पाककृती
बनाना-नट ब्रेड ( केळ्याचा केक )
Primary tabs
केळी जास्त पिकलेली असली कि खाविशी वाटत नाहित. अश्यावेळी उरलेल्या केळ्यांचा हा झटपट होणारा बनाना नट ब्रेड अतिशय चविष्ट होतो.
साहित्य : ४ पिकलेली केळी,
१/२ कप वितळवलेल बटर,
१ १/२ कप मैदा ,
२ फेटलेली अंडी,
३/४ कप बारीक वाटलेली साखर,
१ टिस्पुन बेकिंग सोडा,
१ टिस्पुन वनिला,
१ चिमुट मीठ
१/४ कप बरीक कापलेले अक्रोड,
मुठभर मनुका
केळी कुस्करुन घ्यावीत. एका भांड्यात केळी आणि बटर मिसळावे. त्यात फेटलेली अंडी, वनिला घालुन एकत्र करावे.
नंतर मीठ, साखर, बेकिंग पावडर सगळे घालून १ मिनिट फेटावे. त्यात मैदा घालावा. चांगले फेटून घ्यावे. नंतर त्यात
अक्रोड आणि मनुका घालाव्यात.
अवन ३५० फारनहाईट वर गरम करुन घ्यावा. बेक करायच्या भांड्याला बटर लावुन त्यात वरील मिश्रण ओतावे.
१ तास बेक करावे. गरमागरम बनाना-नट ब्रेड तयार.
मस्त! :)
तात्या.
लवंगीताई, तू ग्रेट आहेस!
किती दिवसांपासून ह्या पाकृच्या शोधात होते.
माझ्याकडच्या प्रमाणानुसार (जे वर दिल्यापेक्षा खूप वेगळे आहे) ह ब्रेड कधीही नीट जमला नाही व बाहेरून विकत आणत असे. आता मात्र हवा तसा ब्रेड जमेल अशी आशा आहे.
धन्यवाद!
रेवती
मीपण २-३ प्रकारे करुन पाहिला. पण या प्रमाणाने मस्त होतो. यात मैद्याऐवजी ऑल पर्पज वापरुनपण छान होतो.
झक्कास!!!!!
:)
- (सर्वव्यापी)प्राजु
http://praaju.blogspot.com/
च दिसतोय केक....
दिपाली :)
व्वा.असा केक बनावला जाऊ शकतो याचा कधी विचारच केला नव्हता !!! :)
मदनबाण.....
Try And Fail, But Don't Fail To Try
Stephen Kaggwa
केक छान आहे. :)
पण अंड्याशिवाय केक चांगला होऊ शकेल का? :?
"आयुष्यात हारजीतला काही मोल नसते! मोल असते ते झगडण्याला! निकराने,प्राणबाजीने शर्थीने झुंजण्याला!"
पण केळ्यामुळे मऊ होतो त्यामुळे अंड्याशिवाय होऊ शकेल. अंड्याऐवजी १ केळ जास्त घाल.
मस्तच दिसतो आहे बनाना केक..
स्वाती
+१
--शाल्मली.
मस्त दिसतोय ब्रेड. मी वेगळ्या पद्धतीने करते. आता असा करुन बघेन.