वाटले होते

सुखासाठी तुझ्या मी धडपडावे वाटले होते 

(कधी काळी तुझ्यासाठी जगावे वाटले होते)

जरी तू चालली होतीस माझी साथ सोडूनी 

वळून एकदा मज तू बघावे वाटले होते 

तुला मी पाहिले जेव्हा, तुझ्याशी बोललो जेव्हा 

असे सुंदर कुणी अपुले असावे वाटले होते 

लबाडीने जरी ते खेळती जिंकावया सारे

तिच्यासाठी मला सारे हरावे वाटले होते

मला स्वीकार वा झिडकार तू मंजूर आहे पण

तुझ्यासाठी मला 'अनघड' सजावे वाटले होते 

                       ©️®️  नाहीद नालबंद 'अनघड'