संत्र्याची खीर / कमलालेबु खीर (बंगाली पा़कृ)

साहित्यः १ लिटर दूध ४ टेस्पून साखर (आवडीप्रमाणे कमी - जास्त) २ छोटी संत्री १ टीस्पून वेलचीपूड १/२ टीस्पून केशर सजावटीसाठी बदाम-पिस्त्याचे काप पाकृ: प्रथम दूध एका नॉन-स्टीक भांड्यात तापवायला ठेवावे. दूधाला एक उकळी आली की गॅस मंद आचेवर ठेवून दूध आटु द्यावे. मधे-मधे डावाने ढवळत रहावे. दूध निम्मे झाले, जरा घट्ट झाले की त्यात वेलचीपूड, केशर व साखर घालावे व ढवळावे. साखर विरघळली की त्यात थोडे बदाम-पिस्त्याचे काप घालावे व गॅस बंद करावा. संत्र्याची साले काढून ठेवावी. फोडींमधील बिया व वरचा पातळ पांढरा भाग काढून गर वेगळा करावा. दूध पूर्ण गार झाले की त्यात संत्र्याचा गर घालावा व खीर फ्रिजमध्ये ३-४ तास थंड होण्यासाठी ठेवावी. (दूध गरम असताना संत्र्याचा गर घालून नये दूध नासेल.) आदल्या रात्री करुन ठेवली तर संत्र्याचा स्वाद आणखीन खीरीत उतरेल. ही मस्त, चविष्ट खीर थंड सर्व्ह करावी :)