गुळपापडीची वडी

सोप्पी चटकन होणारी आणि पौष्टीक आहे ही वडी ४ वाटी गव्हाचे पीठ्/कणीक २ वाट्या गुळ १ १/२ वाटी पाणी ८-१० खारका, ५-६ बदाम दोन्ही वाटून थोडा तळलेला डींक २ चमचे खसखस पाऊण वाटी साजुक तुप (वडी मऊ किंवा कडक आवडत असेल त्याप्रमाणे तुपाचं प्रमाण कमी जास्त करा) कणीक तुपावर खमंग भाजून घ्या, गुलाबीसर रंगाची होईपर्यंत. गुळ पाणी एकत्र करुन एक तारी पाक करा. खूप दिवस ठेवायच्या असतील वड्या तर आणखी घट्टं पाक करा. सगळा गुळ आवडत नसेल तर अर्धा गुळ अर्धी साखर घातली तरी चालेल. आता भाजलेली कणीक पाकात घाला ढवळा आणि किंचित तुप लावलेल्या ताटात थापा. वड्या पाडा आणि खा. खूप गरम असताना वड्या पाडल्या तर तुटु शकतात. समजा पाक किंचित कमी पडला तर दुधाचा हात लावला तरी चालेल पण मग फ्रीज मधे ठेवा आणि लवकर संपवा.

वाचने 9665

प्रतिक्रिया 19

प्रतिक्रिया

सुरेख...

विसोबा खेचर बुधवार, 14/05/2008 07:53

वा! वरदा, सुरेख पाकृ! गुळपापडीची वडी हा माझा अत्यंत लाडका प्रकार आहे. त्याची पाकृ तू मिपावर दिलीस हे पाहून आनंद वाटला! सोबत फोटू का नाही दिलास? असो, अश्याच चांगल्याचांगल्या पाकृ मिपावर देत जा, म्हणजे तुला स्वयंपाक करता येत नाही हा आरोप मी मागे घेईन .. :) तात्या.

खूप छान..

प्राजु बुधवार, 14/05/2008 07:56

करून ठेवावी आणि मग अधे मधे सहज तोंडात टाकायला म्हणून द्यावी... मस्त रेसिपी. - (सर्वव्यापी)प्राजु http://praaju.blogspot.com/

मी केलेली ..

ऋचा बुधवार, 14/05/2008 09:18

मी केलेली .. पण ती खुप कडक झाली (तुटता तुटेना अशी झाली.) :S बाकी ही कृती सोपी वाट्टेय (अशी करुन पाहीन आता)

होते असे कधी कधी

विजुभाऊ बुधवार, 14/05/2008 10:07

पण ती खुप कडक झाली ... होते असे कधी कधी. त्याचा जाडसर कूट करा. पोराना येता जाता मूठ मूठ बकणे भरायला आवडेल

वड्या

रोचीन बुधवार, 14/05/2008 11:08

ताटात थापल्यावर कुटलेली बडिशोप वरून पेरावी. छान चव येते!!!!!:)

मस्त!

स्वाती दिनेश बुधवार, 14/05/2008 11:48

वरदा,काय आठवण करून दिलीस ग्..खूप दिवसात गूळपापडी केली नाही,आता करायलाच हवी..:) माझी लई लाडकी वडी...मस्त पाकृ...मी त्यात मूठभर पोहे,तुपात तळून घालते डींकाऐवजी आणि मग त्याच तुपात कणिक भाजते. स्वाती

ह्याचे काय?

प्रभाकर पेठकर बुधवार, 14/05/2008 13:40

८-१० खारका, ५-६ बदाम दोन्ही वाटून थोडा तळलेला डींक २ चमचे खसखस ह्याचे काय करायचे?

वरदा छान आठवण..

स्वाती राजेश बुधवार, 14/05/2008 13:59

करून दिलीस गुळपापडीची!!!!!

८-१० खारका,

विजुभाऊ बुधवार, 14/05/2008 16:44

८-१० खारका, ५-६ बदाम दोन्ही वाटून थोडा तळलेला डींक २ चमचे खसखसहे गुळपापडी केल्यावर आलेला शीण घालवण्यासाठी खायचे

ओ पेठकर काका

वरदा बुधवार, 14/05/2008 16:52

काय गंमत करता माझी बापडीची....तात्या ते वरचं एडीट करुन त्यात हे सगळं पाकात टाकताना टाका असं होईल का हो? सोबत फोटू का नाही दिलास? इथे फोटु कसा चढवायचा ते माहीत नाही म्हणून्..तुम्हाला एमेल करेन मग चिकटवा इथे...

हीही ही

वरदा बुधवार, 14/05/2008 16:52

हे गुळपापडी केल्यावर आलेला शीण घालवण्यासाठी खायचे :)))

पुढच्या वेळी

वरदा बुधवार, 14/05/2008 16:54

नक्की पोहे घालून पाहेन गं स्वाती. बडीशोप घालायची आयडीया एकदम वेगळीच करुन पाहेन बरं का रोचीन.

अग

शितल बुधवार, 14/05/2008 18:27

वरदा मी ही तुझी गुळ्पापडी चार वेळा वाचली मग माझा विश्वास बसला की तु ते बदाम आणि खारीक खाऊन टाकलीस. खुप भुक लावगल्यावर असेच होते. आम्ही ते पाकातच त्या गव्हाच्या पीठा बरोबर टाकु तु न सा॑गता चालेल का ? बाकी गुळपापडीची कृती एकदम झक्कास.

यम् यम्

मन बुधवार, 14/05/2008 18:35

मस्त चव आली तोंडाला नुसतं वाचुनच! ही गुळ पापडी पाहुन बोक्या प्रमाणे आपल्या जिभल्या चाटत बसलेला, मनोबा (जाडजूड असलेल्या अमेरिकन सोमालियाच्या नागरिकाला म्हणतो. "तुझ्याकडे बघितलं की जगातलं दारिद्य्र समजतं. सीमालियाच्या नागरिक म्हणतो- "आणि तुझ्याकडं बघितलं की त्या दरिद्य्राचं कारण समजतं....!' )