मतदान करा आणि राष्ट्रीय पक्षालाच करा !

=)) तो पक्षी आहे आम्ही पक्षाबद्दल बोलत आहोत ;) थोडेसं नवीन !

तेव्हा फक्त स्थिर सरकारा साठी राष्ट्रिय पक्षाला मतदान करणे अयोग्य वाटाते... हे नुसतेच अयोग्य नसुन स्वतःवर अन्याय करण्यासारखे आहे.

स्थानिक प्रश्न सुटतील तेव्हाच हळूहळू राष्ट्रीय प्रश्न सुटू लागतील.स्थानिक प्रश्न कमी महत्वाचे मानले म्हणून तर एवढे पक्ष तयार झाले.तेव्हा मत देताना उमेद्वाराची लायकी ,स्थानिक प्रश्न सोडवण्याची कुवत लक्षात घ्यावी. तुमच्या शहरातील प्रश्न सुटल्याने भारतावर होणारा छुपा किंवा उघड हल्ला हा कसा परतवून लावता येईल? मतदारसंघातील दयनीय रस्ते गुळगुळीत झाल्याने आर्थिक सुधारणांना कसा वाव मिळेल? दुसरे - कोण्या खासदाराने स्थानिक प्रश्न सुधारण्याकडे संपूर्ण लक्ष दिले आहे? त्यापेक्षा स्वतःची तुंबडी न भरता चांगला कारभार करणार्‍या लोकांची देशाला गरज आहे. हे तर आदर्श म्हणून खरं आहे पण २ % तरी उमेदवार हे स्वतःची तुंबडी न भरणारे आहेत काय? स्थानिक पक्ष तेवढे स्वच्छ चारित्र्याचे, गुणसंपन्न आहेत काय? आणि चांगला कारभार करायचा असेल तर फक्त स्थानिक प्रश्नांवर लक्ष केंद्रित करून काहीच उपयोग नाही... पुन्हा तेच सांगतो की स्थानिक पातळीवरील गोष्टींसाठी स्थानिक स्तरावर - नगरसेवक / आमदार इथे विचार करा... खासदार संसदेत निर्णयात मतदान करणार, कायदे बनवणार, देशावरील संकटांमध्ये निर्णयात भाग घेणार... तिथे सरकारची कोंडी करणारे लोक असून काय फायदा? अस्थिर सरकारमुळे मध्यावधी निवडणूका झाल्यास किती प्रचंड आर्थिक नुकसान होईल याचाही विचार केला पाहिजे...

अशा सरकारांनी तरी काय केले? १९९५ च्या आधी व्ही पी सिंग आणि चंद्रशेखर यांची अल्पायुषी सरकारे वगळता काँग्रेसनेच चाळीस वर्षे राज्य केले. पण कडबोळे सरकार आल्यापासून राजकीय अस्थिरता आलेली आहे त्याचे काय? कोणी काहीच केले नाही असे असते तर आजही आपण आपल्या आजोबांच्या काळातल्या परिस्थितीत असतो... तसे तर नक्कीच नाही... या मताचे कारण या वेळी अतिशय त्रिशंकू परिस्थिती येण्याची शक्यता आहे. ती टाळली पाहिजे...

हे मान्य की त्यांचे उमेदवार तरूण आहेत.. पण त्याचा लोकसभेत आत्ता काय उपयोग आहे? त्यांचे सर्वच्या सर्व उमेदवार निवडून आले तरी त्याचा काय फायदा होणार आहे? काँग्रेस - सोनिया -- राष्ट्रवादी - पवार, शिवसेना - भाजप -- सगळ्यांच्याच विरोधात असलेल्या पक्षाचा लोकसभेत काय उपयोग? काँग्रेस किंवा भाजप हे काही खूप उत्तम किंवा स्वच्छ आहेत असे नाही पण एका पक्षाचे बळ हे जास्त असलेच पाहिजे. आपले स्थानिक हित महत्त्वाचे ( आणि तेही घडेल याची काहीही शाश्वती नाही) का देशाचे? पुढच्या पाच वर्षात तालिबान आणि पाकिस्तानचे असंख्य छूपे आणि कदाचित उघड हल्ले होतील ... त्याला तोंड द्यायला समर्थ सरकार हवे. अस्थिर लोकसभेमुळे मध्यावधी निवडणूका झाल्या तर तोपर्यंत मजबूत झालेले तालिबान नक्कीच संधीचा फायदा घेईल...

>>काँग्रेस काय्,भा.ज.पा. काय ५०% टक्क्यांपेक्षा जास्त मते राष्ट्रिय पातळीवर कधीच मिळवू शकले नाहीत्.मग त्यांच्या पक्षाचा पन्तप्रधान हे पण विचित्र वाटते मान्य. पण १% कमी मते मिळविणारे पक्ष पंतप्रधान कोण हे ठरवितात हे त्याहूनही अधिक विचित्र आहे. देवेगौडा सरकारचा पाठिंबा काँग्रेसने काढून घेतल्यानंतर देवेगौडांनी विश्वासदर्शक ठराव मांडला होता. तेव्हा त्या ठरावावरील चर्चेत भाषण करताना प्रमोद महाजनांनी ते भारतीय खासदारांच्या शिष्टमंडळाबरोबर चीनला गेले होते तेव्हाचा अनुभव सांगितला.त्या शिष्टमंडळात त्यांच्या बरोबर काँग्रेसचे पी.जे.कुरीयन, माकपचे सोमनाथ चॅटर्जी आणि महाराष्ट्रवादी गोमांतक पक्षाचे रमाकांत खलप हे खासदार होते. खलप त्यावेळी देवेगौडा सरकारमध्ये कायदा राज्यमंत्री होते. भारतीय लोकशाहीचे कामकाज कसे चालते याची उत्सुकता चीनमध्ये पत्रकारांच्यात होती.तेव्हा महाजनांनी सांगितले-- " मी प्रमोद महाजन. मी संसदेतील सगळ्यात मोठ्या पक्षाचा खासदार आहे. आणि मी विरोधी पक्षात आहे. हे आहेत पी.जे.कुरीयन. हे संसदेतील दुसर्‍या क्रमांकाच्या मोठ्या पक्षाचे खासदार आहेत.हे सरकारमध्ये नाहीत आणि सत्ताधारी आघाडीतही नाहीत.पण त्यांच्या पक्षाचा सरकारला बाहेरून पाठिंबा आहे.त्यानंतर हे आहेत सोमनाथ चॅटर्जी. हे संसदेतील तिसर्‍या मोठ्या पक्षाचे नेते आहेत.हे सरकारमध्ये सामील नाहीत पण सत्ताधारी आघाडीत सामील आहेत.आणि त्यानंतर हे आहेत रमाकांत खलप. हे त्यांच्या पक्षाचे एकमेव खासदार आहेत आणि हे मात्र सरकारमध्ये सामील आहेत इतकेच नव्हे तर मंत्री पण आहेत." मी त्या भाषणाचे थेट प्रक्षेपण बघितले होते आणि आठवेल तसे इथे लिहिले आहे. पण सांगायचा मुद्दा म्हणजे महाजनांनी भारतीय लोकशाहीत गोष्टी कशा घडू शकतात हे सांगितले. आता ही गोष्ट त्यांनी चीनमध्ये सांगून आपल्याच व्यवस्थेची लक्तरे मुद्दामून चव्हाट्यावर आणणे योग्य नव्हते असे मला वाटते पण त्यांनी मांडलेला मुद्दा चुकीचा नक्कीच नाही. त्यानंतर १२ वर्षे उलटून गेली आहेत.आणि या काळात आपल्या देशातील राजकारणाची अजूनच खिचडी झाली आहे ही मात्र वाईट गोष्ट आहे. ---विल्यम जेफरसन क्लिंटन

म्हणजे काँग्रेस विरुद्ध शिवसेना असा सामना असेल तर काँग्रेसला मत द्यावे असे या धाग्याच्या लेखकाचे खरोखरच मत आहे काय धाग्यात लिहिलं आहे - जिथे यांचे परंपरागत साथीदार आहेत जसे शिवसेना / राष्ट्रवादी त्यांना मतदान करा. हे प्रादेशिक आहेत पण भाजप / काँग्रेसचे परंपरागत साथीदार आहेत जे विरोधात जाण्याची शक्यता कमी आहे. त्यामुळे सरकार स्थापनेत ते एकच संख्या म्हणून गणता येतील. मत काँग्रेसला द्यायचे का शिवसेनेला हा वैयक्तिक निर्णय आहे.

प्रदीप तुमचे मुद्दे बरोबर आहेत. माझे मत : कम्युनिस्ट पक्षाचा मुद्दा मान्य आहे. त्यामुळे तो मागे घेतो. वैयक्तिक पातळीवर मी विरोधच करतो -- कम्युनिस्ट राज्ये केरळ आणि प. बंगालमध्ये गेल्या साठ वर्षात काय घडलं ते तर स्पष्ट आहेच. पण सरकार मध्ये असताना अणुकरारावरुन आता काँग्रेस विरोध करणारे कम्युनिस्ट हे संधिसाधू आहेत. आता अचानकपणे ते पवार / मायावती आदिंना मनमोहनसिंगांपेक्षा चांगले म्हणायला लागले आहेत. सरकारला अडचणीत आणणारे काम करणे इतकेच त्यांचे ध्येयधोरण वाटते. सोमनाथ चटर्जी प्रकरणानंतर त्यांनी त्यांची तत्त्वेही गुंडाळून ठेवली आहेत. बसपा / सपा - थोड्या जागा लढवल्या म्हणजे अस्तित्व आहे असे होते म्हणून ते राष्ट्रीय पक्ष म्हणता येत नाहीत. बसपा ला जास्त जागा मिळाल्या तर दलित की बेटी चा निराधार मुद्दा लावून मायावती पुढे येतील जे धोकादायक आहे. सपाचा जाहीरनामा वाचल्यावर त्यांना एकही जागा मिळायला नको. देशविरोधी विचार असलेला पक्ष आहे. त्यामुळे यांनाही निवडून आणणे योग्य नाही.