पाणीपुरी

फोटो  काय क्लास आहे !
एक एक उचलून तोंडात घालाविशी वाटते आहे पुरी.पण पुरणार नाही एक प्लेट!
सोपी आहे करायला कॄती.पण वेळ खूप जाईल.

प्रभाकरपंतांची पाणीपुरी आली!त्या प्लेटीतल्या पाणीपुर्‍या मला वेडावून दाखवताहेत असा भास होतोय हो :((
पंत, तुमचे अपराध वाढत चालले आहेत आणि ह्याची सजा आम्ही जातीने पुण्यपत्तनी येऊन देऊ!
चतुरंग

ते बरे झाले. पाणी सगळ्या प्रकारचे येत होते तसे आणि रगडाहि. पुर्‍याच जमत नव्हत्या.
पण प्रभाकरपंत.. फोटो इथे लावून माझ्या वर्मावर बोट ठेवलं आहे तुम्ही. याची शिक्षा भोगावी लागेल तुम्हाला. भारतात आले की.. नुसती तुमच्या घरीच तळ ठोकेन मी. बघा.. काय काय करून खायला घालायला लावीन तुम्हाला ते..
- ( पुरी सारखी टम्म फुगुन बसलेली)प्राजु

मीनल यांनी म्हटल्याप्रमाणे पुरी उचलून तोंडात टाकावीशी वाटते आहे.पाणी सुटले तोंडाला..:-)क्लासच! म्हणजे आता मला इथे पाणीपुरी करता येईल तर.. वावा,पेठकरसाहेब ,धन्यु..:-)शंका-ह्या प्रमाणात साधारण किती पुर्‍या होतील?एका नेवैद्याच्या वाटी मैदा+१ वाटी बारीक रवा,कोणती वाट्या? नेवैद्याची की साधी?शेवपुरीच्या पुर्‍या करताना हेच प्रमाण घेऊन तळायच्या आधी फोर्कने टोचा मारायच्या का?आणि रगडा पॅटीसची कृती द्या ना प्लीज.
स्वाती

साधारणपणे १५ ते २० पुर्‍या होतात.नैवेद्याची वाटी = २ इंच व्यास, १ इंच खोली.ज्या वाटीने मैदा घ्यायचा त्याच वाटीने रवा घ्यायचा.शेवपुरीच्या पुर्‍यांसाठी हेच प्रमाण. पुर्‍या लाटून थोडावेळ तशाच उघड्या ठेवायच्या (म्हणजे जरा वाळतील), तसेच फोर्कने टोचे मारल्यावर फुगणार नाहीत. चपट्या आणि कडक होतील.
रगडा पॅटीसची कृती देईन लवकरच.
धन्यवाद.

तश्या मी पण करते  घरी पु-या.
फुगली तर पाणिपुरी .चपटी झाली तर शेवपुरी आणि मोडली तर ,अजून चुरून भेळेत घालून खाल्ली.
सर्व चाट प्रकार पार पाडतात या पु-या प्रकरणात. काही काही म्हणून वाया जात नाही .
 हे सांगातचा हेतू हाच की  प्रयत्न जरूर करावा पु-यांचा. व्हरायटी खाता
येईल घरच्या घरी एकाच वेळी. बीच किंवा चन्ना भंडार शोधायला नको.
माझ्या पाककृती तील अजून एक गंमत सांगते याच अनुशंघाने.मी चतुर्थीला
मोदक  केले की बरोबर होत नाही. मोडतात सरखे.म्हणून मी तो नाद सोडून
दिला.माझे अहो म्हणतात ,`` यावर्षी नाही का तुझे मोडक ?कर ना कधी तरी घरी.मी खाईन मोडक असले तरी.``
तुम्ही सांगा माझी काय भिशाद होईल का असं ऐकल्यावर?

पेठकरशेठ, अहो का असे छळताय?! च्यामारी त्या संगणकाच्या स्क्रीनच्या! अहो अशी जिवघेणी चित्रं नुसती पाहवत नाहीत हो! :)
असो, अप्रतिम पाणीपुरी!
तात्या.

चाळवलंत आम्हांला!!
आता घरी कारभारणीला पाणीपुरी करायला सांगितलं पाहिजे नाहीतर 'लिट्ल इंडिया' ला गेलं पाहिजे!!!
-डांबिसकाका

पंत पंत पंत,
सर्वप्रथम मिसळपावावर हार्दिक स्वागत.
आपला,(स्नेही) धोंडोपंत
पानीपुरी लईईईईईईईईई झ्यांक.....
अशाच पाककृती येऊ द्यात. च्यायला लई दिसं उपाशी ठेवलं रावं तुम्ही.
तुमची "नमोगतावरची" डाल फ्राय नियमीतपणे आमच्या घरी होते आणि दरवेळेस "प्रभाकर पेठकर सुखी भव" हा आशीर्वाद आम्ही तुम्हाला देत असतो.
आपला,(उपकृत) धोंडोपंत
गेली काही वर्षे आम्ही वेलणकरांबरोबर असलेल्या आमच्या वैयक्तिक स्नेह, आपुलकी आणि जिव्हाळ्यामुळे नमोगतावर जाणे बंद केले आहे . 
त्यामुळे तुम्ही जरी तिथे पाककृती देत असाल तरी त्याला आम्ही मुकलो होतो.
आता तुम्ही इथे आलात हे पाहून आम्हांदिकांस आत्यंतिक आनंद झाला.
आपला,(हर्षभरीत) धोंडोपंत
आम्हाला येथे भेट द्या http://dhondopant.blogspot.com

श्री. तात्या,तुम्हाला मराठी पाणीपुरी मिळावी म्हणून हा उपद्व्याप.
श्री. पिवळा डँबिस,चित्रातील पाणीपुरीच्या पाण्याचा रंग पाहा. असं चमचमीत/झणझणीत पाणी हवं पाणीपुरीसाठी.
श्री. धोंडोपंत,सर्वप्रथम मिसळपावावर हार्दिक स्वागत.धन्यवाद.
दाल फ्रायबद्दलच्या आपल्या भावना पोहोचल्या. आपले आशीर्वाद असेच पाठीशी असू द्यावेत.
पुनःश्च धन्यवाद.

फर्मास चित्र आणि पाककृती.
घरी पाणीपुरी करताना मी मसाला घरी बनवला तरी पुर्‍या बाहेरूनच आणत होतो. आता पुर्‍यादेखील घरी करायला हरकत नाही असे वाटते.
उत्तरेत पाणीपुरीला "गोलगप्पा" म्हणतात. त्याचा  गोल कोंडाळे करून गप्पा मारत खायचा पदार्थ असा सोयीस्कर अर्थ मी काढला आहे!
सुनील (पाणीपुरीवाला)
Doing what you like is freedom. Liking what you do is happiness.

लवकरच पाणीपुरी करावी म्हणतो.
पुर्‍यांच्या पिठामध्ये सोडा घालायचा नसतो का? (ही शंका बाळबोध असली तरी प्रमाणिक आहे :)
पाकृ साठी आभार.
-- लिखाळ.
'शुद्धलेखन' आणि 'शुद्ध लेखन' यांवरील चर्चा वाचून आमची पार भंबेरी उडाली आहे.

काय सॉलेट फोटु हाये.
तोंडात नळच सुरु झाला पाहिल्या पाहिल्या :)
पेठकर साहेब खासच.
तुमच्या उपहार गृहावर चक्कर मारलीच पाहिजे.
कुठे आहे हे??
भारतातच आहे ना?? पुण्यात??

मग तर जरुर भेट देवु घेवु :)
पुणेकर सगळे कधी जमत आहेत? के सु पुण्यात आगमन पावलेत अस कळालं.
मग कधी करायची मिसळ पार्टी?? :)
त्यावेळी येइनच.
मॉडेल कॉलनीत येणार असेन तर आधी कळवुन नक्की येइन :)
पुणे पेशल असा एक नवीन धागा सुरु करावा का आता??

छान आहे.
पेठकर तुम्ही छान रेसिपी दिली. तुम्ही म्हणाल कि, मी रेसिपी दिली कि स्वाती लगेच आपली रेसिपी देते पण, मी देते कारण मी करते त्यात काय बदल करता येइल हे आपल्या कडून कळेल म्हणून.....
मी प्रथम बारीक रवा १ वाटी घेऊन त्यात मीठ कोमट पाणी घालून मळते नंतर पाणी शोषून घेइल् इतका त्यात मैदा घालते (साधारण १-२ टे.स्पून). १/२ तासाने कढइत तेल जास्त गरम करून पुर्‍या घालून मंद गॅस वर तळते. साधारण ५० पुर्‍या होतात (नैवेद्याच्या वाटीएवढ्या).
पुर्‍या फुगल्या कि "पाणी पुरी", नाही फुगल्या कि "दही बटाटा शेव पुरी"

पेठकर काका.. खूपच उशीरा पाहिली मी ही पाककृती.
सॉल्लिड आहे. आता प्रयोग करायला हरकत नाही.
:)

अगदी बेस्ट जमली आहे पाणीपुरी...

इकडे अमेरीकेत असली अस्सल पाणीपुरी मिळतच नाही..नाहीतर पुण्याला कमला नेहरु पार्काची पाणीपुरी खाल्याशिवाय दिस जायचा नाही...परत आठवणीने जीव भरुन आला....गेले ते दिन गेले...

मोठा धन्यवाद...

पुर्‍या हमखास फुगायला काही खास सूचना?
मी आतापर्यंत ४/५ वेळा 'पाणीपुरीच्याच' पुर्‍या घरी करायचा प्रयत्न केला. पुर्‍या फुगण्याचा success rate फारच कमी होता. सर्वकाही मापाने घेऊनही फुगल्या नाहीत. बाहेर होलसेलवर करतात ते कश्या करत असतील...आणि खरोखर बाहेरच्या पुर्‍या केव्हढ्या टम्म फुगलेल्या असतात मस्त..घरी चुकून फुगल्याच तरी तेव्हढ्या टम्म नाही होत. :(
पाणीपुरी कातण्यासाठी पाणीपुरी कटर मिळतं म्हणे? कसं असत ते? कोणाकडे आहे का?

पाणीपुरी जमल्या नाही तर शेवपुरी वगैरे उपाय असले तरी पण मग शेवटी पाणीपुरीची हौस भागत नाही ना!

-वर्षा

चिंचगुळाच्या चटणीची रेसिपी दिल्याबद्दल धन्यवाद.
गॅसवर केली नव्हती कधी
-वर्षा

कालच रात्री आपली बैठक झाली ... मजा आली ... आज पुण्याला पोचलाही असाल ... वरची रेसिपि आणि फोटो मस्तच आहेत. ट्राय करुन बघतो जमते आहे का ते. पुर्‍या मात्र विकतच्याच!

"यज्ञकर्म" यशस्वी होवो ही शुभेच्छा!

का आणला हा धागा पुन्हा वरती ?
अहो ,तोंडाच्या पुरीत पाणी सुटत ना!!!!!!!!!!!!!!!!!!!!!!!!!!!

पोट पुरीसारख रिकाम वाटत.
खायला मिळल नाही तर चेहरा चिंचेसारखा आंबट होतो.
फोटो पाहुन गुळासारखा गोड करावा लागतो.

मीनल.

एकडाव पैज मारुन २०० पानीपुऱया खाल्ल्या होत्या. ते आटवलं तरी शिरशिरी येते, मी फार त फार ७-८ पानीपुऱया खाउ शकतो. त्या पन मला झेपत नाईत.

तुम्ही दिलेली पाककृती खूप छान आहे. आणि वाचून तर मला पाणीपुरी खाण्याची इच्छा होत आहे.

Aaj cha maza pahilach divas hota mipa var.. Khar tar panipuri recipe search kartana Mala mipa baddal samjal ani mi sadasya zale.. Aajch karun baghitali recipe.. Pappni khup kautuk kel Maz... Purya ghari kelya sarkhya vatatch nahi as mhanale.... Recipe sathi khup dhanyawad....

Photo kadhlet pan kase takayche mahit nahi aani marathi madhe tumhi sagle kase lihita... ?

अक्षदा आणि सौंदर्य धन्यवाद.
७ वर्षांपूर्वीची पाककृती आहे. हल्ली मी पाणीपुरी साठी पीठ मळताना चिमुटभर खायचा सोडा सुद्धा वापरतो. छान होतात पुर्‍या.

मी सुद्धा त्या दिवशी पीठ भिजवताना सोडा घातला होता. छान झाल्या होत्या पुर्या.

७ वर्षांनंतर माझ्या एक चुक लक्षात आणून देण्यात आली आहे. रगड्याच्या कृती मध्ये शिजवलेले वाटाणे केव्हा घालायचे हेच लिहायचे राहून गेले आहे. ते, 'टोमॅटो शिजून एकजीव झाला की त्यात तिखट, हळद, छोले मसाला घालून तेल सुटेस्तोवर परता.' ह्या पायरी नंतर घालावेत.

चुकी बद्दल क्षमस्व.

चुक लक्षात आणून देणार्‍या माझ्या ज्येष्ठ भगिनीचे मनापासून आभार.

हाफशेंच्युरी निमीत्त पेठकर काकांचा आणी अक्षदा यांचा सत्कार एक एक प्लेट पाणीपुरी देऊन करण्यात येत आहे.

शुभेच्छुक- जेपी आणी तमाम पाणीपुरीप्रेमी कार्यकर्ते.

धन्यवाद... धन्यवाद...

.... पाणीपुरीप्रेमी

हाफ सेंच्यूरीच का? काय चांगला भाव आला नाही पाणीपुरीला......