मी नाही कुणाचा बाप मी नाही कुणाचा आजा रंग बदलतो मी वारंवार कुंपणावरचा सरडा जसा मी न कुणाचे खातो, ल्यातो तो श्रीराम आम्हांला देतो लळा जिव्हाळा नाती गोती मी वेशीवर टांगून रहातो नाही कुणाची पर्वा, आशा नाही पुसले म्हणून निराशा स्वानंदाचे टाळ घेऊन हाती जगतो मी माझीच मिराशी

दिशा-कोन ढळले, सावरले, ...अथांग उरले, रेणुबंध खिळखिळले, जुळले, ...अजोड उरले, नक्षत्रे विझली, झगमगली, ...ओजस उरले, चित्रलिपी अडली, उलगडली, ...अव्यक्त उरले, अज्ञेयाच्या उंबरठ्यावर ज्ञात थबकले, अदृष्ट दिसले.