संहिता जुनी नवीन अर्थ मागते अन्यथा विसर्जनास गर्त मागते आज कोणत्या अटीत गुंतणार मी? (भेट नेहमीच ती सशर्त मागते!) कल्पनेस तेज, ओज, चेतना हवी, ले़खणी सशक्त शब्द, अर्थ मागते तोच घेउनी फिरे रिता कमंडलू, काय त्या दयाघनास व्यर्थ मागते? स्वत्व जागवील, राष्ट्र उद्धरील जो, भूमि ही असा नवा समर्थ मागते

कशाची पर्वा न करता सूर्य उगवतो आहे, चिमण्या दाणे टिपत आहेत मला वाटत ही शांतता संपेलच आता.. नवा बेड आणलेला दिसतो शेजारी मुलाचे लग्न आहे घरातल्या म्हातार्‍या आजीला भरवणारी बाई..खिडकिशी आहे गरम वारा आत येतो ..उघड्या खिडकीतून .. तशी रेडियोवरची गाणी कुठलीतरी बाबा आदमच्या काळातली ,नाकात गायलेली.. किती आनंदाचे दिवस उरले आहेत कुणास ठाऊक.. ( एक सुंदर तरूणी सलून मधून रस्त्यावर येते) आली वाटत ती.. तिच्या गालावरची बट वारा येतो , बट येते .. (रस्त्यालाही पाने फुटतील असे वाटते अवेळी) तिला पाहून 'आलोच आजी '- म्हणत शेजारचा देखणा तरूण बाहेर पडतो.. मोटरसायकलवर निघतो.. ऐटीत ..