चर्चाप्रस्ताव- वाहतुक प्रणाली.

माझ्या मते, मध्यममार्ग उत्तम. ड्रायव्हर सीट मधोमध असल्यास बरे होईलसे वाटते. त्याच अनुशंगाने रस्तेही एक दिशा मार्ग असल्यास उत्तम. नो डावा, नो उजवा. हा हा हा... आता मी फेमस होणार!! सुबरु वन, सुबरु टू , सुबरू थ्री....

कोणती प्रणाली जास्त चांगली अथवा सयुक्तिक आहे हे सांगणे जमणार नाही. किंबहुना दोन्हीत काही फरकच नाही. मी नियमितपणे दोन्ही प्रणालीनुसार गाडी चालवली आहे. मला एका प्रणालीतून दुसर्‍या प्रणालीत जायला अजिबात वेळ लागत नाही. लगेच जमते. गियर टाकणे वगैरे मधे काही अडचण येत नाही. बिपिन कार्यकर्ते

मला एका प्रणालीतून दुसर्‍या प्रणालीत जायला अजिबात वेळ लागत नाही. लगेच जमते. गियर टाकणे वगैरे मधे काही अडचण येत नाही. कौतुकास्पद आहे.

अमेरिकन लोकांचे सगळेच उलटे असते. गाड्यांमधे ते "गॅस" भरतात. आणि गस्त घालताना "पेट्रोल करतात". आईस वॉटर मागितले की थंड पाणी मिळते. कॉफीत दुध/क्रिम घालायचे ते विसरून जातात. एक ना अनेक. अमेरिकेचा प्रभाव असणार्‍या देशांमधे मग अशा सवयी सापड्ल्या तर नवल काय? बाकी गाडी हाकताना, सर्वात जास्त मजा (आणि नंतर अंगावर काटा) येते ते सिग्नल वर थांबल्यावर चुकीच्या बाजूला वळणे (डावे वळण हे फ्री टर्न असतो (की नसतो?)) ---- कळप-मनोवृत्तीचा सूक्ष्म अभ्यास करण्यात आम्ही गढलेलो असल्यामुळे कंपूबाजी करायला आमच्याकडे वेळ नाही

ओंकारचा ब्लोग-सारथी खूप छान माहितीपूर्ण लेख लिहिला आहे त्यासाठी आभ्यास पण भरपूर केला आहे. त्याबद्दल धन्यवाद.. बाकी मी आताच गाडी चालवायला शिकलो असल्या मुळे left hand की write hand ते सांगू शकत नाही. पण त्यामुळे भारतातल्या श्रीमंत लोकांना त्यांना बाहेर आवडलेली गाडी ते तशीच भारतात वापरू शकत नाहीत इतकं नक्की.

नेमकी कुठली प्रणाली आपल्याला जास्त योग्य वाटते? अपघाताचे प्रमाण कुठल्या प्रणालीत कमी असते? आपला अनुभव काय सांगतो. माझा तरी अनुभव असे सांगतो की, अपघाताचे प्रमाण हे कुठल्याही प्रणालीपेक्षा वाहतुकीचे नियम पाळण्याशी जास्त संबंधित आहे. वर बिकादांने म्हटल्याप्रमाणे एका प्रणालीतून दुसरीत जाताना फारसा त्रास वगैरे होत नाही. आपसूक सर्व सुरळीत होते. ह्यात प्रश्न असाहि आहे कि बहुसंख्य लोक हे उजवे असतात (Right Handed).त्या अनुषंगाने कुठली प्रणाली हि जास्त सयुक्तिक वाटते? ह्या संदर्भात कधी फारसा विचार केला नव्हता. माझ्या मते, बहुसंख्य लोक उजवे असल्यामुळे आपली (ब्रिटीशांकडून घेतलेली) प्रणाली अधिक योग्य वाटते (उजव्या हाताने चाक तर डाव्या हाताने गियर). पण त्याउलट चालवणेदेखिल फारसे जिकिरीचे वाटत नाही. त्यातून अमेरिकेसारख्या देशात बहुसंख्य गाड्या स्वयंचलित गियरच्या असल्यामुळे उजवा हात (आणि डावा पाय) तसा रिकामाच राहतो! Doing what you like is freedom. Liking what you do is happiness.

जेंव्हा "Drive on Right Side of the Road" प्रणाली वापरणा-या देशात जातात तेंव्हा त्यांना तिथे जुळवून घ्यायला बराच वेळ लागतो. परंतु ह्या उलट तिथली मंडळी इथे जेंव्हा येतात तेंव्हा त्यांना इथल्या वाहतुक प्रणालीत एडजस्ट व्हायला फ़ारसा वेळ लागत नाहि." माझ्या बाबतीत साफ चूक. मी भारतातून इथे आल्यानंतर माझा खूप दिवस गोंधळ होत होता. किमान ३ आठवडे तरी. मी ज्या दिशेने जायचे आहे त्याच्या बरोबर विरूद्ध दिशेच्या बस स्टॉपवर जाऊन उभी रहात असे. ड्रायव्हिंग इकडे करायला लागले. भारतात गेले की, ३ आठवडे नाही मात्र ३-४ दिवस तरी लागतातच.. सरावायला(जन्मापासूनची सवय अशी कशी जाईल). तसेच तिकडून पुन्हा इकडे आलं की असंच होत मात्र आता सरावायला लागणारा वेळ कमी असतो. ३ आठवड्याच्या जागी १ आठवडा. - (सर्वव्यापी)प्राजु http://praaju.blogspot.com/

ह्याबाबतची माहिती इथे आहे. माझे मत असे आहे- लेफ्ट हॅंड ड्राइव्हची गाडी अगदी नवशिक्या रायटीला शिकायला अवघड जाईल. नवशिक्या रायटीला जर गाडी राईट हॅंड ड्राइव्हची (भारताप्रमाणे) असेल तर उजव्या हाताने स्टेअरींग धरायला अधिक सोपे जाईल. एकदा सराईतपणा आल्यावर ह्याचे महत्व आपल्याला वाटत नाही कारण आपण झटकन स्वतःची सवय बदलू शकतो. हे असे म्हणणे सापेक्ष आहे. अमेरिकेत एकुणात शिस्तबद्ध आखलेल्या रस्त्यांवर रुळणे सोपे जात असावे. एखाद्या भारतातील शहरांसारख्या ट्रॅफिक डेन्सिटीच्या बाहेरील शहरात उलट्या पद्धतीचे ड्रायव्हिंग शिकणे अवघड असेल बहुधा! याच्या उलट डावऱ्या व्यक्तिला राईट हॅंड ड्राइव्हची गाडी शिकायला अवघड जाईल.

इंटरेस्टिंग चर्चा प्रस्ताव आहे. माझा अनुभव असा.... कधीकाळी परदेशात ड्रायव्हिंग करावे लागेल याची भारतात असतांना बापजन्मात कल्पना नव्हती. भारतातील घर भर शहरात असल्याने ड्रायव्हिंग शिकायचा प्रश्नच निर्माण झाला नाही. अहो इतक्या ट्रेन, बस, आणि रिक्षा उपलब्ध असतांना कशाला ड्रायव्हिंग लागतंय? :) तेंव्हा ड्रायव्हिंग हे सिरियसली परदेशातच शिकलं गेलं ते ही अमेरिकन पद्धतीचं. आधीची काही बॅकग्राउंड नसल्याने ते फारसं कठीण गेलं नाही. मी डावरा आहे तरी त्याचाही काही त्रास झाला नाही. डाव्या हातात स्टियरिंग सहजपणे धरता येतं आणि उजवा हात पूर्वी गियर बदलायला आणि सध्या शेजारणीच्या खोड्या काढायला वापरता येतो... गेली वर्षानुवर्षे अशीच गाडी चालवत आहे, काही अडचण नाही... भारताच्या सध्याच्या ट्राफिकमध्ये गाडी चालवायची आपली छाती नाही. जे करतात त्यांना आपला सलाम! आपण तर ड्रायव्हिंग सोडाच पण ड्रायव्हरच्या शेजारी बसणेही टाळतो. उगाच हार्ट-ऍटॅक यायचा. तेंव्हा भारतात असतांना कुणाला तरी गाडी चालवायला लावून आपण मागच्या सीटवर (जीव मुठीत घेऊन) बसणे हाच पर्याय सध्या स्वीकारला आहे.... :)

माज्या अनुभावानुसार पुन्यात लोकं दोनी प्रणाल्या येकाच येळी वापरत असतात. गाडी चालावताना भस्कन् डाव्या अंगानं स्कूटर, मोटसायकलीवाले ओवरटेक करत्यात. चौकामंदी तर बगायलाच नको. फ्री फार ऑल असताय. त्यामुळे पुन्याची मानसं जगात कुटं बी कायबी चालवू शकतात. हर शख्सको अपना बनाके देख लिया मिलेंगे ना किसीसे ये दिलमें ठानी है|

मी डावरी आहे.. भारतात ड्राईव्ह करत होते.. इथे आल्यावरही रेग्युलर नाही, तरी सुरू केले.. माझा "अतिशय" गोंधळ उडायचा.. डाव्या उजव्याचा.. समोरून डावीकडून येणारी गाडी आपल्याच अंगावर येतेय की काय असे वाटायचे.. एकदा मी घरातून बाहेर पडून शेजारच्या चौकापर्यंत आरामात डावीकडून चालवत होते.. कळले तेव्हा घाम फुटला होता! :) डावरे असण्याचा काहीतरी संबंध असावा.. माझा इथे सगळीकडेच अजुनही गोंधळ उडतो.. गाडीचं लॉक लावताना, घराचे लॅच, कपाटांची दारं.. सगळीकडे मी वेंधळ्यासारखी बघत बसते उघडत का नाहीये म्हणून! =)) www.bhagyashree.co.cc