Skip to main content

फ्राईड भेंडी

लेखक सस्नेह यांनी बुधवार, 21/03/2012 11:19 या दिवशी प्रकाशित केले.
साहित्य : बोटाइतक्या लहान व कोवळ्या भेंड्या पाव किलो शेंदेलोण व पादेलोण प्रत्येकी १/२ चमचा लाल मिरचीपूड १/२ चमचा दालचीन पूड पाव चमचा तळणासाठी तेल अर्धी वाटी भेंडी धुऊन देठे व शेंडे कापावे. कढईमध्ये तेल तापवून पूर्ण आचेवर अखंड भेंड्या थोड्या थोड्या तळून घ्याव्या. निवल्यावर एका ताटामध्ये पसरून प्रथम शेंदेलोण, पादेलोण व नंतर दालचीन पूड व लाल मिरचीपूड वरून भुरभुरावी. स्नॅक्स म्हणून खाण्यास चांगली.
वाचने 9104
प्रतिक्रिया 13

प्रतिक्रिया

पक पक पक बुधवार, 21/03/2012 13:19
छान झाला आहे हा आयटम :) पण चिरुन तळ्ल्या तर कुरकुरीत होतिल अस वाट्तय ,अन मसाला देखील व्यवस्थित लागेल...

सस्नेह बुधवार, 21/03/2012 13:49
चिरुन तळल्या तर भेंडीच्या आतल्या रसाचा आस्वाद मिळत नाहि. (मटणातल्या नळीसारखा...)

परिकथेतील राजकुमार बुधवार, 21/03/2012 14:01
नेमकी भेंडी खात असतानाच हा धागा आला. भेंडी म्हणजे आपला जीव की प्राण. बाकी धागा वाचून सुहासने दिलेल्या पाकृचीच आठवण झाली पहिल्यांदा.

सस्नेह गुरुवार, 22/03/2012 13:11
धन्यवाद सानिकाजी. आपले सर्टिफिकेट मिळाले म्हणजे सगळ्यांचे मिळाल्यात जमा आहे.

रेवती बुधवार, 21/03/2012 19:34
भेंडीचे सगळे प्रकार मला आवडतात म्हणून हाही आवडेल. अवांतर: भरल्या भेंडीची भाजी पोळीबरोबर कशी खायची हे अजूनही मला न उलगडलेलं कोडं आहे.

सस्नेह गुरुवार, 22/03/2012 13:13
मी पोळीचा रोल करुन त्यात ती भरते अन खाते. एक घास भेंडी अन एक घास पोळी असं करण्यापेक्षा बरं !

परिकथेतील राजकुमार गुरुवार, 22/03/2012 15:22
भरल्या भेंडीची भाजी पोळीबरोबर कशी खायची हे अजूनही मला न उलगडलेलं कोडं आहे.
अशा वेळी पोळी भरल्या भेंडीच्या भाजीबरोबर खायची.

चौकटराजा रविवार, 25/03/2012 13:53
अर्धी भेंडी १०० किलो काजूत मिसळून जो पदार्थ होईल त्याला काजूभेंडी म्हणतात. हा भेडीचा प्रकार फारच छान लागतो. १०० किलो काजू घेतल्यास गोव्यात अर्धी भेंडी फ्री मिळते. त्यामुळे भेंडीचा खर्च येत नाही.