पाककृती दिलेली नाही, विचारायची आहे. कुणाचा गैरसमज / फसवणूक नको. :)

छोले,कांदे बटाट्याचा खोबरे, मिरच्या , आलं लसणीचं वाटण घालून रस्सा हे लग्गेच आठवलेले २ पदार्थ..
आले मिरची खोबर्‍याचंवाटणं करुन ठेवू शकशील. चटणी /चटण्या वेगवेगळ्या.. तोंडीलावणं म्हणून सँडविचपासून भाकरीपर्यंत कशाही बरोबर खा...
स्वाती

मेघना, लसूण चटणी कर ... घरात लसूण चटणी हवीच. इडल्या, डोसे खाऊन पकली नसशील तर ते कर.

अवांतरः लेखकांमधे तुझं नाव पाहून मी पण 'ढॅण टे ढॅण' म्हटलं, पण आत काही फारसा मेघना-टच नाही आहे. ही शुद्ध फसवणूक आहे. ;-)

त्या नाटक्याशेठच्या कोणत्यातरी कॉकटेलमधे मिक्सरचा उपयोग झाला होता असं आठवतंय. ट्राय मारा.

अजून एक. दाण्याचा कूटबीट करा मस्त.... दाण्याच्या कूटाची चटणी पाच मिनिटात होते आणि अडीअडचणीला पटकन आधार देते. :)

बिपिन कार्यकर्ते

पेठकर काकांनी दिलेली प्लेन ग्रेव्हीची कृती पाहा.
ही ग्रेव्ही अनेक पदार्थांसाठी उपयोगी पडते आणि मिक्सरचा चविष्ट वापर होतो :)

--शाल्मली

आता मिक्सर वापरून काय करावं तेच सुचत नाहीये. सुचवता का जरा?
सुचवते ना !
तो साबणाने आणि पाण्याने स्वच्छ धुवावा आणि कप्प्यात ठेऊन द्यावा. त्यात काही केले नाही तरी ब-याचदा अपल्याकडे `हे अमूक अमूक` आहे हा विचार ही भारी सुख देतो बघ. :))
मीनल.

पालक सुप, टोमॅटो सुप, मक्याचे सुप, वेज सुप आणि विविध प्रकारच्या फळांचे ज्युस बनवा.

खादाडमाऊ

बर्फ + दूध + साखर + इन्स्टंट कॉफी + तूमचा नवीन मिक्सर = थंड कॉफी

एक वाटी उडीद डाळ , पाउण वाटी चणा डाळ, अर्धी वाटी तांदूळ, मूठभर तूरडाळ अन दोन सुक्या मिर्च्या एकत्र भिजवत ठेवा पाच सहा तास. नंतर थोडं थोडं पाणी घालून खसखशीत वाटा. मीठ घालून मिसळून घ्या अन ( डोशाप्रमाणे) अडे काढा तव्यावर. सुक्या मिरच्यांएवजी ओल्या मिरच्या+ आलं पण घालू शकता. पीठ आंबवायची गरज नाही.

आता ( इडली साठी )ग्राईंडर पण आणून टाका एक :-)

अभिनंदन! :)

आता अजुन वेगवेगळ्या पाककृती येऊ द्यात.

दाण्याचं कूट करून झकासपैकी साबुदाणा खिचडी करा. आम्ही येतो खायला! :)

तात्या.

मिक्सरबद्दल अभिनंदन!! :)

अवांतर प्रश्नः
कोणत्याहि पदार्थाचे मिश्रण करायचे सोडून फक्त कुट, चुरा, लगदा करणार्‍या यंत्राला 'मिक्सर' का बरे म्हणतात?

ऋषिकेश
------------------
बुद्धीसाठी लोह वाढवणारी औषध घ्यायला लागल्यापासून "डोकं गंजलं तर!" ही भिती वाढली आहे

हा काय धागा झाला?
पदार्थ बनवतानाच कळेल मिक्सर चा वापर कधी करायचा ते. मिक्सर बरोबर रेसिपी बुक मिळाले नाही वाटते?

बाजारात कैर्‍या अजून मिळतात... तेव्हा आंबेडाळ बनवायलाही सोपी अन चटपटीतही!!!!

मस्त कलंदर..
नीट आवरलेलं घर ही घरचा संगणक बंद पडल्याची खूण आहे!!!!

महत्वपूर्ण खरेदीबद्दल व धाग्याचे नाव बरोब्बर टाकल्याबद्दल चविष्ट अभिनंदन!
बाकी आता पदार्थाबद्दल सुचावायचे झाल्यास, मिक्सरवर पुदिन्याची चटणी वाटावी.
ही चटणी व इतर साहित्य घेउन भेळ करावी.;)

रेवती

• चार पाच हिरव्या मिरच्या
• एक लसणाची पाकळी (लक्षात घे: एका लसणाच्या पाकळ्या नाही)
• चिमूटभर जिरे
• चवीपुरते मीठ
• लिंबाचा रस -- साधारण पाच / सहा चमचे

मस्तपैकी ठेचा कर......
रेवतीने सांगितल्याप्रमाणे सगळ्या साहित्यात हा ठेचा टाकून भेळ कर :)

---------------------------
माझा ब्लॉगः
http://atakmatak.blogspot.com