सवाल-जवाब..मी आणि "II राजे II"

मंडळी, आपले लाडके मिपाकर "II राजे II" यांनी मला खरडीतुन एक कविता पाठवली. तुमचा बार आहे काय जर नसेल बार तर कसे करता तुम्ही कॉकटेल तयार? जळवता आम्हाला फार कळतात नाटक्या तुमची थेरं अपरंपार ! व्हिस्की नसेल तर ज्युस देता करुन तयार तुमच्या लेखामध्ये जिव जडला निरंतर यार ! आता एव्हढे आम्हाला हरभर्‍याच्या झाडावर चढवल्यावर (आम्हाला चढल्यावर नव्हे!!) आम्ही कसले मागे हटतो. त्याच चालीवर त्या खरडीला आम्ही देखील एकदम जोशात येवून उत्तर धाडले: बार आमचा सदा तय्यार करतो कॉकटेल सदाबहार! नसता व्हिस्की आणिक मद्याची धार पडतो नुसते गार! पडल्या-पडल्या नाटके करतो आणि म्हणतो आज चढली फार!!! जर खरोखरच असती वारूणी झाली असती काय बहार दोस्त असते तुमच्या सारखे तर दारूत रोज आंघोळ केली असती ना यार - नाटक्या (अर्थ म्हणतो दारू-दारू, नाटक्या म्हणतो कॉकटेल-कॉकटेल)