भोपळ्याची (दुधी) कोफ्ता करी

भोपळ्याची (दुधी) कोफ्ता करी ज्याला भोपळा आवडतो/ नाही आवडत त्यांनासुद्धा आवडेल.... (असे मला वाटते) साहित्य : १ मध्यम आकाराचा भोपळा(दुधी), १/२ वाटी बेसन, २ कांदे, २ टोमॅटो , ६-७ पाकळ्या लसून, १ वाटी तेल, १ चमचा तिखट, मिठ , हळद, जीरे इ. कृती : प्रथम भोपळा सोलून घ्या, नंतर त्याला किसनीने किसुन घ्या. त्याला पाणी सुटले असेल ते सगळे पिळुन काढुन घेणे. मग त्यात बेसन, थोडीशी चविपुरती तिखट, मीठ , हळ्द आणि हे सगळे नीट मिक्स करुन त्याचे पाहिजे त्या आकाराचे गोळे करुन घेणे. व ते तेल गरम करुन गोळे मंद आचेवर तळुन घेणे. कांदा व टोमॅटो बारीक किसुन घेणे (मिक्सरमधुन पेस्ट केली तरि चालेल), लसुन ठेचुन घेणे, कढईत तेल गरम करुन जिरे टाकावे, मग कांदा (पेस्ट) टाकुन तो तांबुस झाल्यावर टोमॅटो(पेस्ट) टाकावी हे चांगले तेल सुटेल तोपर्यंत चांगले होवु द्यावे आणि मग त्यात तिखट, हळ्द टाकुन थोडा वेळ होवु द्यावे आणि ग्रेव्ही च्या घट्ट पणानुसार पाणि टाकुन चवीनुसार मीठ घालावे व चांगली उकळी येवु द्यावी. आणि त्यानंतर तळ्लेली गोळे टाकुन एक उकळि येवु द्यावी. गॅस बंद करुन गरम गरम पोळी/पराठ्या सोबत खा.