कोंबडी रस्सा

नमस्कार मंडळी. आजचा बेत कोंबडी रस्सा. साहित्य : १ किलो कोंबडी २ बारीक चीरलेले टोमॅटो १ बारीक चीरलेला कांदा १ लसूण - २" आल यांची पेस्ट २ चमचे लाल तिखट १ चमचा हळद बारीक चीरलेली कोथींबिर कोंबडीला आलं-लसूण पेस्ट, लाल तिखट, हळद, मीठ लावून २ तास ठेवावे. जास्त तिखट आवडत असल्यास ३-४ हिरव्या मिरच्या उभ्या चीरून यात मुरवताना टाकाव्या. वाटणाचा मसाला - ५ लाल मिरच्या १ चमचा जीरे १ चमचा धणे १/२ वाटी खोबरे ४ लवंगा २० काळीमिरि १ मसाला वेलची ३ वेलची १/४ जायफळ २ कांदे उभे चीरलेले १ चमचा खसखस तेलावर वरील खडा मसाला, कांदा, खोबरे भाजुन वाटण बारीक वाटून घ्यावे. भांड्यात तेल गरम करुन बारीक चीरलेला कांदा - टोमॅटो चांगले बारीक होईतो परतुन घ्यावे. मुरवलेले चिकन त्यात टाकून परतावे. वर झाकण ठेवून बारीक आचेवर एक वाफ काढावी. चीकनमध्ये वाटण टाकावे. थोडे रस्स्शापुरता पाणी घालावे. वर झाकण ठेवून चांगले शीजवावे. वरून बारीक चीरलेली कोथींबीर घालून सर्व करावे. तयार आहे कोंबडीचा रस्सा.