छान झालेला दिसतोय कट्टा, फोटो जोडल्याबद्दल धन्यवाद. चिमाजी अप्पांची ती पूर्ण मोहीमच रोमांचकारी होती. ज्यांना मुळातून संपूर्ण वाचायची असेल त्यांनी इथे वाचा https://archive.org/details/vasacmohma00kelk/mode/1up

व्वा ... मस्त्च ! किती सुरेख जागा ! किल्याची माहिती वाचली. भारी ! छान लिहिता तुम्ही, भटकंती धागे ही तुमची पेशालीटी बनू पहातेय ! छानच !

छोटेखानी भटकंती मस्त!!

दुर्मिळ माहिती उपलभद्ध करून दिल्याबद्दल खूप खूप धन्यवाद . सध्या फक्त बेलापूर किल्ल्याबद्दल माहिती वाचली. संपूर्ण पुस्तक सावकाश वाचेन. अतिशय धाडसी मोहीम. महिनाभर वेढा टाकून, शत्रूच्या कूटनीतीस बळी न पडता मराठयांनी मोहीम फत्ते केली.

वाह! मराठ्यांच्या इतिहासाच्या पाऊलखुणा असलेला किल्ला आणि भटकंती आवडली.

आताच दुपारी(२०२४_०२_०१) एक वाजता NMMCइमारतीसमोरच्या बेलापूर किल्ला नामक बुरुजापाशी होतो. प्रवेशद्वाराचे नाव कुठले देवीचे आहे. मोठी कमान आहे. पण किल्ला तिथूनच पुढे होता का? मी एकाला विचारले तर तो म्हणाला "हा काय." एका तुटक्या बुरुजाभोवती पत्र्यांचे कुंपण लावले आहे. मग तिथून सईवउड स्टेशनला चालत आलो. त्या अगोदर टी.एस.चाणक्य पाशी पक्षी बघायला गेलो. जागा बरोबर नाही. पण BNHSने इथेच ( चाणक्य अंडरपास) सकाळी आठ वाजता १७ फेब्रुवारीला पक्षी दर्शन कार्यक्रम ठेवलेला आहे. (८००रुपये,दीड तास). पूर्वीची शिवडीची जागाच बरी होती. या नवी मुंबई भागात रस्त्यात कुणी दिसत नाही. कुणाला विचारावे तर माहीत नाही सांगतात. वाहनं मात्र सुसाट पळत असतात. आजची फेरी वाया गेली. बेलापूर किल्ला छान जागा दिसते आहे.

हल्ली मनीष कदम यांचे पक्षी निरीक्षणाचे विडिओ पाहतो. हा https://youtu.be/DgQabaLZoUA?si=qqfAKVr7IMqId7vq बेलापूरच्याच डोंगरावरचा. इथे एकदा जायचे आहे.

एव्हढा इतीहास आणी पर्यटनाच्या सहज सोयी असतात फक्त त्यांच्या कडे बघण्याचा दृष्टिकोन हवा. भटकंती तुमची पेशालीटी या चौको भौंच्या विधानाशी सहमत. मनो यांनी दिलेली लिंक डाऊनलोडली आहे सवडीनुसार वाचतो. देता किती घेशील दो कराने.... प्रमाणे दोन डोळ्यांनी वाचणे,दोन पायांनी चालणे... विंदा करंदीकर यांची' लागेल जन्मावे पुन्हा'' या कवितेतला भाव आठवतो. एव्हढं सगळेच पहाणे,वाचणे,भोगणे एका जन्मात शक्यच नाही.

खूपच वाचनीय आणि प्रेक्षणीय. पूर्वी बेलापूरला बरेचदा जाणे झाले आहे परंतु ज्या मित्राकडे जायचो त्याला भटकंतीची आवड असूनही या किल्ल्याबद्दल ठाऊक नसावे.

धन्यवाद

सुरेख लिहिलंय. बेलापूर किल्ला सिद्धीने बांधला हे जरा विचित्र दिसतंय कारण सिद्धींचा अंमल ह्या प्रदेशात नव्हता माझ्या माहितीप्रमाणे पोर्तुगीजांनी हा किल्ला बांधला किंवा मूळचा कोळ्यांचा असावा. बाकी एकदम हटके किल्ल्याची सफर घडवलीत.

परवा परत बेलापूरला गेलो. पण सेक्टर ९ त्यापुढे ग्रीन व्हॅली पार्क आहे तिथे. अगोदर मनिष कदम यांच्या व्हिडिओची लिंक दिली आहे तिथे. बारा वाजले पोहोचायला. गेट बंद होतं. पण वाचमनला विनंती केली की लांबून आलोय आणि इतक्या लवकर इथे येता येणार नाही. जागा कशी आहे हे पाहता आलं तरी बरं होईल. त्याने आत सोडलं.( जागा सिडकोकडे आहे.) इतक्या दुपारीही पक्षी होते. शाल्मलीची लाल फुले होती ना. आत ओढे आणि झरे आहेत. पावसाळ्यात खूपच रम्य असणार. फक्त एक किमी रस्ता आहे. जागोजागी बाकडी ठेवली आहेत. बाजूच्या सायन_पनवेल हायवेचा आवाज येत नाही. फक्त पक्ष्यांची किलबिल. सुंदर जागा.

आम्ही दोघे पती पत्नी देखील परवा सकाळी बेलापूरला होतो. आधी माहित असते तर वेळ ठरवून भेटता आले असते. बेलापूरला येऊन काय केले ते आपल्या फ्लेमिंगोच्या धाग्यावर लिहिते.

लेख आणि फोटो आवडले 👍 मुद्दाम जाउन बघावे असे काही वाटले नाही, पण जवळपास रहाणाऱ्यांनी पर्वती आणि तळजाई सारख्या ठिकाणी रोज किंवा अधुनमधून भेट देण्यासारखे ठिकाण निश्चितच आहे! मनो, लिंक साठी आभार! बुकमार्क केली आहे सवडीने वाचतो.

नव्या मुंबईत भरपूर ऐसपैस रस्ते, फुटपाथ वेगळे मोठे आहेत तरी शालेय मुलांना सायकलींचे वेड फारसे दिसले नाही. जागोजागी पालक शाळेच्या बससाठी मुलांना घेऊन गप्पा छाटताना दिसले.

@राजेंद्र मेहेंदळे, Bhakti, कर्नलतपस्वी, चित्रगुप्त, मुक्त विहारि, टर्मीनेटर प्रतिसादाबद्दल आपले तसेच इतर सर्व वाचकांचे खूप खूप आभार

छान माहिती मिळाली. या ठिकाणी जायला नक्की आवडेल.