शूर आम्ही सरदार आम्हाला (विडंबन)

शूर आम्ही नवरोबा आम्हाला काय कुणाची भीती
पर्स, साडी अन् सँडलपायी कर्ज काढलं जास्ती ।।ध्रु।।

लग्नाच्या मंडपात उमगली संसाराची रीत, 
अमेझॉनशी नातं जुळलं, जडली सेलशी प्रीत!
लाख टोमणे झेलून घेईल अशी पोलादी छाती! 
पर्स, साडी अन् सँडलपायी कर्ज काढलं जास्ती

शूर आम्ही नवरोबा आम्हाला काय कुणाची भीती
पर्स, साडी अन् सँडलपायी कर्ज काढलं जास्ती ।।ध्रु।।

झुकावं वा हरून जावं, वाद न आम्हाला ठावं, 
माझंच चुकल म्हणत जगावं, हेच आम्हाला ठावं! 
शांतीपायी सारे इसरू आई बाबा ताई! 
पर्स, साडी अन् सँडलपायी कर्ज काढलं जास्ती!

शूर आम्ही नवरोबा आम्हाला काय कुणाची भीती
पर्स, साडी अन् सँडलपायी कर्ज काढलं जास्ती ।।ध्रु।।

टीप: या विडंबनाचा हेतू केवळ निरोगी कौटुंबिक विनोद आहे.