तसाच उपाशी,

या उपायांनी काही होत नाही,
ती काही उमेद हारत नाही ...!

स्वप्नांतसुध्दा येत राहते,
क्षणोक्षणी भिवविते!

आता तर दारुसुध्दा चढत नाही,
मांडलेला हा छळ सुटत नाही!

या उपायांनी काही होत नाही...या उपायांनी काही होत नाही!
ती काही उमेद हारत नाही ...!!!

****************************************************

च्यायला, कविता म्हणता म्हणता हे काय होऊन बसलं?
शहाण्यानं उंटाच्या शेपटाच्या बुडख्याचा मुका घ्यायला जाऊ नये हेच खरं.

बाकी, ते प्रथितयश कवी अन् काय काय म्हणताहात त्यांनी इकडं पाहीलं नाही म्हणून गळे कसले काढता? तुमची लायकी ती काय? तुम्ही धागे ते काय काढता?
अहो, जरा उच्चभ्रु व्हा, तुमच्या शब्दाला वजन मिळू दे, मग पहा धागा काढल्याकाढल्या कसे छप्पन प्रतिसाद पडतात...
----------------------------------------------------------------------------------------
::::हल्ली चालु असलेल्या मराठी-आंतरजालीय-टोळीयुध्दाचा आपण एक भाग नाही आहात? काय सांगता? स्वतःला कर्कवृत्ती मराठी माणुस कसे काय म्हणवता? ::::

आपली यंट्री व्यं. नी. मधे. बघा जमली आहे का डॉनराव

पावती बद्दल धन्यवाद.
च्या मारी कवी पौगंडावस्थेत जागृत होतो आहे काय.

प्रतिसादांचे अर्धशतक करण्यासाठी प्रतिसाद दिला.
५१ वा प्रतिसाद आला की हा उडवला तरी चालेल

--अवलिया

रेशनिंग दिवस परत आले काय?

पळ, पळ पळालो, लप, लप लपलो,
पण
या उपायांनी काही होत नाही,
ती काही उमेद हारत नाही ...!

अग बाई, जा ग बाई म्हणलो
पण
या उपायांनी काही होत नाही,
ती काही उमेद हारत नाही ...!

अस तसं , नको तसं बोललो
पण
या उपायांनी काही होत नाही,
ती काही उमेद हारत नाही ...!

खाज खाज खाजवल डोक तुमचं आणी माझ
पण
या उपायांनी काही होत नाही,
ती काही उमेद हारत नाही ...!