लोकसभा निवडणुका-२००९ उत्तर भारतातील परिस्थितीविषयी माझा अंदाज

जय हो क्लिंटनराव !! मिपावर निवडणुक फिव्हर सुरु करणारा लेख. बाकी पुढले लिखाण वाचायलाही उत्सुक आहेच.

क्लिम्न्टनराव, तब्येतीची काळजी घ्या अन् लौकर बरे व्हा.. असो.. आपला व्यासंग बाकी दांडगाच दिसतो आहे. आपल्या लेखमालेचे स्वागत.. आजच निवडणुका जाहीर झाल्या, त्यामुळे ही अत्यंत ताजी घटना आहे. परंतु इतक्या लौकर तिचे पडसाद इतक्या विस्तृतपणे मिपावर उमटावेत हे मिपाच्या लोकाभिमुखतेचे, समाजाभिमुखतेचे एक लक्षण आहे असे अभिमानाने म्हणावेसे वाटते...! येथे प्रसिद्ध होणारे उत्तम साहित्य, उत्तम पाकृ यांच्यासोबतच ताज्या घटनांचा उहापोहही मिपावर तेवढ्याच तत्परतेने होतो आणि क्लिंटनराव, हे आपल्यासारख्या मिपाकरांमुळेच शक्य होतं ही अत्यंत आनंदाची गोष्ट आहे. मिपा हे अत्यंत सजग, जिवंत असल्याचेच हे लक्षण आहे असंही म्हणावंसं वाटतं. मी सर्व मिपाकरांचा ऋणी आहे..! असो, आता बॅक टू युअर सब्जेक्ट.. परंतु क्लिन्टनराव, त्यापूर्वी एक सांगा, की जी मंडळी आता हिरीरीने या निवडणुका लढवतील, त्याकरता कुठल्याही थराला जातील, सत्ता मिळवण्याकरता, खुर्ची मिळवण्याकरता वाट्टेल तसा पैसा खर्च करतील त्यापैकी एकाही व्यक्तिला, पक्षाला ही जाणीव आहे का की आपण ज्या सार्वभौम भारताचं प्रतिनिधित्व करणार आहोत, तो भारत आपल्याला काय किंमतीत मिळाला आहे? त्याकरता किती क्रान्तीकारकांच्या आयुष्याची राखरांगोळी झाली आहे, कितीजण हासतहासत फासावर गेले आहेत? आणि त्यानुषांगाने आपणही या देशाचं काही एक ऋण देणं लागतो, ही जाणीव किती उमेदवारांकडे आहे हे आधी सांगा! मला खात्री आहे, आपण एकाही पक्षाचं, उमेदवाराचं नांव घेऊ शकणार नाही..! सबब, या निवडणुकांशी निदान माझा तरी काही संबंध नाही. मी कुणालाही मतदान करू इच्छित नाही! असो..! आपला, (भ्रष्ट व सत्तापिपासू उमेदवारांना, पक्षांना मतदान करून देशद्रोह करायची इच्छा नसलेला!) तात्या.

क्लिंटनराव, भारताच्या राजकारणावर फार बारीक लक्ष ठेवून आहात! :-) ल्रेख आवडला. अर्थात यात "एस्टीमेशन" पेक्षा "गेस्टीमेशन" जास्त आहे असे वाटते. पण तरी देखील विश्लेषण आवडले. आज भाजपा मधे असलेला तरूण नेतृत्वाचा अभाव हा त्यांच्या यशाच्या आड येणार आहे. काँग्रेसने एका अर्थी "अन इव्हेंटफूल" राज्य केले आहे. असे म्हणताना देखील अतिरेकी हल्ले, शेतकर्‍यांच्या आत्महत्या आणि आता आलेली मंदी याचा कितपत परीणाम होईल ते मे महीन्या अखेर समजेल. बाकी या प्रतिसादाचे शिर्षक देण्यासाठी जरी मी महाभारत मालीकेच्या गीताचा वापर केला असला तरी त्यात निव्वळ "कथा है स्वार्थ की" इतकेच म्हणून थांबावेसे वाटत आहे. :-( धन्यवाद!

यात "एस्टीमेशन" पेक्षा "गेस्टीमेशन" जास्त आहे असे वाटते या वर व्यक्त झालेल्या मतांशी सहमत. उत्कंठा आहे पुढील भाग वाचण्याची. आणि हो, काळजी घ्या आणि लवकर बरे व्हा. Doing what you like is freedom. Liking what you do is happiness.

निवडणुकीचे रंग भरायला सुरवात. :-) अजुन येउ दे आणि हो लवकर बरे व्हा.

सर्वात प्रथम आमच्या आवडत्या विषयाला हात घातल्याबद्दल क्लिंटनरावांचे अभिनंदन व आभार ... मी सुद्धा ह्याच विषयावर पण "महाराष्ट्र विधानसभेबद्दल" लेखमाला लिहीत आहे पण काही कारणामुळे मुड लागत नाहीये लिहण्यासाठी व अभ्यासासाठी. असो. अंदाज हे अंदाजच असतात, आपण फक्त मांडायचे, कारण ते बरोबर येणार का नाही हे आपल्या हातात नसते. जम्मु काश्मिर, हरियाणा, उत्तराखंड आणि हि.प्र. बाबत आपल्याशी बहुतांशी सहमत आहे, बहुतेक निकाल असेच असतील , फारफार तर १-२ जागा इकडे तिकडे होऊ शकतात. १. दिल्ली : मला असे वाटते की ह्यावेळीही दिल्ली काँग्रेस चक्क एकहाती जिंकणार, भाजपाची ताकदच नाही लढण्याची इथे. मात्र "बसपाचा हत्ती" इथे एखाद्यावेळी चमत्कार घडवुन १-२ सीट जिंकण्याची शक्यता नाकारता येत नाही. काही महिन्यांपुर्वी मायावतींनी रामलिला मैदानावर घेतलेल्या जबरदस्त मेळाव्यातील गर्दी त्यांना इतका कॉन्फीडंस नक्की देऊ शकते. शिवाय ह्यावेळी मायावतीच्या मागे "इतर पार्ट्या" उभ्या राहण्याची शक्यता असल्याने मते तिकडे वळतील ... ह्यावेळी मायावती ह्या पंतप्रधान पदासाठी डार्क हॉर्स असल्याने ह्या भावनेतुन त्यांना राजधानीतुन मतदान होऊ शकते, आज बसपाला उच्चवर्णीय पहिल्याइतके अस्पृष्य मानत नाहीत हे पाहणे रोचक ठरेल. म्हणुन, काँग्रेस : ४/५ भाजपा : ०/१ बसपा : १/२ २. राजस्थान : जरी ह्यावेळच्या विधानसभा निवडणुकीत भाजपा साफ झोपले असले तरी लोकसभेसाठी असे होईल असे मला वाटत नाही, परिमाण वेगवेगळे आहेत. विधानसभेचा पराभव हा वसुंधराराजेंच्या छानछौकी, रईस, विक्षीप्त आणि एकसुरी कारभारामुळे तसेच आरक्षणाच्या मामल्यात गुज्जरांच्या असंतोषामुळे झाला असे मानायला हरकत नाही ... पण त्याचवेळी भाजपाच्या खासदारांचे काम व इमेज ह्या गोष्टी गॄहीत धरल्या तर केवळ वसुंधराराजेंच्या पक्षाचा आहे म्हणुन लोक त्यांना नाकारतील असे वाटत नाही. शेजारच्याच "गुजराथ"चे उदाहरण ह्यासाठी उपयुक्त आहे .. त्यामुळे भाजपाला अजुन चान्स आहे असे वाटते काँग्रेस : १३-१५ भाजपा : १० +/१ इतर : ०/१ ( बंडखोरी, इकडे हे अगदीच कॉमन आहे. ) ३. उत्तर प्रदेश : इथे सगळाच गोंधळ आहे तसे म्हणाल तर, पण तरीही आपल्याशी बहुतांश सहमत ... "भाजपा" नक्की मार खाणार पण काही सज्जन व पुण्यवान अशी इमेज असलेल्या तसेच स्वबळावर निवडुन येण्याची ताकद असलेल्या नेत्यांमुळे ६-८ जागा नक्की जिंकु शकेल ... "काँग्रेस" ला तसा जास्त चान्स नाही पण "राहुल गांधींचा" करिष्मा मात्र जर क्लिक झाला तर हा पक्ष १२-१५ जागा सुद्धा जिंकु शकतो. शिवाय जर ह्यांचे मायावतीच्या भितीने सपाशी समोरासमोर अथवा पडद्यामागे सेटिंग झाले तर हा आकडा अवघड नाही. चिन्हेही तशीच दिसत आहेत. "सपा" ला मायावतीने पक्के कोंडीत पकडले आहे त्यामुळे ह्यांना जास्त संधी नाही. पण मागच्या विश्वासदर्शक ठरावाचा परिणाम म्हणुन काँग्रेसकडुन मायावतीविरोधात रसद मिळाल्यास व "अमरसिंगाचे" सेटिंग ह्यावेळीही चमकल्यास तसेच जातीच्या आधारे खच्चुन मतदान झाल्यास ह्या पक्षाने २०+ जागा जिंकल्यास आश्चर्य नको. सध्या मात्र १०+/-२ अशीच स्थीती आहे. मुख्य आणि ताकदीचा पक्ष म्हणजे "बसपा", ह्यावेळी हत्तीची चाल मजबुत व धीराची आहे ह्यात शंका नाही. मायावती यांना ह्यावेळी पंतप्रधानपदाची स्वप्ने पडत असल्याने व इतर तिसरा मोर्चा त्याच उद्योगाला लागला असल्याने त्या सर्व ताकदीनिशी उतरतील ह्यात शंका नाही. सर्व गणिते जसे काही जात, विकास, पंतप्रधान ठरवण्यात महत्वाची भुमिका आदी जुळल्यास ह्या पक्षाने "६० जागा" जिंकल्यास आश्चर्य वाटु नये मात्र ह्यावेळी होणारे नुकसान हे सपा आणि भाजपाचे असेल. मात्र गणिते चुकल्यास व विरोधक एकवटल्यास ह्यांची मजल "४० जागा" पर्यंतच जाईल आणि तसाच विरोधकांचा प्रयत्न राहिल. अजितसिंगाचे "लोकदल"२-३ जागा नक्की जिंकेल अशी खात्री आहे ... राहता राहिले ते अपक्ष आणि फुटीर, ह्यातले बरेच जण बाहुबली असल्याने ह्यांचीही मजल "४-६ जागांपर्यंत" जाऊ शकते पण अर्थात हे तिकीटवाटपाच्या वेळी स्पष्ट होईल ... महत्वाचे घटक आहेत ते जातेचे राजकारण, काँग्रेस आणि बसपा सेटिंग, मायावतींची घोडदौड आणि प्रस्थापित मतदारसघातले पक्षावर अवलंबुन नसलेले उमेदवार ... बाकी, अजुन लिहीत रहा, आम्ही वाचतो आहोत ... अवांतर : ह्यावेळी काँग्रेस बहुसंख्य ठिकाणी "स्वबळावर" लढणार आहे, अशा परिस्थीतीत काय फरक पडेल ह्यावर राज्यनिहाय अंदाज येऊद्यात ... ------ छोटा डॉन एखाद्याला देव म्हटलं की देवाच्या चुका दाखवता येत नाहीत, चुका दाखवल्या की भक्तांना त्रास होतो. त्यात अजुन देवाला "स्वेटर" घालणे ही तर अजुनच मजेशीर गोष्ट. असो. ;)

क्लिंटन यांचा लेख आणि छोटा डॉन यांचा प्रतिसाद दोन्ही अभ्यासपूर्ण असल्यामुळे आवडले. क्लिंटनराव, तब्येतीची काळजी घ्या. लवकरच तुमचा पाय पूर्ववत होईल अशी आशा! अदिती माझ्या मतांची आणि विचारांची कोणतीही वॉरंटी नाही.

त्यावर क्लिंटनसाहेबानी लेख मालिका सुरु केल्यामुळे त्याचे आभार. आताच निवडणुकांचे अंदाज बांधणे घाईचे ठरेल. तरी पण वर व्यक्त केलेले अंदाज बरोबर येतिल असे आता तरी वाटते आहे. पंरतु बसपा मुळे भाजपाला मार बसेल का कॉग्रेसला हे पहाणे महत्वाचे ठरेल. उत्तरप्रदेश मध्ये सद्यातरी मायावतीची चलती आहे. पंरतु तिच्या कारभाराला लोक आताच वैतागले आहेत. त्यामुळे बसपा एकहाती ५० जागा मिळवेल असा अंदाज करणे धाडसाचे ठरेल.बसपा ३०ते ३५ मध्ये जागा मिळविल असे मला वाटते. वेताळ

क्लिंटन यांचा लेख आणि छोटा डॉन यांचा प्रतिसाद दोन्ही आवडले आहेत उत्तर भारत मग पुर्व, पश्चीम आणी दक्षीण पण एक करा राव महाराष्ट्रासाठी एक अख्खा लेख येउ द्या बास ************************************************************** कोणी पाजली तरच पिण्यात अर्थ आहे , कोणी पाजली तरच पिण्यात अर्थ आहे , स्वताच्या पैशाने प्यायला मी काय मुर्ख आहे ??

साहेब, आपण केलेले विश्लेषण आवडले. अभ्यासपुर्ण विवेचन धन्यवाद; अवांतर - महाराष्ट्राच्या ४८ जागांचे विश्लेषण अवश्य करा. -------------------------------------------------- भविष्याच्या अंतरंगात डोकावण्यासाठी इथे टिचकी मारा