शिवाजी महाराज कुणाचे? (संपादक - चर्चा भरकटते आहे. लगेच थांबवावी अन्यथा धागा अप्रकाशित करावा लागेल!)

भावनेला आवर घालून उपहास न करता विचारलेल्या काही प्रश्नांची नीट उत्तरे मिळतील का? नीट म्हणजे किमान एखादे उदाहरण देऊन किंवा मत सिद्ध करून. नुसते "सर्वश्रुत आहे" याला गोबेल्स नीती म्हणतात. http://www.misalpav.com/node/8009#comment-122770 http://www.misalpav.com/node/8009#comment-122769 http://www.misalpav.com/node/8009#comment-122776 http://www.misalpav.com/node/8009#comment-122783 http://www.misalpav.com/node/8009#comment-122794 आपण एकाही प्रश्नाला उत्तर दिलेले नाही पण इतरांच्या उपहासाला प्रतिक्रिया देत आहात म्हणून थेट विचारतो. पुरंदरे, राजवाडे अगदी कोकाटे यांच्या इतका अभ्यास नाहीये माझा. ग्रँट डफ याबद्दल आपलं काय मत आहे? नवा मुद्दा: शिवरायान्नी नागनाथ महाराला गावची पाटिलकी दिली त्याच महार समाजाला शिवरायंचे नाव घेवुन आपण भांडणे लावलीत...... किती हे आपले थोर उपकार,................... तुमच्या मुद्द्याचा संदर्भ माहीत नसल्याने मी त्यावर काही विचारू शकत नाही. जर एका व्यक्तीला एका गावाची पाटिलकी दिली तर त्यांची विचारधारणा आपण किंवा राऊत यांनी पाळली पाहिजे म्हणता हे मला योग्य वाटते. हाच निष्कर्ष लावून वर म्हटल्याप्रमाणे शिवरायांकडे आयुष्यभर काम केलेल्या, प्राण दिलेल्या ब्राम्हणांची जी मी यादी दिली आहे त्याचा विचार करता तुमचे कर्तव्य काय होते? का या सर्वांना सामावून घेण्यात खुद्द महाराज चुकले आणि आपला सुमारे साडे तीनशे वर्षापूर्वीच्या परिस्थितीचा अंदाज त्यांच्या निर्णयापेक्षा जास्त योग्य आहे? तुम्ही काही उत्तरे दिलीत तर या चर्चेला पुढे अर्थ आहे... आणि आपण पुरावे दिलेत ब्रिगेड किंवा कोकाटे यांच्या संग्रहातून आणि ते खरे व योग्य असतील तर चांगले आहे. दुसरी बाजू समजेल तरी (काही आहे तरी अशी आशा करतो) ! इतिहास हा वेगवेगळ्या घटनांनी बनलेला असतो. महाराष्ट्राचा, प्राचीन भारताचा, युरोप अमेरिका, ग्रीस ई. देशांचा आणि अगदी गेल्या दोनशे वर्षांचा जगाचा इतिहास हा अशाच अनाकलनीय आणि धक्कादायक घटनांचाच आहे. यात एक समान सूत्र आहे राजकारण, सत्ता, आक्रमण, स्वातंत्र्याच्या रक्षणाचे यशस्वी आणि अयशस्वी प्रयत्न. यात सहसा एकच समुदाय अखंडपणे अधिकारात (डॉमिनन्ट) राहिल्याचे उदाहरण नाही. एक अतिशय महत्त्वाची गोष्ट - अनेकदा खूप मोठ्या घटनेमागे असलेल्या व्यक्ती - ज्या खूप चुकीच्या किंवा खूप बरोबर वागलेल्या असतात - ( नंतर घडलेल्या इतिहासाचा आता हाईंड साइट मध्ये विचार करता) या व्यक्ती त्यांच्या समुदायाचे प्रतिनिधित्व करतातच असे नाही. त्यामुळे कोणत्याही घटनांचे जनरलायझेशन हे अत्यंत धोकादायक आणि चुकीचे आहे. आणि ज्या जनरलायझेशनला काही शतकांमध्ये समान आधार नाही तेच खरे असे सांगणे हे समाजाशी द्रोह करण्यासारखे आहे!

आक्षेपार्ह भाग संपादीत केल्यामुळे प्रतिसाद काढुन टाकला आहे.

कुणी पढविलेले आणि चढविलेले लगेच उघडे पडतात... तसे त्यांचे झाले आहे. त्यांनी अंध राजकारणाचा चश्मा उतर्वुन मग मैदानात यावे, सर्व ऐतीहासिक गोष्टींवर चर्चा करायची आमची तयारी आहे.

हेच्च तर म्हणतोय मी दादा :) पण आपलेपणाने एक सांगू, कम्युनिष्टांसारखे जे जे आपल्या विरोधी ते ते केवळ असत्य असा पवित्रा घेऊन काय भले होणार? असे हवेत बाण मारण्यापरास, जरा दाखले देऊन सप्रमाण सिध्द करा ना. आता, कदाचित कुणी पुर्वग्रहदुषित कोत्या वैचारिक गर्तेत अडकून म्हणेल की सगळा इतिहास ब्राम्हणांनीच लिहिला त्यामुळे तुम्हाला दाखले काय द्यायचे..ते ब्राम्हणांविरोधीच असणार. मग असं असेल तर आपल्या म्हणण्याप्रमाणेच असलेल्या विचारधारेचे पाईक साडेतीनशे वर्षं वयाचे आहेत काय? त्यांनी स्वत: पाहुन हा "दुरुस्ती केलेला इतिहास" सांगायला सुरुवात केलेली आहे? त्यांनी कोणत्या पुराव्यावर हे मुद्दे मांडले आहेत? जर ते इतिहासाच्या दस्ताऐवजात सापडत नसतील तर केवळ भावनीक अवाहने करकरुन कुठवर हा लढा देणार? आपण समर्थन करत असलेल्या विचारसरणीच्या जन्मदात्यांकडे काही मूळ पुरावे उपलब्ध आहेत काय? असल्यास त्यांची सत्यासत्यता पडताळली आहे काय? अशी सत्यासत्यता पडताळाण्याची एक प्रणाली असते ह्याची त्यांना कल्पना आहे काय? शिवकालीन लेखन/संदर्भ शोधताना आणि त्यांचे दाखले देताना त्या काळातली भाषा (मोडी/फारसीप्रचुर प्राकृत मराठी), भाषांवरचे परकीय वर्चस्व(अरबी/फारसी) ह्यांचा/ ह्या भाषेतील कागदपत्रांचा अभ्यास केलेला आहे काय? आणि केवळ एकाच बाजुने इतिहासाची शोधयात्रा न करता, महाराज ज्यांच्याशी लढले त्यांच्याकडच्या तर्जुमे, कागदपत्रं, खलिते, शिलालेख ह्या सर्व साधनांच्या अभ्यासात कोणी भरीव कार्य करुन योग्य तो शोध घेण्याचा प्रयत्न केलेला आहे काय? ह्या आणि आपण खुद्द तटस्थवृत्तीने विचार केल्यास ह्यांच्या अनुशंगाने उद्भवणार्‍या इतर प्रश्नांची उत्तरे शोधाल काय? ह्यांची उत्तरे मिळाली की एक सकस चर्चा नक्कीच होईल. कारण, पुरावे आणि भावना ह्यांची गल्लत करण्यात काही अर्थ नाही. ते काम शुध्द मुर्खांचे. आपण व्यासंगी दिसता, आपल्या उत्तरांच्या प्रतिक्षेत :) - धमालराव देशमुख-पाटील. ---------------------------------------------------------------------------------------- ::::हल्ली चालु असलेल्या मराठी-आंतरजालीय-टोळीयुध्दाचा आपण एक भाग नाही आहात? काय सांगता? स्वतःला कर्कवृत्ती मराठी माणुस कसे काय म्हणवता?::::

अगदी अगदी मनातले बोललात कुलकर्णी साहेब. पुण्याचे पेशवे एरवी सगळे कागद सारखेच. फक्त कागदाला अहंकार चिकटला की त्याचे सर्टीफिकेट होते. Since 1984

सदर प्रतिसादातली दुसरी लिंक म्हणते: "बाबासाहेब पुरंदरे हेच खरे जेम्स लेन." वर्तमानात, जिवंत असणार्‍या, दोन माणसांंमधे जे लोक गफलत करत आहेत त्यांना ऐतिहासिक दस्तऐवजांचा अर्थ नीट उलगडता येईल का? आणि त्या अर्थावर कोणीही विश्वास का ठेवावा?

अनेक वाक्यांचा धडधडीत चुकीचा अर्थ लावला आहे हे उपरोल्लेखित लिंक्सवरून दिसत आहेच. उदा: दुसरी लिंकः 'शिष्यादिच्छेत पराजयम' याचा अर्थ लावताना गुरूपेक्षा शिष्य वरचढ निघाल्याचा गुरूला आनंद होतो असं आहे. यात शिष्याला कमी लेखण्याचा लवलेशही नाही. अनेक वेळा हेच वाक्य शिष्य गुरूपेक्षा वरचढ निघाला की वापरतात! "पंतांच्या चेल्याने पंताच्या कित्यावर ताण चालवली होती" या वाक्यातून सरळच समजत आहे की पंतांचा चेला त्यांच्या वरचढ आहे. सूर्या दाखवायला लागत नाही, तो दिसतोच. पण म्हणून दिव्याचं महत्त्व कमी होत नाही. उपरोल्लेखित लिखाण अतिशय पूर्वग्रहदूषित नजरेनेच लिहिलं आहे यात तीळमात्र शंका नाही.

अगदी बरोबर बोललात घाटपांडे साहेब. अतिशय क्षुल्लक गोष्टींवरून वाद उकरून काढायचे आणि त्यांवर भांडत बसायचे ही खोडच आहे 'संभाजे ब्रिगेड' आणि 'मराठा सेवा संघ' या संस्थांना. आता वितंडवाद घालून इतिहास बदलणार आहे का? किंवा कुणाचीही सरशी झाली तरी त्याने आपल्या आताच्या समस्यांवर उत्तरे मिळणार आहेत का? वर्तमानातल्या समस्या आणि भविष्यातली स्वप्ने लाथाडून भूतकाळाची भूते जिवंत करून काहीही उपयोग होणार नाही हे देखील कळत नाही या बिनडोक नेत्यांना आणि खोट्या अस्मितेची नशा चढवणार्‍या त्यांच्या निर्बुद्ध अनुयायांना. या संघटनांमधल्या ९९% लोकांना शिवाजी महाराजांचा इतिहास ओ की ठो माहित नाही आणि चालले दंडेलशाही करायला. आमच्या गावातही एका ब्राह्मण प्राचार्यावर असाच हल्ला केला होता 'संभाजी ब्रिगेड' च्या मद्यधुंद कार्यकर्त्यांनी. कारण अतिशय क्षुल्लक होते किंबहुना कारण नव्हतेच पण उगाच तमाशा करून दहशत निर्माण करायची या हेतूने तो हल्ला करण्यात आला होता. त्या मद्यधुंद रेड्यांमध्ये कित्येक त्या प्राचार्यांचे माजी विद्यार्थी होते. त्यांना 'शिवाजी' हा शब्द तरी व्यवस्थित लिहिता येईल की नाही इतपत त्यांच्या दिव्य ज्ञानाविषयी शंका होती. स्वतः शिवाजी महाराजांइतके नसू द्या पण काही तरी भव्य करायचे अशी स्वप्न नाही पडत या कार्यकर्त्यांना. कुठल्याही थोर व्यक्तींवर केवळ ती ब्राह्मण आहेत म्हणून अतिशय अश्लाघ्य पद्धतीने टीका करायची, मारहाण करायची आणि स्वतः शोध लावलेल्या सत्याची भलावण करायची एवढेच ते काय यांचे कतृत्व! खर तर खेडेकर, प्रवीण गायकवाड, अनंत चोंदे आणि विनायक मेटे यांच्यावर कायद्याने जमावबंदी आणि भाषणबंदी आणली पाहिजे. लोकांच्या मनात निष्कारण एकमेकांविषयी द्वेष पसरविण्याखेरीज हे नग दुसरं काहीच करत नाहीयेत. अतिशय घातक आणि विध्वंसक अशा प्रकारचे कार्य चालवले आहे या लोकांनी. असो. कधीतरी त्यांना आपण वाट चुकलेलो आहोत हे नक्की कळेल आणि त्यांच्या राजकारणातल्या आकांक्षा तर खचितच पूर्ण होणार नाहीत. शरद पवारांसारख्या पैशाने गबर (आणि सगळा मराठा समाज आपल्याच पाठीशी आहे असा फाजील आत्मविश्वास बाळगणार्‍या) राजकारण्याच्या इच्छा फलद्रूप नाही झाल्यात तिथे या बुजगावण्यांची काय कथा!! शरद पवार स्वतःला आणि त्यांचे समर्थक त्यांना खूप धूर्त आणि हुषार राजकारणी समजायचे. सोनिया गांधी शरदरावांपेक्षा १००० पटीने जास्त हुषार, मुत्सद्दी आणि धोरणी राजकारणी सिद्ध झाल्या. आता या जन्मात तरी त्यांचे पंतप्रधान होण्याचे स्वप्न पूर्ण होणार नाही हे सत्य आहे. त्याला कारण त्यांची राजकारणाची कुचकामी आणि गुळमुळीत शैली हेच होते. शिवाय जमीन, पैसा, गुंतवणूक इत्यादी बाबींवरून त्यांचे तसे नाव ही खराब झालेले आहेच. मागे एका प्रतिसादात मी वर्तवलेले सगळे अंदाज खरे ठरले आणि त्यातले एक शरदरावांविषयी होते. सोनिया गांधींनी कृतीचे राजकारण करून सत्ता पटकावली तर शरदरावांनी केवळ गुळमुळीत, दुटप्पी आणि बिनबूडाचे राजकारण केले म्हणून त्यांना आपटी खावी लागली. पुन्हा कृषीमंत्री पद देऊन खरं तर सोनियाने शरदरावांना भीक घालून गप्प केले आहे पण काही लोकांना त्यातही समाधान वाटते. त्यांना मत्स्योत्पादन मंत्रीच करतील की काय अशी मला शंका येत होती पण बाई हुषार आहेत हे खरे. आता शरदरावांचा आणि राष्ट्रवादीचा आवाज अधिकाधिक क्षीण होत जाणार हे नक्की. असो. त्यांना धडा मिळाला आणि तसाच या सगळ्यांना मिळेल आणि तो मिळावाच. तेच सर्व समाजाच्या दृष्टीने चांगले आहे. --समीर

जेंव्हा हे पंत गुरु नाहीतच तर त्यांचा उदोउदो करण्या मागचा हेतु पुर्वग्रह दुषीत आहे असे मानायला जागा आहे.

पंत गुरू नाहीतच याचे काही पुरावे देणार आहात का, पुन्हा कोणी, दोन-चार वर्षांत जे काही लिहिलं आहे तेच 'ऐतिहासिक दस्तऐवज' आहेत असं सांगणार आहात? संशोधकांनी (बाबासाहेब, निनाद बेडेकर इ.) यांनी पुरावे तपासून विधानं केली आहेत. आपल्याला कुठल्या कागदपत्रांमधे सापडलं हे सगळं? आणि आपण म्हणता हे खरं आहे तर एवढी वर्ष कुठे लपले होते हे पुरावे? एखाद्या माणसाने त्याचा गुणी शिष्य मोठा व्हावा यासाठी झटून प्रयत्न केले, त्या प्रयत्नांची कोणी प्रशंसा केली तर ती चूक? उद्या सचिन मोठा फलंदाज आहे हे म्हणताना काय रमाकांत आचरेकरांना वाईट ठरवणार आहात का, का आचरेकरांनी काही शिकवलंच नाही सचिनला? डून स्कूलमधे काल जल्लोष झाला कारण तिथले चार माजी विद्यार्थी मंत्री झाले. त्या चौघांनी आपल्या कार्यकालात अनेक चांगली कामं केली तर काय डून स्कूल खराब आहे असा आरडाओरडा करायचा का, का या लोकांच्या चांगल्या कामात डून स्कूलचा काय वाटा असा प्रश्न विचारणार आहात? प्रत्येकाच्या आयुष्यात शाळेचं, गुरुचं काही एक स्थान असतं, तसंच ते प्रसिद्ध, गुणी आणि महान लोकांच्याही आयुष्यात असतं. दादोजी कोंडदेवांना थोडं श्रेय दिल्यामुळे शिवाजीराजे खुजे नाही होत. खुजे असतात ते लोकांना योग्य ते श्रेय न देणारे लोकं! शिवाय 'असे मानायला जागा आहे' असं आपण म्हणता; खात्रीपूर्वक असं विधान आपण करू शकत नाहीत.

१. दादोजी शिवाजी महराजांचे गुरु नव्हते याचा पुरावा काय? कुणीतरी एक-दोन पुस्तके (कुणीतरी साळुंखे म्हणून असले भाकड लिखाण करण्यात पटाईत आहेत असे ऐकले आहे) लिहून त्यात म्हटले की दादोजी शिवाजी महाराजांचे गुरु नव्हते म्हणजे ते खरेच आहे असे आहे काय? २. इतकी वर्षे दादोजी शिवाजी महाराजांचे गुरु होते हा इतिहास महाराष्ट्राला (आणि मराठ्यांना) चालत होता; आता अचानक काही वर्षात तो खोटा कसा काय वाटायला लागला. ज्यांनी हे संशोधन केले त्यांच्या संशोधनाच्या सत्यतेची आणि त्यांनी घेतलेल्या कष्टांची सत्यता काय? ती कुणी पडताळून पाहिली? ३. आणि दादोजी शिवाजी महाराजांचे गुरु नव्हते असे क्षणभर मानले तरी त्याने आपल्या आत्ताच्या जगण्यात काय फरक पडतो? त्याने शिवाजी महाराजांची राजा म्हणून योग्यता १०० पटींनी वाढते काय? ४. आणि दादोजी हे शिवाजी महाराजांचे गुरु होते असे म्हटले (जे खरे आहे) तर त्यामुळे शिवाजी महाराजांची एक धडाडीचा राजा म्हणून योग्यता लगेच कमी होते का? ५. इतिहास हा इतिहास असतो; त्याला बदलता येत नसते. त्यातून उपयुक्त धडे घेऊन पुढे जायचे असते. असं असतांना 'मराठा विकास मंचा'ला "दादोजी कोण होते" असे चर्चासत्र आयोजित करण्याचा रिकामटेकडा उद्योग कुणी सांगीतला होता? त्या चर्चासत्रातून काय साध्य होणार होते? असल्या चर्चासत्रांकडे तसल्याच संघटनांच्या लोकांखेरीज कुणी ढुंकूनही बघत नसतांना फक्त जातीय द्वेष पसरविणे या उद्देशाखेरीज दुसरा कोणता उद्देश या चर्चासत्रांमुळे साध्य होतो? ६. असल्या निरुद्योगी आणि निरुपयोगी चर्चासत्रात भाग घेऊन वाद आणखी वाढवणे योग्य वाटले नसावे म्हणूनही कदाचित बाबासाहेबांनी तिकडे दुर्लक्ष केले असावे आणि ते योग्यच आहे. शिवाय पुन्हा कुणी हल्ला-बिल्ला केला तर काय करावे अशी भीती देखील त्यांना वाटले असावी जे की रास्तच आहे. शेवटी असल्या फालतू चर्चासत्रांपेक्षा कुणालाही जीव प्यारा असतो. ते तर काही मद्यधुंद कार्यकर्त्यांना हाणामारी आणि गुंडगिरी करण्यासाठी घेऊन येऊ शकले नसते आणि ते त्यांच्या शिवसंस्कृतीमध्ये कधीच बसले ही नसते. ७. ब्राह्मणांना जर ब्राह्मणेतर थोर पुरुषांविषयी अभिमान आणि आदर वाटू शकतो तर या संघटनांच्या लोकांना थोडी सभ्यता दाखवणे एवढे जड का जावे? इतकी संकुचित मनोवृत्ती का आहे यांची? आयुष्यभर शिवरायांच्या चरणी आपल्या बुद्धीची आणि श्रमांची सेवा अर्पण करणारे बाबासाहेबच आहेत; खेडेकर, मेटे, गायकवाड किंवा चोंदे नाहीयेत. बाबासाहेबांनी शिवरायांचा इतिहास आणि विचार जेवढा जागता ठेवला आणि त्याचा जेवढा प्रचार आणि प्रसार केला त्याच्या अर्धा टक्का तरी या सगळ्या मुजोर लोकांनी केला आहे काय? भांडणांखेरीज आणि गुंडगिरीखेरीज या लोकांनी काय दिवे लावले आहेत? --समीर

असतील पुरावे दादोजी गुरु असल्याचे तुमच्याकडे तर निश्चित पणे महाराष्ट्र सरकारला द्या. २४ एप्रिल २००६ रोजी पुणे येथे 'दादोजी कोंडदेव कोण होते ?' हे चर्चासत्र् मराठा विकास मंचाने आयोजित केले होते त्याला उपस्थित राहावे आणि पुराव्यानिशी सिद्ध्द करावे असे आवाहन करण्यात आले होते हा मराठा विकासमंच म्हणजे काय सरकार आहे काय? आलेत मोठे मराठा विकास मंचवाले. पुण्याचे पेशवे एरवी सगळे कागद सारखेच. फक्त कागदाला अहंकार चिकटला की त्याचे सर्टीफिकेट होते. Since 1984

मिपावर मागे दादाजी कोंडदेव गुरु आहेत का यावर चर्चा झाली होती तो धागा मला प्रयत्न करुनही सापडेना. 'शिवाजी राजांचे गुरु कोण' या उपक्रमवरील चर्चेत मागेच आमचे मत मांडले आहे. असो, इतिहासातील अपूर्‍या दस्तऐवजांचा स्वतःच्या फायद्यासाठी अर्थ काढण्याचा सध्याचा काळ आहे. केवळ जातीचे चूकीचे संदर्भ अर्थ लावून आपण ऐतिहासिक व्यक्तींना आपल्या खूज्या विचारांनी खूजे करतोय. असे मला तरी वाटते. बाकी चालू द्या ! -दिलीप बिरुटे

महाशय, तुमच्या या प्रतिसादातल्या भाषेवरूनच तुमच्या मनात ब्राह्मणांविषयी किती अनाठायी द्वेष आहे हे दिसून येते. भाकडकथा लिहिण्यात तुमच्या समाजाचा आज वर कुणिही हात धरु शकलेले नाही. इथे कुणीच जातीवरून बोलत नाहीये. माझा स्वतःचा आक्षेप आहे तो खेडेकर वगैरेंसारख्या निरुद्योगी लोकांवर आणि त्यांनी पोसलेल्या ब्राह्मणद्वेषावर. माझ्या लिखाणात मी कुठेही मराठा जातीला काहीही बोललेलो नाही कारण मला माहिती आहे हा सगळा प्रकार दोन-चार निरुद्योगी लोकांमुळे घडून येत आहे. मराठा जातीचा यात काहीही संबंध नाही. किंबहुना माझ्या लेखात म्हटल्याप्रमाणे मी स्वतःला देखील मराठा समजतो हे तुम्हाला ठाऊक असेलच. शिवाय माझ्या लेखात मी ब्राह्मणांचे दोष देखील दाखवलेले आहेत. माझे स्वतःचे कित्येक मित्र अस्सल ९६ कुळी मराठा आहेत आणि त्यांच्याविषयी आणि त्यांच्या आचार-विचारांविषयी मला खूप आदर आहे. हे जर सगळे असे आहे तर हे तुमच्या लक्षात येऊन तुम्ही असली बिनबुडाची सरळ-सरळ जातीवरची विधाने टाळली पाहिजेत. बरं, तुम्ही जे लिहिता त्यासाठी तुमच्याकडे पुरावे नसतातच. मी मांडलेल्या एकाही मुद्यावर तुमचा एक ही तर्कशुद्ध प्रतिसाद आलेला नाही. किंबहुना कुणाच्याच बिनतोड मुद्यांवर तुम्ही भाष्य करत नाहीत. केवळ काहीतरी लिहून खर्‍या मुद्यांकडे दुर्लक्ष करता. याला चर्चा नाही म्हणत; रडीचा डाव म्हणतात. ब्राह्मणांनी असे कुठले लिखाण केले आहे सांगा बरे? उलटपक्षी साळुंकेंसारख्या अतिविद्वान लेखकांनीच असले फालतू लिखाण करून वादाला तोंड फोडले आहे. काय संशोधन आहे त्यांचे? बाबासाहेबांच्या अर्धा टक्का तरी व्यासंग आहे का त्यांचा? बाबासाहेबांप्रमाणे त्यांनी आयुष्य शिवचरणी वाहिलेले आहे काय? ब्राह्मणांनी कधीच असे फूट पाडणारे आणि समाजाची वीण सैल करणारे, समाजात जाती-जातींविषयी विष पेरणारे लेखन केलेले नाही हे सगळ्या जगाला माहिती आहे. नुसते सरसकट विधान केले म्हणून ते खरे ठरत नाही. एवढी चर्चासत्रे घडवून आणता; निदान एका मुद्यावर तरी तर्कशुद्ध आणि विचारपूर्वक मत द्या. तसे होणार नसेल तर मग या चर्चेला काहीही अर्थ नाही आणि यातून एकच निष्कर्ष काढता येईल की या संघटनांचा आणि त्यांच्या विघ्नसंतोषी नेत्यांचा ब्राह्मणांना त्रास देणे याखेरीज दुसरा कुठलाही हेतू नाही. विनाकारण गुंडगिरी करून समाजाची शांतता भंग करणे; सरळमार्गी ब्राह्मणांना धमकावून, मारून-धोपटून खाली दाबणे आणि स्वतःची शून्य कर्तबगारी असतांना, अर्धवट ज्ञान असतांना आरडा-ओरडा करून लक्ष वेधून घेणे हेच यांचे उद्दिष्ट आहे असे सिद्ध होते. काहीतरी विधायक काम करून सगळ्या महाराष्ट्राला सोबत घेऊन पुढे जाणे जमत नसेल तर असल्या बाष्कळ विषयांवरून निदान आपल्या राज्यातली शांतता तरी भंग करू नका. --समीर

च्यामारी एकच प्रतिसाद तीन वेळा पोस्टवला म्हणजे खरे वाटेल लोकांना असे वाटते की काय तुम्हाला? सस्नेह विशाल ************************************************************* मज पिसे लागलेले सुखांचे गे हलकेच धुके ओसरते आहे... आमचं नवीन पाडकाम : बोलावणे आले की.... भाग १: http://www.misalpav.com/node/8059 भाग २: http://www.misalpav.com/node/8085