मासे ८) बोईट

बोईटाची खवले काढून त्याचे पोटाला चिर पाडून पोटातील घाण काढावी, शेपुट व पर काढावेत. मग जर बोईट मोठे असतील तर त्याचा शेपटाकडील भाग , डोके आणि मधला भाग असे तिन भाग करावेत. डोके व शेपटाचा भाग कालवणासाठी वापरावे व मधला भाग तळण्यासाठी वापरावा. जर छोटे असतील तर दोन तुकडे किंवा अख्खेच ठेवावेत. मोठ्या बोईटाला पिळसा म्हणतात. लागणारे साहित्य: बोईटाच्या कालवणाचे साहित्य : बोईट ४-५ लसूण ५-६ पाकळ्या ठेचुन हिंग हळ्द, २ चमचे मसाला चवी पुरते मिठ तेल चिंचेचा कोळ वाटण : आल अर्धा इंच, लसूण ५-६ पाकळ्या, कोथिंबीर, मिरची १, ओल खोबर ४ चमचे. पाककृती : बोईटाच्या कालवणाची कृती : टोपात तेलावर लसणाची फोडणी देउन हिंग, हळद, मसाला घालून त्यात वाटण घालावे वर बोईटांचे तुकडे घालावेत. वर वाटण, चिंचेचा कोळ मिठ, गरजे पुरते पाणी घालून उकळवावे. ४-५ मिनीटांत गॅस बंद करावा. हेच बोईट हिंग, हळद, मसाला, मिठ लाउन तव्यावर शॅलोफ्राय करता येतात.